Morgunblaðið - 03.08.2012, Page 9
FRÉTTIR 9Innlent
MORGUNBLAÐIÐ FÖSTUDAGUR 3. ÁGÚST 2012
12-36 mánaða binditími
Engin útborgun
Ábyrgðar- og kaskótrygging
Bifreiðagjöld
20.000 km á ári
Sumar- og vetrardekk
Þjónustuskoðanir og smáviðhald
Leigð´ann
Eigð´ann
Nýlegir bílar
Allir í toppástandi
Fara í gegnum gæðaskoðun AVIS
Þriggja daga reynsluakstur
www.avisbilar.is
S. 5914000
... og krækja sér í bíl á frábæru verði!
til þess að fara inn á avisbilar.is
11ástæður
BAKSVIÐ
Helgi Bjarnason
helgi@mbl.is
Stjórn Sorpeyðingarstöðvar Suður-
nesja og sveitarfélögin á Suðurnesj-
um munu óska eftir að hefja á ný
viðræður við Sorpu um samvinnu
eða jafnvel sameiningu. Viðræður
um sameiningu Sorpstöðvar Suður-
lands og Sorpu eru í biðstöðu en
reiknað er með að niðurstaða fáist í
haust. Gangi þessir samningar eftir
styrkist þessi eining til að takast á
við verkefni sín, til dæmis endur-
vinnslu, í þágu íbúa höfuðborgar-
svæðisins, Suðurnesja og Suður-
lands.
Sorpa og Sorpstöð Suðurlands
(SOS) hafa haft með sér samvinnu,
meðal annars um urðun í Álfsnesi
eftir að hætt var að urða á Suður-
landi. Fyrirtækin hafa verið í við-
ræðum um áframhaldandi samning
eða sameiningu. Í apríl voru kynnt
drög að viljayfirlýsingu um samein-
ingu ásamt greinargerð um kosti
þess og galla.
Björn H. Halldórsson, fram-
kvæmdastjóri Sorpu, segir að málið
sé í biðstöðu vegna vinnu sem nú er í
gangi á vegum Samtaka sveitar-
félaga á höfuðborgarsvæðinu um
stefnumótun sveitarfélaganna fyrir
byggðasamlög. Vonast hann til þess
að línur skýrist á haustdögum.
Dýrt að reka sorpbrennslu
Lengi hefur verið vitað að gott er
að hafa fáa urðunarstaði en sem
besta, að uppfylltum skilyrðum um
fjarlægðir og kostnað við akstur.
Málin hafa oftast verið leyst á
grunni samtaka sveitarfélaga í
landshlutunum. Erfitt hefur verið að
finna hentuga urðunarstaði því þótt
allir vilji losna við ruslið vill enginn
hafa urðunarstað í sínu nágrenni.
Á nokkrum stöðum hafa sorpeyð-
ingarmálin verið leyst á annan hátt,
og þá með brennslu. Stærsta og
besta stöðin er Kalka í Helguvík sem
þjónar sveitarfélögunum á Suður-
nesjum. Fjárhagur stöðvarinnar
hefur verið erfiður. Afar dýrt er að
reka sorpbrennslustöð og hefur hún
verið rekin með tapi um árabil. Þá
stórhækkuðu erlend lán hennar í
hruninu.
Fyrir nokkrum árum voru hafnar
viðræður Sorpeyðingarstöðvar Suð-
urnesja (SS) og Sorpu í Reykjavík.
Þeim var ekki lokið þegar stjórn SS
ákvað að auglýsa stöðina til sölu.
Álitleg tilboð bárust en viðræður
leiddu ekki til sölu. Aftur komst
söluhljóð í strokkinn í fyrravetur
þegar erlendir aðilar vildu kaupa
stöðina og tryggja rekstur hennar
með innflutningi á sorpi. Ekki
reyndist pólitískur vilji til þess.
Rekstri fyrirtækisins hefur verið
breytt á ýmsan hátt og það hefur
skilað sér í mun betri afkomu.
Skuldabagginn er enn þungur enda
hafa ekki náðst samningar við
viðskiptabanka fyrirtækisins.
Stjórn SS ákvað nýlega að kanna
hvort hægt væri að taka upp þráðinn
þar sem hann féll niður fyrir þremur
árum og óska eftir viðræðum við
Sorpu um möguleika á samningum
eða sameiningu. Sveitarfélögin fimm
sem eiga Kölku hafa tekið vel í það.
„Okkur finnst sjálfsagt að halda
þessu áfram en jafnframt að kanna
möguleika á að fá aðra aðila inn í
reksturinn,“ segir Árni Sigfússon
bæjarstjóri Reykjanesbæjar. Jón
Norðfjörð, framkvæmdastjóri SS,
segist sjá marga kosti í aukinni sam-
vinnu eða sameiningu sorpeyðingar-
stöðva á suðvesturlandi. „Ég er
þeirrar skoðunar að það þurfi að
ljúka umræðu um þetta mál og
finna góðan flöt á því,“ segir Jón.
Björn H. Halldórsson segir að
samrekstur á stóru svæði hafi sína
kosti og galla. „Brennslustöðvar eru
dýrari en aðrar lausnir sem eru í
boði en sumt þarf að fara í brennslu.
Því er gott að hafa aðgang að sorp-
brennslustöð, hvort sem það er með
samningum eða sameiningu,“ segir
Björn og bætir því við að það hafi
verið stefnan hjá sorpsamlögunum
að skoða alla möguleika til að ná
samlegðaráhrifum.
Saman í enn stærri Sorpu
Suðurnesjamenn vilja ræða við Sorpu um samvinnu eða sameiningu Drög að viljayfirlýsingu um
sameiningu Sorpstöðvar Suðurlands og Sorpu liggja fyrir Beðið stefnumörkunar um byggðasamlög
Morgunblaðið/Frikki
Sorpa Sorpsamlögin á Suður- og Vesturlandi annast meðhöndlun úrgangs fyrir 34 sveitarfélög með 250 þúsund
íbúa, eða um 80% af heildaríbúafjölda landsins. Á starfssvæðinu falla árlega til um 400 þúsund tonn af úrgangi.
Skipulag sorpmála er með mis-
munandi hætti í sveitarfélögum
og landshlutum. Það hefur verið
stefnan í samráðsnefnd fjögurra
sorpsamlaga á Suður- og Vestur-
landi að hafa sem líkust kerfi, til
hagsbóta fyrir íbúana.
Mikill árangur hefur náðst í að
draga úr sorpi sem fer til urð-
unar í sveitarfélögum sem tekið
hafa upp sorpflokkun, meðal
annars á Snæfellsnesi. Mosfells-
bær og Kópavogur hafa innleitt
flokkun á heimilum með því að
bæta blátunnunni við gömlu
sorptunnuna. Blátunnan er fyrir
allan pappírsúrgang. Áður hafa
flest sveitarfélögin á Suðurlandi
innleitt þetta kerfi. Sorpa hefur
vélar sem flokkar bylgjupappann
frá öðrum pappír. Allt er þetta
selt úr landi og er breytt í pappír
aftur í Gautaborg.
Reykjavíkurborg hefur ekki
stigið þetta skref, að fyrirskipa
flokkun í heimahúsum. Fólk get-
ur fengið blátunnu hjá borginni
eða öðrum fyrirtækjum og
grenndargámar fyrir pappír og
plast eru víða um borgina. Mikið
af pappír fer í almennt sorp en
borgaryfirvöld hafa nú ákveðið
að banna íbúum að setja pappír
inn í sorpið, með sama hætti og
bannað er að setja spilliefni,
garðaúrgang og fleira í almennt
sorp. Bannið tekur gildi 1.
október. Refsingin
verður sú að
sorp verður
ekki tekið ef
blöð sjást í
tunnunni.
Mismunandi
sorpkerfi
rugla íbúa
FLOKKUN EÐA EKKI
Kalka er sorp-
brennslustöð
Suðurnesjamanna.
Skúli Hansen
skulih@mbl.is
Strandveiðar á svæði A, frá Eyja- og
Miklaholtshreppi til Súðavíkur-
hrepps, verða bannaðar frá og með
7. ágúst næstkomandi. Þetta kemur
fram í auglýsingu sem Sjávarútvegs-
ráðuneytið birti í Stjórnartíðindum
þann 31. júlí síðastliðinn.
„Þá er það mat manna að tveggja
daga veiðar muni klára skammtinn
sem eftir er og það er oft minna eftir
í síðari mánuðunum ef menn hafa
farið fram yfir á fyrri tímabilum,“
segir Steingrímur J. Sigfússon sjáv-
arútvegs- og landbúnaðarráðherra,
aðspurður hvort ekki sé óeðlilegt að
veiðar séu stöðvaðar þegar svo stutt
er liðið af mánuðinum, og bætir við:
„Veiðar hafa gengið mjög vel og
mönnum hefur reynst almennt mjög
auðvelt að ná skammtinum, þannig
að þá getur þetta orðið stuttur tími í
síðasta mánuðinum.“
Að sögn Steingríms telur hann
það hafa legið í loftinu að það væru
kannski tveir dagar eftir af veiðum.
„Það stefndi í að staðan yrði nálægt
þessu þarna í júlí, að það yrðu fáir
dagar eftir í ágúst á svæði A,“ segir
Steingrímur.
Tengist ekki verðlækkunum
Í gær var greint frá því á heima-
síðu Landssambands smábátaeig-
enda að verð á þorski á fiskmörk-
uðum hefði gefið nokkuð eftir frá því
á miðvikudaginn og lækkað um
26,6%.
Aðspurður hvort lægra verð á
fiskmörkuðum hafi haft áhrif á
ákvörðun ráðuneytisins segir Stein-
grímur: „Nei, það er alveg ótengt
þessu. Hendur okkar eru algjörlega
bundnar af lögunum, lögin eru alveg
skýr með þetta að strandveiðar hefj-
ast þessa virku daga hvers mánaðar
og svo lengi sem magnið endist.“
Stöðva strand-
veiðar á svæði A
Morgunblaðið/Heiddi
Strandveiðar Frá og með 7. ágúst
verða veiðar á svæði A bannaðar.
Ráðherra segir
ákvörðunina hafa
legið í loftinu