Kjarninn - 18.09.2014, Qupperneq 13

05/05 EfnahagsmÁl
geta selt Íslandsbanka til asískra fjárfesta
Stærstu íslensku eignir þrotabúanna eru Íslandsbanki og
Arion banki. Mikill vilji er innan slitastjórna þeirra að selja
þá fyrir gjaldeyri. Þannig væri hægt að greiða út sölu-
andvirðið til kröfuhafa án þess að það hefði áhrif á greiðslu-
jöfnuð Íslands. Samkvæmt heimildum Kjarnans er mikill
áhugi á meðal asískra fjárfesta á því að kaupa Íslandsbanka.
Þeir sem að málinu koma telja að hægt yrði að ljúka slíkri
sölu á níu mánuðum. Ríkið þurfi hins vegar að koma að
henni, meðal annars til að útskýra hvers konar hömlur yrðu
settar á arðgreiðslur bankanna. Auk þess þarf að taka póli-
tíska afstöðu til þess hvort vilji sé til að selja íslenskan banka
til slíkra fjárfesta. Slík aðkoma hefur ekki átt sér stað og því
stendur málið fast.
Erlendir aðilar hafa einnig lýst yfir áhuga á að kaupa hlut
þrotabús Kaupþings í Arion banka. Formlegar viðræður eru
ekki hafnar en samkvæmt heimildum Kjarnans er meðal
annars um að ræða fjármálafyrirtæki í Skandinavíu. Slík sala
yrði þó, líkt og í tilfelli Íslandsbanka, alltaf hluti af nauða-
samningsuppgjöri og verður ekki að veruleika fyrr en fyrir
liggur pólitísk ákvörðun um að heimila hana.