Morgunblaðið - 14.07.2012, Blaðsíða 20

Mayotte Kóralrifin eru torfarin.
Minnst sjö létust og sex er enn sakn-
að eftir að skipi hvolfdi nærri Ma-
yotte-ströndinni í Frakklandi í gær.
Um borð í skipinu voru ólöglegir inn-
flytjendur sem ferðuðust frá Kómor-
eyjum til Frakklands. Fjögur börn og
þrjár konur létust í slysinu. 11 manns
var bjargað úr flaki skipsins seint í
gær.
Tvö sjóslys hafa átt sér stað á tæp-
um tveimur mánuðum á svæðinu, en
öðrum bát hvolfdi á Indlandshafsrif-
inu við Mayotte í maí síðastliðnum. Í
slysinu létust fimm, fimmtán er enn
saknað en 19 manns var bjargað.
Kóralrifin á svæðinu eru mjög torfar-
in og mikill fjöldi skipa hefur sokkið
og hvolft nærri ströndum Mayotte.
Margir Kómoreyingar leggja í hættu-
lega siglingu til Frakklands í von um
atvinnu og bætt lífsskilyrði, en gríð-
arleg fátækt er á Kómoreyjum, mest
á eyjunni Anjouan, 100 kílómetrum
frá Mayotte í Frakklandi. Talið er að
um tveir fimmtu hlutar íbúa Mayotte
séu innflytjendur sem komið hafa til
Frakklands með ólöglegum hætti.
Sjö létust
í sjóslysi
 Skip með erlenda
innflytjendur fórst
20 FRÉTTIRErlent
MORGUNBLAÐIÐ LAUGARDAGUR 14. JÚLÍ 2012
Guðrún Sóley Gestsdóttir
gudrunsoley@mbl.is
Eþíópískur blaðamaður, Eskinder
Nega, var í gær dæmdur í átján ára
fangelsi fyrir að brjóta hryðjuverka-
lög landsins. Nega er þekktur stjórn-
arandstæðingur en í maímánuði fékk
hann PEN-frelsisverðlaunin fyrir
skrif sín.
Nega var dæmdur sekur fyrir að
hafa unnið með Ginbot Seven-sam-
tökunum, sem eru með höfuðstöðvar
í Bandaríkjunum, en eþíópísk stjórn-
völd líta á samtökin sem hryðju-
verkasamtök. Auk Nega hlutu 23
refsidóm fyrir að hafa brotið hryðju-
verkalög landsins, segir í frétt BBC.
Í frétt AFP kemur fram að aðrir
hafi fengið allt frá átta árum til lífs-
tíðardóma. Mannréttindasamtök
hafa fordæmt sakfellingu mannanna.
Stjórnarandstæðingurinn Andua-
lem Arage fékk lífstíðardóm og gaf
dómari þá skýringu að brot hans
hefði verið mjög alvarlegt en hann
var dæmdur fyrir að starfa með út-
lagasamtökum. Hann var einnig
dæmdur sekur fyrir að hafa tekið
ákvarðanir fyrir hryðjuverkasamtök-
in.
Af þeim 24 sem voru dæmdir voru
sextán ekki viðstaddir réttarhöldin
þar sem þeir höfðu flúið land. Hins
vegar voru þeir Eskinder og Andua-
lem báðir viðstaddir dómsuppsöguna
í gær. Mikill mannfjöldi var í dóm-
salnum, bæði fjölskyldur þeirra, vin-
ir, stjórnarandstæðingar, blaðamenn
og diplómatar.
Kastljós alþjóðlegra fjölmiðla
beinist að Eþíópíu um þessar mundir
vegna þungra dóma yfir blaðamönn-
um sem hafa verið fangelsaðir vegna
strangra laga landsins varðandi mál-
og prentfrelsi. Auk Nega voru
sænskir blaðamenn fangelsaðir
vegna ásakana um hryðjuverk.
Blaðamennirnir halda því fram að
þeim sé haldið að ósekju og krefjast
þess að mál þeirra verði tekið upp að
nýju, en eitt ár er liðið af 11 ára fang-
elsisdómi þeirra.
Diplómatar heimsóttu að auki
blaðamanninn Martin Schibbye og
ljósmyndarann Johan Persson, en
þeim hefur verið haldið í eþíópísku
fangelsi síðan 1. júlí á síðasta ári, þeg-
ar þeir voru handteknir af þarlendri
lögreglu. „Þeir eru einangraðir innan
veggja fangelsisins en líkamlegt og
andlegt ástand þeirra er viðunandi,“
sagði sænski sendiherrann í Eþíópíu
eftir heimsókn í fangelsið þar sem
Schibbye og Persson afplána dóm
sinn. „Þeir eru enn á þeirri skoðun að
þeim sé haldið í fangelsinu vegna
rangra saka,“ bætti hann við. Svíarn-
ir fá vikulegar heimsóknir frá starfs-
fólki sænska sendiráðsins.
Ætla ekki að áfrýja
Svíarnir voru handteknir á Odega-
svæðinu í Eþíópíu ásamt uppreisn-
armönnum frá Frelsishreyfingu
landsins, ONLF, eftir að hafa komið
til landsins með ólöglegum hætti frá
Sómalíu. Dómur yfir þeim féll svo í
desember síðastliðnum, en þeir voru
sakfelldir fyrir stuðning við hryðju-
verk. Talsmaður ríkisstjórnar Eþíóp-
íu, Shimeles Kemal, sagði að ákvörð-
un réttarins yrði ekki hnikað og að
Schibbye and Persson hefðu „farið út
yfir þau mörk sem hæfilegt þykir í
fréttamiðlun“. Hann bætti við að
dómurinn væri að sínu mati sann-
gjarn. „Sjálfstæður dómstóll komst
að niðurstöðu um sekt þeirra. Þeir
geta áfrýjað ef þeir eru ósáttir við
niðurstöðuna,“ sagði Kemal. Svíarnir
birtu hins vegar yfirlýsingu þess efn-
is í janúar að þeir myndu ekki áfrýja
vegna þeirrar glufu í eþíópísku rétt-
arkerfi að fangar geti hlotið óvænta
lausn játi þeir sekt sína.
 Þungir dómar falla yfir blaðamönnum í Eþíópíu  Landið hefur eina ströngustu
fjölmiðlastefnu heims  79 blaðamenn hafa verið þvingaðir í útlegð síðan árið 2001
18 ár fyrir uppreisnarskrif
AFP
Refsing Blaðamaðurinn Eskinder Nega var dæmdur í 18 ára fangelsi fyrir
að brjóta hryðjuverkalög Eþíópíu. 23 blaðamenn hlutu refsidóm að auki.
Guðrún Sóley Gestsdóttir
gudrunsoley@mbl.is
Tuttugu hafa látist í gríðarlegum
rigningum sem geisað hafa í suðvest-
urhluta Japans undanfarna daga.
Björgunarsveitir vinna hörðum
höndum að því að finna fórnarlömb
sem grafist hafa í leðju sem gengið
hefur fram vegna úrkomu. Verst er
ástandið á sunnlægu eyjunni
Kyushu. Lögregla, slökkviðliðsmenn
og hermenn ryðja sér leið gegnum
leðju sem hlaðist hefur upp í kjölfar
þungrar úrkomunnar, en notast er
við skóflur og gröfur við björgunar-
aðgerðirnar. Íbúar svæðisins hafa að
stórum hluta flúið heimili sín. Fjöldi
bygginga er kominn á kaf í rigning-
arvatn og leðju og eru björgunar-
sveitir í kapphlaupi við tímann að
bjarga íbúum húsa og verðmætum
áður en fleiri falla í valinn. Sam-
kvæmt því sem fram kemur á frétta-
vefnum AFP hafa viðlíka rigningar
ekki áður þekkst á svæðinu.
Fyrsti dagur rigninga var á
fimmtudag og að sögn veðurfræð-
inga er ekki útlit fyrir að stytti upp á
næstu dögum. Rigningin hefur
bleytt jarðveg og rutt fram leðju-
straumi sem ber gríðarstór tré og
ýmiss konar brak með sér. Ár flæða
yfir bakka sína og auka enn á flóðin í
Kyushu. Borgin Kumamoto hefur
einnig þurft að þola slæm flóð, en
götur hennar eru þaktar leðju og
berast bílar og brotajárn með leðju-
straumi af götum.
Hundruð húsa hafa eyðilagst í
flóðunum. Sjónarvottar segja að-
stæður líkjast þeim sem sköpuðust
árið 2011 eftir tsunami-fljóðbylgjuna
í norðausturhluta landsins.
Bílhræ og járnarusl liggur í
fjallshlíðum þangað sem það hefur
borist með flóðum. Íbúum er gert að
yfirgefa heimili sín meðan á rigning-
unum stendur af ótta við að hin
straummikla á Kagetsugawa muni
flæða yfir bakka sína.
Banvæn rigningarflóð
 Tugum þúsunda gert að yfirgefa heimili sín í suðvestur-
hluta Japans  Líkist aðstæðum eftir tsunami-flóðin 2011
AFP
Neyð Rigningarflóð í suðvesturhluta Japans valda rafmagnsleysi í borgum auk þess sem vatnsveitur virka ekki.
Mannfall af völdum flóða
» Í borginni Aso í Kuyshu
hafa 19 látist í flóðunum og sex
er enn saknað að sögn þar-
lendra yfirvalda.
» Yfirvöld í borginni Hita
hafa gefið út skipun þess efnis
að 14.800 íbúar skuli yfirgefa
heimili sín
LAUGAVEGI 24 - 101 REYKJAVÍK - SÍMI: 552 0800
SKIPAGÖTU 7 - 600 AKUREYRI - SÍMI: 462 4646