Morgunblaðið - 26.07.2012, Page 21

UMRÆÐAN 21
MORGUNBLAÐIÐ FIMMTUDAGUR 26. JÚLÍ 2012
Við vorum fátæk,
brúa- og vegalaus. Þá
voru hetjur og frum-
herjar sem börðust
fyrir frelsi og fram-
kvæmdum. Athafnir
nú eru í lágmarki.
Skattheimta er í al-
gleymingi. Ósam-
komulag og at-
hugasemdir eru við
flestar „hugsanlegar“
framkvæmdir. Almenningur hefur
flúið landið sitt í þúsundatali og flyt-
ur enn samkvæmt nýjustu fréttum.
Þá lifnar sú hugsun, hvort Ísland
hafi tapað öllu lýðræði og sjálfstæði
á þremur árum með ríkjandi vinstri
ríkisstjórn. Hvað varð um kosninga-
loforðin þeirra? Er landið okkar
komið í sjálfstæðisbaráttu á nýjan
leik eftir stjórnleysi vinstrimanna?
Besta lausn Alþingis væri að ESB-
hópurinn yfirgæfi Ísland og settist
að á sínum óskastað í hrynjandi
Evrópu, en léti okkur í friði sem bú-
um á Íslandi. Reyndar gerir þjóðin
sér grein fyrir því að lygum var al-
varlega beitt við síðustu kosningar
varðandi ESB-aðild.
VG sór þess dýran eið að berjast
gegn ESB-aðild, en sveik allt. Ham-
ast nú fótgönguliðar ESB og
ríkjandi vinstristjórn við inngöngu í
dauðvona Evrópusamband. Synda-
selir bíða enn spenntir eftir loka-
tilboði frá logandi Evrópu. Þvílíkt
rótleysi og peningaeyðsla hrjáir
eina þjóð undir merkjum vinstri-
manna. Í ofanálag eru
hróp um sölu eða leigu
á íslensku landi til stór-
veldis Kínverja. Það er
ekki draumsýn Íslend-
inga að samþykkja
nokkurn tíma sölu eða
langtímaleigu á ís-
lensku landi til kín-
verska heimsveldisins
eða annarra þjóða. Hér
geta Kínverjar eins og
aðrir átt sín viðskipti
við sjálfstæða þjóð, Ís-
lendinga. Ísland er
hvorki til sölu né leigu. Við þurfum
að beita öllum tiltækum ráðum til að
stöðva sviksemi og landráð samfylk-
ingarmanna og VG við íslenska þjóð.
Aðila atvinnulífsins
inn á Alþingi
Mikilvægustu mál Íslands og Ís-
lendinga eru nei-in. Nei við ESB.
Nei við Samfylkingardekri gagnvart
Kínverjum um kaup á íslensku
landi. Nei við Schengen-samn-
ingnum. Eflum enn frekar öflugt út-
lendingaeftirlit sem afgreiðir málin
„á staðnum“ á Keflavíkurflugvelli
eða á Seyðisfirði, svo eitthvað sé
nefnt. Sjálfumgleði og brandarabros
hér heima og erlendis er lýsandi
varðandi utanríkismál. Lágkúran er
óþolandi.
Engin þjóðrækni er í núverandi
ríkisstjórn. Ísland vantar þjóðræk-
inn leiðtoga með afreksmönnum úr
atvinnulífinu inn á Alþingi til að
reka okkar gamla og góða samfélag
undir náð, kærleik og kristnum sið-
um. Þingmönnum á Alþingi má
hugsanlega fækka um helming?
Leiðtoginn þarf að hvetja okkur til
góðra verka á öllum sviðum atvinnu-
lífsins þar sem engin störf eru æðri
öðrum. Minnumst gamalla tíma þeg-
ar hvert handtak til góðra verka og
hjálpsemi var ríkjandi meðal manna
úr hvers manns húsi. Gleymum ekki
framförum og uppbyggingu á Ís-
landi í 100 ár. Þar hafa vinstrimenn
ekki komið að liði nema í „hágóli“.
Ef þeir ná kosningu er þeim tamt að
eyða annarra manna peningum af
miklum eldmóð, en áorka litlu.
Styrkjum Ísland
og íslenska framleiðslu
Oft er minnst á árlega styrki til
bænda sem eru „smámunir“ miðað
við árlegan kostnað til ESB sem er
miklu hærri og fer vaxandi. Fram-
leiðsla bænda og íslenskar sjávaraf-
urðir veita okkur vissu um fyrsta
flokks gæði og uppruna matvælanna
og undirstrikar heilsu og langlífi Ís-
lendinga. Gróðurhúsaræktun og ak-
uryrkja eru í hæsta gæðaflokki á Ís-
landi, auk annarrar
landbúnaðarframleiðslu. Sjávaraf-
urðir falla í sama flokk. Hvað vitum
við um hina ýmsu framleiðslu er-
lendis frá sem hér er seld? Hvaðan
kemur varan, hvert er upprunaland
hennar? Erum við örugglega með
fullnægjandi upplýsingar um slíkt?
Frelsi okkar er hvorki
til sölu – né leigu
Lærum af biturri reynslu síðustu
ára og byggjum upp blómlegt og
öruggt Ísland. Forðumst logandi
Evrópu og hefjum endurnýjun og
uppbyggingu. Yfirgefum þriggja ára
lánleysi vinstrimanna. Frelsi okkar
og lýðveldi er ekki til skiptanna með
neinum þjóðum né heimsveldum.
Gleymum ekki 200 ára lýðveldisbar-
áttu Íslendinga. Biðjum fyrir frelsi,
framtíð og kristnum siðum á Íslandi.
Fámennt, góðmennt Ísland
Eftir Gísla
Holgersson »Hamast nú fót-
gönguliðar ESB og
ríkjandi vinstristjórn
við inngöngu í dauðvona
Evrópusamband.
Gísli Holgersson
Höfundur er kaupmaður.
Nú styttist óðum í
að Ólympíuleikarnir
hefjist í Lundúnum, og
aldeilis ánægjulegt að
sjá að Ríkisútvarpið
sjónvarp ætlar að gera
leikunum góð skil í
fréttatímum, íþrótta-
tímum og beinum
útsendingum.
Rúmum tveimur
vikum eftir að þeim
lýkur, fer svo fram á
sama vettvangi Ólymp-
íumót fatlaðra þar sem
Íslendingar munu eiga
fulltrúa líkt og á hinum
fyrri leikum. Nú ber
svo við að í litla íþrótta-
félaginu sem ég er í
forsvari fyrir er sundkona sem hefur
í mörg undanfarin ár lagt á sig mikl-
ar æfingar og keppnir á mótum bæði
hérlendis og erlendis til að ná lág-
mörkum inn á þetta mót, og nú er
loks ljóst að hún mun uppskera ár-
angur erfiðis síns og fá þátttökurétt
á mótinu. En til upplýsingar þá á
fatlað íþróttafólk síður en svo auð-
veldara aðgengi en ófatlaðir inn á Ól-
ympíumót, nema síður sé. Íþrótta-
fólkið þarf líkt og ófatlaðir að ná
ákveðnum lágmörkum til að eiga
möguleika á að öðlast þátttökurétt,
en jafnvel þó lágmörkunum sé náð
er ekki víst að rétturinn sé tryggð-
ur, því að auki kemur til fjöldakvóti
sem Alþjóðaólympíu-
hreyfing fatlaðra, IPC,
úthlutar hverju landi.
En í ár var Íslandi út-
hlutað fjórum plássum,
tvö fyrir sundfólk og tvö
fyrir frjálsíþróttafólk.
Það má því af of-
ansögðu sjá að það er
mikið afrek að komast í
hóp hinna útvöldu. Af-
rek sem ætti ekki að
láta hjá líða án þess að
vekja á því athygli í
gegnum miðla rík-
isútvarpsins, sjónvarps
og útvarps allra lands-
manna.
Getur þú, Páll Magn-
ússon, upplýst mig um
hvernig Ríkisútvarpið
sjónvarp hyggist fjalla
um þetta mót svo að við sem heima
sitjum getum fylgst með íþróttakon-
unni okkar á stóra sviðinu. Ég hef
fyrir því heimildir að ekki standi til
að sýna eina einustu mínútu frá
þessu móti, hvorki í beinum útsend-
ingum né samantektir í íþróttatím-
um, þaðan af síður stendur til að
senda íþróttafréttaritara til London
til að fylgjast með og afla frétta. Ég
vona sannarlega að þetta sé ekki til-
fellið og RUV sjái sóma sinn í að
sinna fréttaflutningi með sjónvarps-
útsendingum frá þessu móti.
RÚV – Ólympíuleik-
ar fatlaðra 2012
Eftir Þór Jónsson
Þór Jónsson
» Opið bréf til
Páls Magn-
ússonar út-
varpsstjóra.
Höfundur er formaður Fjarðar
Íþróttafélags fatlaðra í Hafnarfirði.
Háþrýstidælur
Teg: K 3.500
120 bör max
460 ltr/klst
Teg: K 7.400
160 bör max
600 ltr/klst
Þegar gerðar eru hámarkskröfur
F A G M E N N S K A A L L A L E I Ð
Skeifan 3 E-F • 108 Reykjavík • Sími 581 2333 • rafver.is
makes a difference
GJÖRIÐ
SVO VEL!HÁDEGISMATUR
TIL FYRIRTÆKJA
HAFÐU SAMBAND
OG FÁÐU TILBOÐ!
HEITT & KALT | S: 533 3060 | heittogkalt@heittogkalt.is
HEITT OG KALT býður fyrirtækjum á höfuðborgarsvæðinu
heimsendingu á hollum og kjarngóðum hádegismat.
Matseðill fyrir hverja viku er birtur á: www.heittogkalt.is
Sturla Birgisson er margverðlaunaður matreiðslumeistari
og er í dómnefnd fyrir Bocuse d’Or sem er ein virtasta
matreiðslukeppni heims.
Ársalir fasteignamiðlun og fyrirtækjasala
Ef þú vilt selja, leigja eða kaupa fasteign eða selja
eða kaupa fyrirtæki í rekstri, hafðu samband.
Ársalir
FASTEIGNAMIÐLUN
Engjateigi 5, 105 Rvk
533 4200
Ársalir ehf fasteignamiðlun
533 4200 og 892 0667
arsalir@arsalir.is
Engjateigi 5, 105 Rvk
Björgvin Björgvinsson, löggiltur fasteignasali