Morgunblaðið - 26.07.2012, Qupperneq 12

12 FRÉTTIRInnlent
MORGUNBLAÐIÐ FIMMTUDAGUR 26. JÚLÍ 2012
Heill heimur af ævintýrum
Í síðustu fimmtudagskvöldgöngu
sumarsins 26. júlí kl. 20 mun Álf-
heiður Ingadóttir, formaður Þing-
vallanefndar, ræða um störf og
stefnu Þingvallanefndar. Göngu-
ferðin hefst á Valhallarreitnum þar
sem fjallað verður um hugmyndir
um framtíðaruppbyggingu á Þing-
völlum eftir bruna Hótels Valhall-
ar. Þingvallanefnd stóð fyrir viða-
mikilli hugmyndaleit haustið 2011
um framtíð þjóðgarðsins og hvaða
uppbygging eigi við í þjóðgarð-
inum. Þaðan verður gengið að Lög-
bergi og rætt um hlutverk og störf
Þingvallanefndar. Að lokum verður
gengið upp nýju göngubrúna um
Almannagjá að Hakinu þar sem
horft verður yfir Þingvallavatn og
rætt um lífríki og vöktun Þingvalla-
vatns og mögulega skráningu Þing-
vallavatns og vatnasviðsins á
heimsminjaskrá UNESCO.
Morgunblaðið/Jim Smart
Formaðurinn leiðir
Þingvallagöngu
Snjáfjallasetur heldur fjölskylduhátíð
í Dalbæ á Snæfjallaströnd helgina
27.-29. júlí í samstarfi við Ferðaþjón-
ustuna Dalbæ. Dagskráin hefst með
brekkusöng á föstudagskvöldinu kl.
21. Á laugardeginum verður knatt-
spyrnumót kl 13. Frá kl. 16-18 verður
menningardagskrá þar sem m.a.
verður kynnt nýútkomin bók, Ævi-
ágrip Kolbeins í Dal, með ítarlegum
skýringum eftir Engilbert S. Ingvars-
son, en í haust eru 150 ár liðin frá
fæðingu Kolbeins sem var lengi afla-
sæll formaður, hreppstjóri, oddviti og
sýslunefndarmaður í Snæfjallahreppi
og bjó lengst af í Unaðsdal og var
kenndur við Dal. Á laugardagskvöld-
inu verður tónlistardagskrá í Dalbæ
frá kl. 20 og fram undir miðnætti. Á
sunnudeginum verður messa í Unaðs-
dalskirkju kl 14.
Fjölskylduhátíð á
Snæfjallaströnd
Geitum hefur fjölgað um tæp þrjú
hundruð á landinu á síðustu fimm
árum og voru í fyrra ríflega átta
hundruð talsins. Þetta kemur fram
í nýjasta tölublaði Bændablaðsins
sem kemur út í dag. Í greininni seg-
ir m.a. að verulegar áhyggjur hafi
verið af því að íslenski geit-
fjárstofninn hefði hreinlega getað
þurrkast út, en árið 1983 voru ein-
ungis um 200 geitur í landinu. Nú
sé stofninn dreifður um landið.
Geitum fjölgaði um
300 á fimm árum
STUTT
FRÉTTASKÝRING
Skúli Hansen
skulih@mbl.is
„Forsendur hafa breyst á mjög
skömmum tíma. Nú er til dæmis
metanið búið að hækka um yfir 40%
á rúmum tveimur árum, en auðvitað
er þetta alltaf spurning um hvað er
ekið mikið og hvort það hentar að
hafa svona takmarkaða útbreiðslu á
dælustöðum,“ segir Runólfur Ólafs-
son, framkvæmdastjóri Félags ís-
lenskra bifreiðaeigenda, aðspurður
hvort það borgi sig ennþá að láta
breyta bensínbifreið yfir í metan-
bifreið en slík breyting kostar, líkt
og Morgunblaðið greindi frá í gær,
um 400 þúsund ef miðað er við
venjulega fjölskyldubifreið með ein-
um gastanki.
Spurning um akstursnotkun
Að sögn Runólfs skiptir aksturs-
notkun fyrst og fremst máli í þessu
samhengi, þ.e. hvort metaneldsneyti
samrýmist þeirri akstursnotkun sem
um er að ræða.
„Ef fólk er til að mynda að fara
mikið út á land þá er einn akkilles-
arhæll að þessir bílar eru oft með að-
eins minni drægni á metaninu, þann-
ig að þeir þurfa að keyra einhvern
hluta af leið, ef þeir eru að fara
lengri leiðir, á bensíni og það auðvit-
að dregur úr hagkvæmninni,“ segir
Runólfur og bendir jafnframt á að
verðhækkanir á metaneldsneyti á
síðustu tveimur árum séu langt um-
fram þróun verðlags og sömuleiðis
eflaust langt umfram væntingar
þeirra neytenda sem létu breyta bif-
reiðum sínum fyrir tveimur árum á
þann máta að þeir gætu gengið fyrir
metani.
„Það er búið að flytja um það er-
indi, m.a. á vettvangi Grænnar orku,
að það sé hægt að fæða allavega
4.000 bíla, fyrir um 2-3 árum, en
menn þurfa núna að fara út í ein-
hverjar fjárfestingar til þess að
mæta aukningu sem er samt ein-
ungis rétt farin að tikka yfir þús-
undið,“ segir Runólfur í samtali við
blaðamann.
Smábílaígildi
Að sögn Björns H. Halldórssonar,
framkvæmdastjóra Metan hf. og
Sorpu bs, hefur verið miðað við að
núverandi metanframleiðsla ráði við
4000 smábíla.
„Þetta eru ekki 1100 smábílar.
Einn strætó tekur jafnmikið og 60
smábílar, einn sorpbíll tekur á við 20
smábíla og flestir af þessum breyttu
bílum eru svona Ford Econoline, eða
svona Ford-bílar, en þeir taka álíka
mikið og strætó,“ segir Björn og
bætir við að það þyrfti að reikna það
út hvað þetta væri mikið í smábíla-
ígildum.
Í gær greindi Morgunblaðið frá
því að samtals væru 1.134 metan-
bifreiðir á Íslandi, ef með eru taldar
þær bifreiðir sem breytt hefur verið
á þann veg að þær gangi fyrir bæði
bensíni, eða dísel, og metanelds-
neyti.
Breyttar forsendur
fyrir bílabreytingum
Morgunblaðið/G.Rúnar
Metanbílar Framkvæmdastjóri FÍB segir forsendur fyrir metanbreyt-
ingum hafa breyst mikið á skömmum tíma. Bifreiðin hér að ofan er óbreytt.
„Þetta er ekki rétt. Ég held að
það hafi einu sinni komið fyrir
að það kom raki í gasið og það
fyrst þegar hleypt var á og það
var vitað að það myndi gerast.
En þetta með þrýstinginn er
ekki alveg rétt, við höfum getað
framleitt allt sem þeir þurfa,
hinsvegar eru þeir ekki með
nógu öfluga dælu til þess að
taka við allan tímann,“ segir
Björn H. Halldórsson, spurður
út í ummæli Eggerts Þórs Krist-
óferssonar, framkvæmdastjóra
fjármálasviðs N1, sem birtust í
Morgunblaðinu í gær.
Ekki raki í
metaninu
SORPA SVARAR N1
Guðni Einarsson
gudni@mbl.is
Framkvæmdir við nýja fiskeldisstöð
Stolt Sea Farm utarlega á Reykja-
nesi ganga samkvæmt áætlun, að
sögn dr. Eyþórs Eyjólfssonar, fram-
kvæmdastjóra Stolt Sea Farm á Ís-
landi. Stefnt er að því að taka fyrsta
áfanga í notkun næsta vor.
Búið er að jafna út svæðið þar sem
platan verður steypt. Tilraunahola
skilaði því sem búist var við og í
framhaldinu verður boruð vinnslu-
hola til sjóöflunar. Sjónum verður
blandað við frárennslisvatn Reykja-
nesvirkjunar til að tryggja kjörhita
fyrir senegalflúru sem á að ala í fisk-
eldisstöðinni. Vatnið þarf að vera
19°C - 22°C heitt.
Húsin eru stálgrindarhús og verð-
ur byrjað að setja þau upp í haust. Í
fyrsta áfanga verða reist nokkur hús
sem verða samtals rúmlega 20.000
m2. Húsnæði stöðvarinnar full-
byggðrar verður um 75.000 m2.
Fyrsti áfangi miðast við fram-
leiðslu á um 500 tonnum af senegal-
flúru á ári. Fullbyggð á stöðin að
geta framleitt um 2.000 tonn á ári.
Seiði verða flutt inn frá seiðaeldis-
stöð Stolt Sea Farm á Spáni. Búið er
að búa seiðaeldisstöðina undir að
framleiða seiði fyrir fyrsta áfanga
stöðvarinnar hér.
Einn starfsmaður hefur verið í
þjálfun á Spáni í tvo mánuði, auk
hans eru tveir starfsmenn á skrif-
stofu Stolt Sea Farm á Íslandi. Ey-
þór sagði að 30-32 starfsmenn þyrfti
í vinnu við 1. áfanga fiskeldis-
stöðvarinnar.
Verði hægt að taka eldiskerin í
notkun næsta vor, eins og stefnt er
að, má búast við fyrstu slátrun í
byrjun árs 2014, að sögn Eyþórs.
Morgunblaðið/Helgi Bjarnason
Reykjanesvirkjun Fiskeldisstöðin mun nýta heitt afrennsli frá virkjuninni.
Framkvæmdir
eru á áætlun
 Senegalflúrueldi á að hefjast í vor
Stolt Sea Farm
» Stolt Sea Farm er deild inn-
an norska fyrirtækisins Stolt-
Nielsen sem er skráð í norsku
kauphöllinni.
» Starfsmenn samstæðunnar
eru um 5.000 á 33 starfs-
stöðvum víða um heim.
» Senegalflúra er heitsjávar-
fiskur og vex hratt við góðar
aðstæður. Hún er eftirsótt til
matar og selst á háu verði.