Morgunblaðið - 03.08.2012, Qupperneq 25
25
MORGUNBLAÐIÐ FÖSTUDAGUR 3. ÁGÚST 2012
Á Snæfellsnesi Þessir ferðamenn virkuðu heldur smáir við hlið steinlistaverksins af Bárði Snæfellsás, hollvætti íbúa í grennd við Snæfellsjökul, sem stendur á Arnarstapa.
Ómar
Skrifað sjálfum mér
og ef til vill ein-
hverjum fleirum til
umhugsunar:
Ef þú vilt að hjarta
þitt slái í fjölskyldu
þinni og hjá þeim sem
þú elskar mest, þá
þarftu að sjálfsögðu
verja tíma þínum með
þeim. Þið þurfið að
vera saman og tala
saman. Þú þarft að
hlusta, þið þurfið að vinna saman,
ferðast saman, gera hina hvers-
dagslegu hluti saman, gráta saman,
gleðjast saman og njóta uppsker-
unnar saman.
Vertu því þar sem hjartað þitt
slær, ekki þar sem heimurinn
lokkar.
Leikur með eld
Truflaðu ekki líf þitt með óþarfa
flækjum sem hægt hefði verið að
komast hjá. Kveiktu ekki elda sem
ekki verða svo auðveldlega slökktir.
Því að þeir munu skilja eftir sviðna
jörð, kramin hjörtu og flakandi sár.
Eða í besta falli djúp og varanleg
ör. Í það minnsta á sálinni.
Varanleg hamingja
Því að ef svo ólíklega vildi til að
einn daginn sá tími myndi yfir þig
renna að heimurinn taki í þig að
toga, hugurinn að flögra um, fram-
kalla ljósa lokka og fallvalta fegurð,
girnast og gæla við grasið í næsta
garði. Þá muntu jafnframt upplifa
og finna að hjartað hrópar á félaga.
Það þráir jafnvægi og traust, frið
og ást.
Hafðu þá hugfast að yndisþokk-
inn getur verið svikull og fríðleik-
inn hverfull. Hann getur verið fall-
valtur sem þunnur ís, sleipur sem
skínandi svell eða háll sem olía og
getur heimtað af þér æruna eins og
hendi sé veifað.
Gleymdu ekki að heima hjá þér
bíður fólk sem treystir þér, reiknar
með þér, stólar á þig, þráir þig og
elskar þig.
Hlauptu ekki eftir því sem hug-
urinn girnist hverju
sinni því það leiðir
þig aðeins í vegleysu
og ógöngur. Því að
girnd er synd, hé-
gómi, eftirsókn eftir
vindi.
Hlustaðu heldur
eftir því hvað hjarta
þitt þráir en hvað
hugurinn girnist.
Láttu hugann aldrei
bera hjartað ofurliði.
Fáðu vin þinn,
Guð, sem vill þér vel,
hann sem hefur og vill fá að blessa
þig, í lið með þér. Sópaðu stöðugt
hjarta þitt, berstu hinni góðu bar-
áttu og gefstu ekki upp. Því að
bænin herðir þig upp, hún hysjar
upp um þig, girðir hugann og fróar
sálinni, svo það flæðir um þig vellíð-
an og ólýsanlegur himneskur frið-
ur.
Aðeins hugarástand
Skemmtunin er bara hugar-
ástand sem veitir aðeins stund-
argleði. Hún er yfirborðskennd og
skammvinn og skilur lítið eftir sig
annað en áhyggjur og sektarkennd.
Hin hjartanlega hamingja veitir
hins vegar sanna gleði, því að hún
er varanleg, vegna þess að hún
byggir á djúpri alvöru.
Ástin
Ástin er nefnilega ekki umbúðir
eða útlit. Ekki bara girnd eða losti,
heldur bál sem kviknar. Henni þarf
að halda við svo glóðin kulni ekki og
slokkni.
– Elskum því með hjartanu og
njótum þess að fá að vera til!
Eftir Sigurbjörn
Þorkelsson
» Gleymdu ekki að
heima hjá þér bíð-
ur fólk sem treystir
þér, reiknar með þér,
stólar á þig, þráir þig
og elskar þig.
Sigurbjörn
Þorkelsson
Höfundur er ljóðskáld
og rithöfundur.
Þar sem
hjartað slær
Með ólíkindum er
hvernig umræðan um
atvinnumál fyrir íbúa á
þessu svæði hefur
þróast. Sveitarstjórnar-
menn og bæjarstjórar á
svæðinu, allt frá Ak-
ureyri til Öxarfjarðar
hafa staðið í ströngu við
að verjast loforðaflaumi
frá þingmönnum kjör-
dæmisins um að senn
verði hafist handa um framkvæmdir
og uppbyggingu.
Flest hafa þingmenn – og það allra
flokka sem og ráðherrar – leyft sér
að tína til. Sumt með ólíkindum að
verði að veruleika, hvorki í bráð né
lengd. Nefna má umskipunarhafnir í
ólíklegustu fjörðum þar sem farm-
skip sem sigli hina langþráðu „norð-
urleið“ athafni sig í stað þess að sigla
þá einfaldlega alla leiðina milli heims-
álfanna, einnig flugvelli og þyrlupalla
sem nýtist við olíuleit og vinnslu á
Grænlandi (af öllum stöðum).
Ekki má gleyma „olíuævintýri Öss-
urar“ (sem ég kalla svo) á hinu ill-
viðra Drekasvæði, en nafngiftin á
svæðinu er sögð komin úr utanrík-
isráðuneytinu á dögum einhvers fyrr-
verandi iðnaðarráðherrans, sem ekki
vildi vera eftirbátur í því að girða fyr-
ir frekari rannsóknir og uppbyggingu
á norður- og norðaustursvæði Íslands
sjálfs. En þar eru auðvitað efst á
blaði virkjanir vatnsfalla – og svo
hitamálið sem hefur orðið þöggun að
bráð um nokkurra ára skeið: órann-
sökuð setlög á Skjálfandaflóa og gas-
uppstreymið á hinu víðfeðma Tjör-
nesbelti.
Rannsóknir tiltækar
Allt frá því að rannsóknarskip frá
fyrirtækinu Shell Intl. við rannsóknir
úti fyrir Norðausturlandi, uppgötvaði
setlög á Skjálfandaflóa, setlög sem
kynnu að vera vísbending um olíu á
svæðinu, hefur verið rætt um að láta
kanna þessi setlög nánar.
Þrátt fyrir tillöguflutning á Alþingi
um málið, m.a. Tillaga til þingsálykt-
unar um olíuleit við Ísland (árið 1996)
og síðar árið 2010, þar
sem nokkrir þingmenn,
m.a. Norðausturlands
áttu þátt í að flytja, og
var til lykta leidd, hefur
ekkert verið aðhafst í
málinu. Utan hvað sam-
þykkt var nokkurra
milljóna króna fjárveit-
ing til verkefnisins!
Ekki hefur vantað, að
í orði kveðnu hafa þing-
menn Norðausturlands
stutt frekari rannsóknir
á vegum hins opinbera.
Þannig rituðu þrír þingmenn kjör-
dæmisins, þeir Kristján Þór Júl-
íusson, Birkir Jón Jónsson og Einar
Már Sigurðarson trúverðugar tíma-
ritsgreinar þar sem þeir töldu „mikil
tækifæri felast í vinnslu olíu og gass
úti fyrir Norðausturlandi“ og myndi
bæta efnahag þjóðarinnar. Því væru
frekari rannsóknir nauðsynlegar á
landgrunni Íslands.
Ekki má gleyma fróðlegum grein-
um vísindamanna Orkustofnunar,
m.a. Guðmundar Ómars Friðleifs-
sonar jarðfræðings um gasmyndun
og jarðhitakerfi í Öxarfirði og Bjarna
Richters jarðfræðings um Tjörnes-
brotabeltið sem nær um 150 km frá
Skaga í vestri til Öxarfjarðar í austri
og frá ströndum Norðurlands um 50
km, allt að Kolbeinseyjarhrygg, þar
sem fundist hafa merki um hita-
myndað lífrænt gas, svokallað kola-
eða olíugas, i borholu við Skógarlón.
Ennþá fleiri rannsóknir hafa verið
gerðar um þessi verðmætu jarðefni
og tilvist þeirra (gass og olíu), ekki
síst í Flatey á Skjálfandaflóa þar sem
gasið streymir úr jörðu svo til óheft
við nokkurra metra borun.
Það er því með hreinum ólíkindum
að forráðamenn á hinu atvinnurýra
landsvæði sem Norðausturland er
sagt vera, skuli ekki hafa haft döng-
un í sér til að krefjast efnda á lof-
orðum þingmanna sinna og ráða-
manna í kerfinu um
„atvinnuskapandi framkvæmdir“
með fullnaðarrannsóknum orkulinda
við bæjardyrnar – frekar en veifa
óraunhæfum hugmyndum framan í
hina þreyjandi sveitarstjórnarmenn
á Norðausturlandi.
Ósáttir og vilja fela
Það eru hins vegar ekki allir sáttir
við leitina að „svarta gullinu“ á Ís-
landi, hvorki á láði né legi, og vilja
því koma henni langt út fyrir land-
steinana. Bara eitthvað, nógu langt í
burtu, svo að langir armar sjálfskip-
aðra „verndara náttúrunnar“ nái ekki
að stinga heykvíslum sínum í þá og
kasta þeim úr embættum.
Og til eru þeir sem segjast ekki
hafa minnstu trú á að hér sé setlög
að finna, hvað þá olíu sem væri vinn-
anleg úr þeim. Er það hugsanlega
hinn ógurlegi olíugróði sem stingur í
augu? – Þannig var t.d. skrifað í
Þjóðviljann í júlí árið 1978 um málið
af þekktum verkfræðingi og jarð-
fræðingi: „Olía og olíuleit eru við-
kvæm málefni og vandasöm. Ef við
Íslendingar hættum okkur inn á þau
svið, erum við komnir í frumskóg
stórfyrirtækja og einkagróða og þar
gilda lögmál frumskógarins…“
Það er hins vegar langt í frá að mál
þessi liggi í láginni. Þau liggja bara í
einskonar þagnargildi fyrir tilstilli
stjórnvalda – og því miður einnig
þeirra sem teljast vera í stjórnarand-
stöðu, m.a. þingmanna Sjálfstæð-
isflokks úr norðausturkjördæmi og
hugsanlega forystu þess flokks, sem
er ekki beint sýnileg eða á vettvangi
umræðunnar.
Það er því meira en gagnkvæmur
skilningur í pólitískri umræðu dags-
ins að styðja þrátefli sveitarstjórn-
armanna á Norðausturlandi og hins
kínverska „Nupo-létt“-manns, a.m.k.
út kjörtímabilið. – Því er nauðsynlegt
að skapa óróa og upplausn að óþörfu
á þessu annars orkuríka svæði!
Eftir Geir R.
Andersen » Flest hafa þingmenn
– og það allra flokka
sem og ráðherrar – leyft
sér að tína til. Sumt með
ólíkindum að verði að
veruleika, hvorki í bráð
né lengd.
Geir R. Andersen
Höfundur er blaðamaður.
Auðæfin á Tjörnesbrotabeltinu:
Óþarfur órói og upplausn