Morgunblaðið - 03.07.2012, Side 12

12 FRÉTTIRInnlent
MORGUNBLAÐIÐ ÞRIÐJUDAGUR 3. JÚLÍ 2012
Óvenjusólríkt var bæði í Reykjavík og á Akureyri
í nýliðnum júnímánuði. Þetta kemur fram í yfirliti
Trausta Jónssonar veðurfræðings.
Í Reykjavík mældust sólskinsstundirnar 320,6
og hafa aðeins einu sinni orðið fleiri í júní. Það var
1928 þegar þær mældust 338,3. Sól skein nú 159
stundir umfram meðallag í júní. Samanlagt eru
sólskinsstundir í maí og júní í Reykjavík nú 617
stundir og hafa aldrei mælst svo margar í þessum
tveimur mánuðum samanlagt.
Á Akureyri mældust sólskinsstundirnar 258,4
og er það 82 stundum yfir meðallagi. Sólskins-
stundirnar voru ámóta margar á Akureyri í júní
2010.
Þá kemur fram í yfirliti Trausta að mjög þurrt
var á landinu í júní og úrkoma alls staðar minni
en í meðalári. Þurrkarnir voru óvenjulegastir um
landið vestanvert, allt frá Reykjanesskaga í suðri
norður og austur um til Skagafjarðar. Úrkoma hef-
ur aldrei mælst jafnlítil í júní á fjölmörgum stöðv-
um á þessu svæði, m.a. í Stykkishólmi þar sem
mælt hefur verið samfellt í júní frá 1857. Úrkoman
í Stykkishólmi mældist nú aðeins 0,6 millimetrar.
Úrkoma mældist 13,8 mm í Reykjavík og er það
aðeins 28 prósent meðalúrkomu. Ámóta þurrt var í
Reykjavík í júní í fyrra (2011) og sömuleiðis mæld-
ist úrkoma litlu minni 2008 og 1980. Þurrasti júní í
Reykjavík var 1971 en þá mældist úrkoma aðeins
2,1 millimetri.
Á Akureyri mældist úrkoman í júní 9,9 mm og er
það um 35 prósent meðalúrkomu. Á Höfn í Horna-
firði mældist úrkoman aðeins 12,6 mm. Þetta er
minnsta júníúrkoma þar um slóðir frá 1991.
sisi@mbl.is
Sólríkasti júnímánuður í 84 ár
 Úrkoma minni en í meðalári alls staðar á landinu  Ekki hefur mælst minni
úrkoma í Stykkishólmi í júní en þar hefur verið mælt samfellt frá árinu 1857
Morgunblaðið/Kristinn
Sólskin Landsmenn nutu einmuna veðurblíðu í
síðasta mánuði. Víða kom varla dropi úr lofti.
Meðalhiti í Reykjavík mældist
10,7 stig, 1,7 stigum ofan með-
allags og er þetta áttundi hlýj-
asti júnímánuður sem vitað er
um í Reykjavík. Júní 2010 var
þó hlýrri en júní nú.
Í Stykkishólmi var meðalhit-
inn 9,7 stig og er það 1,6 stig-
um yfir meðallagi.
Mun kaldara var um landið
austanvert. Á Akureyri var
meðalhitinn 8,9 stig, eða 0,3
stigum undir meðallagi, og á
Egilsstöðum var hiti 1,3 stigum
undir meðallagi.
Júní í fyrra (2011) var þó
talsvert kaldari norðaust-
anlands heldur en sá nýliðni,
segir í yfirliti Trausta Jóns-
sonar.
Hlýtt syðra
HITANUM VAR MISSKIPT
Í gærmorgun opnaði Toyota á Ís-
landi nýjar höfuðstöðvar sínar í
Kauptúni 6 í Garðabæ.
„Eftir rúmlega fjörutíu ára veru í
Kópavogi erum við að flytja höf-
uðstöðvarnar í Kauptún í Garðabæ,“
segir Páll Þorsteinsson, upplýsinga-
fulltrúi Toyota, og bætir við: „Við
höfum verið hér og þar um bæinn.
Við höfum verið á dálítið mörgum
stöðum, bæði í Reykjavík og Kópa-
vogi, og aðalbreytingin er sú að nú
er öll þjónusta fyrirtækisins komin
undir eitt þak.“
Að sögn Páls er verulegur þjón-
ustuauki fólginn í hinu nýja húsnæði
en þar má finna nýja og notaða bíla,
verkstæðismóttöku, varahlutaversl-
un o.fl., allt á sama stað.
Þá bendir hann á að nk. laugar-
dag verði Toyota með bílasýningu
þar sem GT 86 sportbíllinn frá
Toyota verður m.a. til sýnis ásamt
öðrum spennandi bílum.
Morgunblaðið/Sigurgeir S.
Nýjar höfuðstöðvar
Toyota opnaðar í Garðabæ
Samtökin Íslandrover hefur und-
anfarin á staðið fyrir sumarhátíð
Land Rover áhugamanna, þar
sem eigendur og áhugamenn
þessara bíla, íslenskir sem út-
lendir, hittast og skemmta sér
saman í Húnaveri, á mótum
Langadals og Svartárdals. Hátíð-
in mun standa yfir frá föstudeg-
inum 13. júlí til sunnudagsins 15.
júlí. Á laugardag verður boðið
upp á jeppaferð, þrautabraut og
vegasalt. Um kvöldið mun hóp-
urinn grilla saman og skemmta
sér. Íslandrover útvegar kol og
grill en fólk kemur sjálft með
matinn. Á sunnudeginum verður
gengið frá „og við tökum kannski
einhverja hálendisleið til baka,“
segir í tilkynningu. Nánar á isl-
androver.is.
Hátíð í Húnaveri
Stéttarfélagið Framsýn á Húsavík
hyggst óska eftir upplýsingum um
kjör og aðbúnað þess vinnufólks í
Kína sem starfar við framleiðslu á
lopapeysum sem seldar eru á Íslandi.
Aðalsteinn Á. Baldursson, formaður
Framsýnar, segir handverksfólk, sem
hafi tekjur af því að prjóna og selja
lopapeysur, hafa áhyggjur af sam-
keppninni við fyrirtæki sem láti
prjóna fyrir sig erlendis.
„Við höfum fengið ábendingar frá
handverkskonum sem eru ósáttar
með sína stöðu, að í auknum mæli séu
menn að flytja inn erlendar lopapeys-
ur til að selja á Íslandi,“ segir Aðal-
steinn. Hann segist ekki líta svo á að
íslensk ull og íslensk hönnun jafngildi
íslenskri framleiðslu ef varan er fram-
leidd erlendis. Hann hafi m.a. heyrt í
aðila sem flytji inn lopapeysur frá
Kína og Lettlandi en þær séu merkt-
ar „Íslensk hönnun úr íslenskri ull“.
„Það stendur hvergi „Made in
Latvia“ og þá er bara ekki verið að
segja allan sannleikann,“ segir Aðal-
steinn og ber þetta saman við þegar
erlent grænmeti var flutt inn og
merkt íslenska fánanum af því það
var flokkað á Íslandi.
„Það er lágmarkskrafa að þetta sé
merkt sem vara sem er ekki fram-
leidd á Íslandi, jafnvel þótt hún sé úr
íslensku hráefni,“ segir Aðalsteinn.
Innfluttar lopapeysur
verði merktar sem slíkar
 Vilja láta kanna aðbúnað í Kína