Morgunblaðið - 17.09.2012, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 17. SEPTEMBER 2012
María Ólafsdóttir
maria@mbl.is
„Það er ekkert gaman að fara um svæði sem áður voru
óskemmd og ganga fram á spólför eftir einhver trylli-
tæki. Akstur utan vega hefur verið og er enn vanda-
mál. Það er nauðsynlegt að fjalla um það til þess að
menn átti sig á afleiðingunum,“ segir Rúnar Pálma-
son, blaðamaður á Morgunblaðinu, sem í gær hlaut
fjölmiðlaverðlaun umhverfis- og auðlindaráðuneyt-
isins fyrir umfjöllun sína um akstur utan vega og um-
gengni við náttúru Íslands.
Í rökstuðningi þriggja manna dómnefndar segir
að Rúnar hafi verið einkar fylginn sér í umfjöllun sinni
en skrif hans um utanvegaakstur má rekja a.m.k. aft-
ur til ársins 2004. Rúnar byggir skrif sín m.a. á við-
tölum við landeigendur, jeppafólk, veiðimenn, ferða-
þjónustufólk og fulltrúa umhverfis- og ferðafélaga og
leitar jafnan eftir viðbrögðum sveitarstjórnarfólks
og fulltrúa stjórnvalda.
Rúnar minnir á að umfjöllun Morgunblaðs-
ins um utanvegaakstur og náttúruspjöll byggist
að töluverðum hluta á ábendingum og ljós-
myndum frá lesendum. „Stjórnvöld hafa lengi
fjallað fram og til baka um viðbrögð við ut-
anvegaakstri en enn er of margt ógert. Það
hefur satt að segja tekið stjórnvöld ótrú-
lega langan tíma að koma regluverkinu í
kringum þetta í almennilegt horf. Á end-
anum eru það samt ökumennirnir sjálfir
sem bera ábyrgðina,“ segir Rúnar.
Morgunblaðið/Kristinn
Verðlaun Rúnar Pálmason með Jarðarberið, Svandís Svavarsdóttir umhverfisráðherra og María Ellingsen,
formaður dómnefndar. Verðlaunagripurinn er hannaður af Finnari Arnari Arnarsyni; krækiber með Íslandi á.
Ábyrgð ökumanna
 Rúnar Pálmason fær fjölmiðlaverðlaun umhverfis- og
auðlindaráðuneytis fyrir umfjöllun um utanvegaakstur
Ef áætlanir Bandalags íslenskra
farfugla ganga eftir verður nýtt 100
rúma farfuglaheimili opnað í Banka-
stræti 7 upp úr áramótum. Markús
Einarsson, framkvæmdastjóri Far-
fugla, segir félagið hafa fundið fyrir
mikilli umframeftirspurn eftir ódýr-
ari gistingu í miðbænum en hann
segir fyrirhugaðar skattahækkanir í
ferðaþjónustunni þó tvímælalaust
setja strik í reikninginn.
„Það liggur alveg ljóst fyrir að ef
þetta verður ekki dregið til baka
þurfum við að hækka verð um 20%
milli ára. Og það virðast allir sjá það
nema fólkið í ráðuneytinu að það er
nokkuð sem gengur ekki,“ segir
Markús. Hann segir fyrirætlanirnar
hafa aukið á óvissu í rekstrinum.
Eftirsótt staðsetning
Auglýst hefur verið eftir tilboðum
í breytingar á húsnæðinu, sem nú er
allt að því fokhelt að sögn Mark-
úsar, en það hýsti áður skrifstofur
Lífeyrissjóðs starfsmanna ríkisins.
Um er að ræða þrjár hæðir fyrir of-
an verslunina Cintamani og verða
2-8 manna herbergi með salerni á
annarri og þriðju hæð en móttaka,
veitingasala og sameiginleg rými á
fjórðu hæð. „Þetta hefur aðeins
dregist vegna afgreiðslu á rekstr-
arleyfum en nú er það allt komið og
við vonumst til þess að geta hafið
þarna rekstur í febrúar eða mars,“
segir Markús.
Bandalag íslenskra farfugla, eða
Farfuglar eins og það er stytt, reka
farfuglaheimili á tveimur öðrum
stöðum í borginni, í Laugardal þar
sem eru 180 rúm og á Vesturgötu
þar sem eru 70 rúm. Nokkur verð-
munur er á gistingu í Laugardal og
á Vesturgötu og segir Markús að
verðlagningin á nýja gistiheimilinu
verði meira í takt við verðið á Vest-
urgötunni, þar sem staðsetningin
miðsvæðis sé talsvert eftirsóttari.
holmfridur@mbl.is
Morgunblaðið/Ómar
Gisting 100 rúma farfuglaheimili
verður opnað í hjarta miðborgarinnar.
Ódýrari
gisting í
miðbænum
 Aukin óvissa vegna
skattahækkana
Karlmaður á
fimmtugsaldri
var handtekinn
á heimili sínu í
Breiðholti rétt
eftir miðnætti
aðfaranótt
laugardags,
grunaður um
alvarlega líkamsárás á sambýlis-
konu sína. Konan var meðvitund-
arlaus þegar að var komið og var
flutt á slysadeild í sjúkrabifreið.
Ekki fengust upplýsingar um
líðan konunnar þegar eftir því
var leitað í gærkvöldi en skv.
upplýsingum frá lögreglunni á
höfuðborgarsvæðinu er málið
rannsakað sem meiriháttar lík-
amsárás.
Alvarleg líkamsárás
á heimili í BreiðholtiÁ Degi íslenskrar náttúru hlaut Hjörleifur Gutt-
ormsson náttúruverndarviðurkenningu Sigríðar
í Brattholti. Í rökstuðningi dómnefndar segir
að Hjörleifur hafi um áratugaskeið barist fyrir
verndun náttúru Íslands og átti hann frum-
kvæði að stofnun Náttúruverndarsamtaka
Austurlands þar sem hann var formaður um
níu ára skeið. Þá hafi Hjörleifur átt beina að-
komu að stofnun og þróun margra helstu
þjóðgarða landsins og var hann m.a. hvata-
maður að stofnun Vatnajökulsþjóðgarðs.
Þá beitti hann sér með ýmsum hætti í
þágu náttúruverndar sem þingmaður og
hefur einnig látið til sín taka í
umhverfis- og náttúruvernd-
armálum á alþjóðavettvangi.
Loks er Hjörleifur höfundur
fjölmargra bóka og greina um
umhverfismál og íslenska
náttúru.
Fulltrúi náttúru
og umhverfis
NÁTTÚRUVERNDARVIÐURKENNING
Hjörleifur
Guttormsson
Þjóðverjinn Pascal Krauss sem átti
að vera andstæðingur Gunnars Nel-
son bardagaíþróttamanns í UFC í
Nottingham þann 29. september
hefur þurft að segja sig frá bardag-
anum vegna meiðsla sem hann hlaut
við þjálfun.
Í staðinn mun Gunnar mæta hin-
um bandaríska Rich „The Raging
Bull“ Attonito sem á 15 atvinnubar-
daga að baki í MMA, þar af 5 í UFC.
Attonito er það sem kallast „wrest-
ler“ en Krauss er aftur á móti boxari
að uppruna. Attonito er höggþungur
með mikið þrek og líkamlegan styrk.
Meðal hans helstu afreka er sigur á
hinum brasilíska bardagakappa
Rafael Sapo Natal sem er með svart
belti í brasilísku jiu jitsu líkt og
Gunnar. Sapo Natal er einn af kenn-
urum Renzo Gracie skólans í New
York þar sem Gunnar æfir. Hann
lætur að sögn breytinguna ekki
trufla sig þrátt fyrir lítinn fyrirvara,
en aðeins 2 vikur eru í bardagann.
Segist Gunnar þvert á móti tilbúinn í
slaginn og hlakka til að takast á við
þennan erfiða andstæðing.
Nelson og
„Tryllta
nautið“
 Nýr andstæðingur
Gunnars í UFC
Rich „The Raging
Bull“ Attonito
Gunnar
Nelson
Illugi Gunnarsson, þing-
flokksformaður Sjálfstæðis-
flokksins og fyrsti þingmað-
ur flokksins í Reykjavík,
mun bjóða sig fram til að
leiða listann áfram. Hann
fagnar því að fleiri gefi kost
á sér til forystu og segir
komandi þingkosningar ein-
ar þær mikilvægustu frá
lýðveldisstofnun.
Heimildir Morgunblaðs-
ins herma að Guðlaugur Þór Þórð-
arson þingmaður, sem var í öðru
sæti í Reykjavík fyrir síðustu þing-
kosningar, muni gefa kost á sér í
fyrsta sætið í Reykjavík. Í síðustu
viku tilkynnti Hanna Birna Krist-
jánsdóttir, borgarfulltrúi og fyrrver-
andi borgarstjóri, að hún myndi gefa
kost á sér í fyrsta sætið.
„Mér var treyst fyrir því að leiða
lista Sjálfstæðisflokksins í Reykja-
vík í kosningunum 2009 á mjög erf-
iðum tímum. Við höfum náð að snúa
þessari vörn í sókn og ég mun auðvit-
að óska eftir áframhaldandi
umboði til að halda áfram
með það starf,“ segir Illugi.
„Auðvitað fagna ég öllum
nýjum liðsmönnum sem
gefa kost á sér.“
Líka þeim sem vilja leiða
listann? „Já, ég fagna þeim
alveg sérstaklega. Það er
eðlilegt að prófkjör skeri úr
um það og ég hef ríka sann-
færingu fyrir því að þegar
það prófkjör verður afstaðið muni
koma í ljós sterkur og sigurstrang-
legur listi Sjálfstæðisflokksins í
Reykjavík.“ Illugi segist ekki vita
hvenær prófkjörið verður haldið.
„Ég á von á að það skýrist á næst-
unni.“ annalilja@mbl.is
Illugi og Guðlaugur Þór
sækjast eftir fyrsta sæti
 Þrjú vilja leiða Reykjavíkurlista sjálfstæðismanna næsta vor
Illugi
Gunnarsson
Hanna Birna
Kristjánsdóttir
Guðlaugur Þór
Þórðarson