Morgunblaðið - 14.07.2012, Síða 11
Með því að bjóða listafólki og
hönnuðum aðstöðu í verbúðunum
vildu Faxaflóahafnir gæða svæðið við
höfnina nýju lífi. Þetta segja Linda og
Kristín að hafi tekist vel og að í kring-
um þær hafi myndast skemmtilegur
hópur ýmiskonar listafólks, til að
mynda myndlistarfólks, ljósmyndara
og iðn- og fatahönnuða. Góður andi
hafi myndast meðal fólksins sem allt
hefur það sameiginlega markmið að
gera svæðið skemmtilegt og aðlað-
andi.
Iðnbylting á vinnustofunni
Þær Kristín og Linda nýta ým-
iskonar hráefni í hönnun sína. Kristín
hefur verið á ýmsum glernám-
skeiðum í gegnum tíðina en segist nú
í fyrsta sinn hafa tækifæri til að koma
á framfæri því sem hún býr til. Einn-
ig hefur Kristín búið til hluti úr leir,
t.d. paprikur og í bígerð er að búa til
grænmeti í yfirstærð.
„Í byrjun áskotnaðist okkur
gamall ofn sem við notuðum í allt sem
við gerðum svo það varð eins og iðn-
byltingin hjá okkur þegar við fengum
tölvustýrðan ofn. Það hefur breytt
miklu og við getum gert meira og
þróað hlutina áfram. Við höfum gert
hluti úr gleri og okkar sérstaða verið
að nota mikið blómavír með glerinu.
Við látum vírinn koma út úr mynd-
fletinum sem gefur myndunum sér-
stakt yfirbragð. Ég hef líka verið að
gera skúlptúra úr vír og þá aðallega
dýr, hesta og einstaka kött og fiska að
sjálfsögðu því við erum jú svo nálægt
hafinu. Ég hef lagt meiri og meiri
áherslu á skúlptúrana og langar að
gera þá meiri og stærri,“ segir Linda.
„Síðan má nefna væntanlega
framleiðslu á hillunum og gulrót-
arsnögunum,“ skýtur Kristín inn í.
„Já, ég er að hanna snaga og hillur úr
áli en þær eru með rúnaletri. Það er
gaman að geta leitað aftur í menning-
ararf okkar Íslendinga og fléttað for-
tíð og nútíð saman á þennan hátt. Svo
hafa mér líka áskotnast hestshófar
sem ég hef unnið úr listaverk. Þegar
maður kemst í svona pláss eins og
þetta fær maður mikla andagift og
hugmyndirnar streyma fram. En þær
kvikna líka í samtali við fólk sem
kemur í galleríið,“ segir Linda.
„Það er líka skemmtilegt hvern-
ig við köstum oft hugmyndum á milli
okkar. Ég segi eitthvað og þá kemur
Linda með blað og rissar upp. Það er
skemmtilegt að við mæðgurnar get-
um unnið svona saman enda ekkert
sjálfgefið,“ segir Kristín.
Leist ekki á blikuna
Mikið þurfti að gera fyrir hús-
næðið en Kristín og Linda lögðu sig
fram um að halda kostnaði í lágmarki.
Útkoman er látlaus en smekkleg og
er hreint ótrúlegt að sjá myndir af
húsnæðinu fyrir breytingar.
„Okkur leist nú ekki alveg á blik-
una þegar við sáum húsnæðið og má
geta þess að það var í krafti okkar
góðu maka sem þetta varð að veru-
leika. Þeir hjálpuðu okkur alveg ótrú-
lega mikið að koma húsnæðinu í
stand og hvöttu okkur líka óspart
áfram,“ segir Kristín. Í dag liggur
stigi upp á efri hæð húsnæðisins þar
sem Kristín og Linda hafa skrif-
stofuaðstöðu og Linda grípur þar
einnig í pensla og málar. Niðri er gall-
erí þeirra mæðgna og vinnustofa
en á þá hlið sem snýr að götunni
hafa nýlega verið settir tveir stórir
gluggar sem hægt er að opna til fulls
og gefa rýminu skemmtilegan svip á
góðviðrisdegi. Unnið var að fram-
kvæmdunum skref fyrir skref en þær
mæðgur hafa nú haft Spektrum opið í
rúmt ár og segja straum ferðamanna
um svæðið hafa aukist síðan síðasta
sumar.
„Við sem erum með aðstöðu hér í
verbúðunum vinnum nú að því í sam-
einingu að kynna svæðið þannig að
miðbærinn nái aðeins lengra. Líkt og
þekkist erlendis þar sem líf skapast
við höfnina. Við lítum björtum augum
á framtíðina og þetta er allt á uppleið
hér,“ segir Linda.
Með því að bjóða lista-
fólki og hönnuðum að-
stöðu í verbúðunum
vildu Faxaflóahafnir
gæða svæðið við höfn-
ina nýju lífi.
Álgulrætur Nýtt úr smiðju Lindu.
Morgunblaðið/Sigurgeir S.
Varðköttur Einum nágrannahund-
inum er meinilla við vírköttinn.
Mæðgur Þær Linda Heide (t.v.) og Kristín Hjálmars reka saman gallerí og vinnustofu á Grandagarði.
DAGLEGT LÍF 11
MORGUNBLAÐIÐ LAUGARDAGUR 14. JÚLÍ 2012
Ferðamálafélag Hríseyjar stendur að
hátíðinni Fjölskyldu- og skeljahátíðin
í Hrísey nú um helgina. Fjölbreytt
dagskrá verður í dag og á morgun
og ættu allir að finna eitthvað við
sitt hæfi. Áhersla er lögð á afþrey-
ingu fyrir yngstu kynslóðina. Í dag
verða leiktæki opin til klukkan 18,
föndrað verður úr skel, keppt í Litla
kirkjutröppuhlaupinu og hjólböru-
formúlu. Þá verður fjöruferð með
Skralla trúð farin í dag klukkan 13.30
og klukkan 15 hefst söngvarakeppni
barna í umsjá Heimis Ingimarssonar.
Aðeins er fátt eitt hér nefnt en um
kvöldið verður einnig dagskrá af
ýmsu tagi. Á sunnudeginum heldur
gleðin áfram en dagskrána má sjá
nánar á www.hrisey.is
Fjölskyldu- og skeljahátíðin í
Hrísey haldin um helgina
Fjölskylduhátíð Stemning í Hrísey.
Föndrað, keppt
og sungið
Dagskrá Hjólböruformúla í Hrísey.
vildu vera með. Við byrjuðum á
smá kennslu í byrjun og útskýrðum
dansinn en það er yndislegt við
salsa hversu einfalt er að læra
grunnsporin.
Því viljum við fá alla með í salsa
sem finnst gaman að dilla sér við
skemmtilega tónlist,“ segir Hanna
Harpa Agnarsdóttir hjá Salsa
Iceland.
Rueda de Casino, eða Casino
hjólið er hluti af kúbversku salsa
og þróaðist dansinn í Havana, höf-
uðborg Kúbu seint á sjötta ára-
tugnum. Tvö eða fleiri pör mynda
hring og dansa casino grunnsk-
refið og fylgja skipunum eins
stjórnanda í hringnum. Flestar
flétturnar fela í sér að skipt er um
dansfélaga, og þannig skapast
skemmtilegt flæði þar sem allir
dansa við alla.
Dans Tvö eða
fleiri pör
mynda hring
og dansa casino
grunnskrefið.
Skemmtileg
Salsasporin eru
einföld og henta
fólki á öllum aldri.