Morgunblaðið - 14.07.2012, Qupperneq 1

L A U G A R D A G U R 1 4. J Ú L Í 2 0 1 2
 Stofnað 1913  163. tölublað  100. árgangur 
HANNA LIST-
MUNI Í GÖMLU
VERBÚÐUNUM
VANDI SIG AF
ÞVÍ AÐ VERA
ÍSLENSK
STUÐMENN HALDA
STÓRTÓNLEIKA Í
HÖRPU Í HAUST
SUNNUDAGSMOGGINN MEÐ ALLT Á HREINU 30 ÁRA 40LISTRÆNAR MÆÐGUR 10
Ljósmynd/Guðmundur Stefán Maríasson
Vinnsla Fyrsta brettið með frystum og
fullunnum makríl úr verksmiðjunni í gær.
 Vonir standa til að vinnsla geti
hafist af fullum krafti í nýrri verk-
smiðju Skagans á Akranesi á Suð-
urey í Færeyjum eftir rúma viku.
Þetta segir Ingólfur Árnason, fram-
kvæmdastjóri Skagans. Til stendur
að vinna uppsjávarfisk í verksmiðj-
unni en uppsetning hennar er langt
á veg komin.
Vinnslukerfi verksmiðjunnar
byggist á íslenskri tækni sem þróuð
hefur verið hjá Skaganum en fyrsti
áfangi hennar á að afkasta 600
tonnum. »2
Vinnsla hefst innan
skamms í Færeyjum
Kolbrún Bergþórsdóttir
kolbrun@mbl.is
„Ég er ekki háður styrkjakerfi og er ekki hluti af
háskólakerfinu og þess vegna get ég rifið kjaft,“
segir Haraldur Sigurðsson eldfjallafræðingur í við-
tali í sunnudagsblaði Morgunblaðsins. „En marga
kollega mína gruna ég um að passa mjög vel hvað
þeir segja vegna þess að þeir starfa innan kerfisins
í litlu landi. Þá er stutt í sjálfsritskoðun.“
Haraldur segist ekki sjá neitt sem bendi til að
gos verði fljótlega, en segir að verið sé að reisa
byggð á hættusvæðum. „Ég hef bent á Krísuvík-
ursvæðið, sem ástæða er til að hafa áhyggjur af en
þar er sprungukerfi sem Heiðmörk liggur á og
Straumsvík er byggð nærri sprungukerfi og ung
hraun eru í Hafnarfirði og í
grennd við Njarðvíkur, ættuð
úr eldstöðvum á Reykjanesi.
Það er nokkurn veginn regla að
þar sem ungt hraun er mun
yngra hraun koma ofan á það.
Ytri mörk höfuðborgarsvæð-
isins eru að færast upp að Ell-
iðavatni og Heiðmörk og í
Hafnarfirði eru þau að færast
yfir í Kapelluhraunið, þannig að
verið er að reisa byggð á hættu-
svæðum. Stjórnmálamennirnir lifa fyrir kjör-
tímabilið og hugsa sem svo: Það gerist ekkert með-
an við erum á lífi. Sem getur verið alveg rétt. Þetta
er sennilega allt í lagi varðandi verksmiðjuna í
Straumsvík því það þarf hvort eð er að byggja nýja
verksmiðju eftir fimmtíu ár, þá verður núverandi
verksmiðja orðin gamaldags, menn vilja rífa hana
og byggja nýja og þá er svo sem allt í lagi að hraun-
ið taki hana. En það er nokkuð annað mál ef þú átt
einbýlishús í útjaðri Hafnarfjarðar eða uppi við El-
liðavatn, sem þú varst ekki bara að byggja fyrir þig
heldur líka fyrir afkomendur þína. Þér þætti sárt ef
það færi undir hraun. Veðurstofan og vísindamenn
við Háskóla Íslands fylgjast vel með sem þýðir að
ef til vill verður hægt að sjá fyrir gos á þessum
svæðum skömmu áður en þau hefjast en það er bú-
ið að byggja á svæðunum. Það verður hægt að
bjarga fólkinu og kannski kæliskápnum og hús-
gögnum en það verður aldrei hægt að byggja aftur
á sumum af þessum svæðum.“
Byggð reist á hættusvæðum
Haraldur
Sigurðsson
 Segir að ung hraun sé að finna í Hafnarfirði og í grennd við Njarðvíkur
 Fram-
kvæmdastjóri
LÍU segir vel
hægt að auka
þorskkvóta
enn frekar eða
upp í 230 þús-
und tonn, enda
hafi þorsk-
stofninn náð
sér verulega á strik og hrygning-
arstofninn ekki verið stærri síðan
árið 1963.
Sjávarútvegs- og landbúnaðar-
ráðherra ákvað í gær aflamark
næsta fiskveiðiárs. Þorskkvóti var
aukinn um 10,4% eða í 195,4 þúsund
tonn. Síldveiðar verða einnig aukn-
ar um 48,9% eða úr 45 þúsund tonn-
um í 67 þúsund tonn. Ýsukvótinn
dregst saman um 20% milli ára. »6
Mikil aukning í veið-
um á þorski og síld
Sjá nánar á síðu 5
Græddu á gulli
á Grand Hótel
um helgina
lau. sun. og mánudag
frá kl. 11:00 til 19:00
Staðgreiðum allt
gull, silfur, demanta
og vönduð úr
Skúli Hansen
skulih@mbl.is
„Alþingi hefur ekki ákveðið kjör-
dag, mér sýnist að það eigi að líða
þrír mánuðir frá því að Alþingi
ákveður kjördaginn en ekki ein-
hvern hugsanlegan frest, og ég sé
ekki annað en að ef þingið ætlar að
koma saman 11. september þá sé
það fallið á tíma,“ segir Sigurður
Líndal, prófessor emiritus, en að
sögn hans verður Alþingi að ákveða
kjördag fyrir þjóðaratkvæðagreiðsl-
una um tillögur stjórnlagaráðs í síð-
asta lagi 20. júlí næstkomandi ef
ætlunin er að halda atkvæðagreiðsl-
una eigi síðar en 20. október.
Aðspurður hvaða afleiðingar það
hefði ef Alþingi myndi virða fresti í
lögum um framkvæmd þjóðarat-
kvæðagreiðslna og lokafrestinn í
þingsályktunartillögunni um þjóðar-
atkvæðagreiðsluna að vettugi og
halda atkvæðagreiðsluna 20. októ-
ber, sagðist Sigurður telja að slík
atkvæðagreiðsla væri markleysa.
„Ég sé ekki betur en að atkvæða-
greiðsla sem þannig væri staðið að
yrði markleysa,“ segir Sigurður.
Ber að miða við 20. október
„Forseti lítur svo á að á meðan
ekki liggur fyrir önnur ákvörðun
um kjördag þjóðaratkvæðagreiðsl-
unnar beri hlutaðeigandi stjórnvöld-
um að haga undirbúningi sínum
samkvæmt henni,“ segir m.a. í svar-
bréfi Ástu Ragnheiðar Jóhannes-
dóttur, forseta Alþingis, við bréfi
innanríkisráðuneytisins sem Morg-
unblaðið greindi frá í gær. Í bréfinu
kemur einnig fram að taki Alþingi
aðra ákvörðun um kjördag eftir að
það hefur komið saman í september
þá verði ráðuneytinu gerð grein fyr-
ir því.
MDeila um kjördag »4
Tími Alþingis að renna út
 Lagaprófessor segir þjóðaratkvæðagreiðsluna um tillögur stjórnlagaráðs að
nýrri stjórnarskrá verða að markleysu ef Alþingi virðir lögbundna fresti að vettugi
Sigurður
Líndal
Ásta Ragnheiður
Jóhannesdóttir
Um þrjátíu manns tóku þátt í sjósundskeppni í
Skutulsfirði í gær en sundið markaði upphaf
hlaupahátíðar sem stendur yfir á Vestfjörðum
um helgina. Næsti liður hátíðarinnar var Óshlíð-
arhlaupið en það fór fram í gærkvöldi.
Í dag verður keppt í 55 kílómetra fjallahjól-
reiðum en hátíðinni lýkur á sunnudag með Vest-
urgötuhlaupinu milli Arnarfjarðar og Dýra-
fjarðar.
Syntu af stað inn í helgi þrekrauna
Morgunblaðið/ Sigurjón J. Sigurðsson
Upphaf hlaupahátíðar á Vestfjörðum