Morgunblaðið - 17.09.2012, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 17. SEPTEMBER 2012
Lífið er litríkt
Heildsöludreifing: ACT ehf, Dalvegi 16b, 201 Kópavogi, sími 577 2150
60 ára reynsla á Íslandi
Ásgeir Ingvarsson
ai@mbl.is
Aukin harka hefur færst í deilur á
milli leikjafyrirtækjanna Electronic
Arts og Zynga. Átökin hófust í síð-
asta mánuði þegar Electronic Arts,
EA, höfðaði mál og sakaði Zynga um
að hafa hermt eftir leikjaumhverfi
Sims-leikjanna vinsælu í lífhermi-
leiknum The Ville.
Sims-leikjaröðin er þróuð af Max-
is leikjasmiðjunni, sem heyrir undir
Electronic Arts. Sims-leikirnir eru
með vinsælustu leikjum fyrr og síð-
ar. Er t.d. Sims 2 frá árinu 2004 mest
seldi PC-leikur allra tíma og hefur
selst í yfir 20 milljónum eintaka á
heimsvísu. Árið 2008 höfðu yfir 100
milljón eintök af leikjum í Sims-serí-
unni verið seld.
Frumsamið eða stolið?
Að sögn tækniritsins Techcrunch
þykir EA sem Zynga hafi greinilega
hermt eftir Facebook-leiknum Sims
Social, en um er að ræða einfaldaða
útgáfu af hinum hefðbundna Sims-
leik. Þykir EA svo margt vera líkt
með leikjum Maxis og Zynga að
varla sé hægt að greina þar á milli.
Zynga þvertekur fyrir þetta og segir
The Ville byggjast á áralangri þróun
og sækja efnivið í fjöldamarga aðra
leiki Zynga til þessa s.s. YoVille,
CityVille og CastleVille. Þvert á
móti þykir Zynga að nýi EA leik-
urinn SimCity Social sé furðulíkur
Zynga-leiknum Cityville.
Nýjasta útspilið kemur svo úr her-
búðum Zynga, sem síðdegis á föstu-
dag kærði EA fyrir að beita ólög-
mætum samkeppnishamlandi
brögðum til að hinda Zynga í að ráða
til sín fyrrverandi starfsmenn EA.
Zynga hefur tekist að laða til sín
nokkra hátt setta EA-liða. Þannig
náði Zynga að krækja í EA stjórn-
andann Mark Pincus og markaðs-
manninn Jeff Karp á síðasta ári en
reyndar eru þeir báðir horfnir á
brott í dag, að því er Wall Street Jo-
urnal greinir frá.
Lækkandi hlutir flækja málin
Zynga hefur átt í basli með að
halda í stjórnendahóp fyrirtækisins
vegna lækkandi hlutabréfagengis.
Hefur léleg frammistaða á markaði
rýrt virði markaðstengdra kaupauka
og þannig minnkað tryggð stjórn-
enda við vinnustaðinn. Zynga fór á
markað í desember og var þá hlut-
urinn verðlagður á 10 dali, en er nú
að seljast á 3,18 dali.
Höfundarréttarlögfræðingar á
San Francisco-svæðinu hafa í það
minnsta í nógu að snúast þessa dag-
ana. Zynga hefur einmitt ráðið í sína
þjónustu lögfræðistofuna Quinn,
Emanuel Urquhart & Sullivan sem
hefur annast málflutning fyrir hönd
raftækjarisans Samsung í yfirstand-
andi deilum við Apple.
Stuð The Ville frá Zynga svipar óneitanlega til netleiks Maxis.
Veldi Facebook-leikur EA er einfölduð útgáfa af Sims-leikjunum vinsælu.
Leikjarisar takast
á fyrir dómstólum
 Zynga svarar málsókn Electronic Arts í sömu mynt
 Deila um ritstuld og hömlur á mannaráðningum
Nú hefur bankinn JPMorgan Chase
& Co bæst við langan lista banka
sem bandarísk stjórnvöld eru að
þjarma að vegna gruns um peninga-
þvætti.
Reuters greinir frá því að verið sé
að rannsaka þau kerfi JP Morgan
sem eiga að vakta og greina færslur
sem líklegar eru til að tengjast pen-
ingaþvætti. Heimildarmaður Reu-
ters segir rannsóknina einkum bein-
ast að færslum sem tengjast
Venesúela.
Bandaríska dómsmálaráðuneytið
hefur verið að auka verulega eftirlit
með bönkum og eftirfylgni í sam-
ræmi við lög þar í landi um peninga-
þvætti og bankastarfsemi. Einkum
er verið að skoða peningaflutninga
sem kunna að hafa tengsl við eitur-
lyfjaiðnaðinn og einnig flutninga sem
kunna að fela í sér brot á alþjóðleg-
um viðskiptabönnum við þjóðir á
borð við Íran.
Fyrr í sumar upplýsti breski bank-
inn HSBC að 700 milljónir dala hefðu
verið lagðar til hliðar vegna mögu-
legrar sektar í kjölfar yfirstandandi
rannsóknar á vafasömum færslum til
Mexíkó, Íran, Cayman-eyja og Sádi
Arabíu. Í ágúst samdi bankaeftirlitið
í New York við Standard Chartered-
bankann um greiðslu 340 milljón
dala sektar vegna peningafærslna
sem tengdust Íran.
ai@mbl.is
JPMorgan undir smásjá
vegna peningaþvættis
 Bandarísk stjórnvöld ganga á röðina
AFP
Grisjun Fjöldi alþjóðlegra banka hefur verið rannsakaður í BNA.
Auðjöfurinn áhrifamikli, Warren
Buffett, er allur hinn hressasti eftir
að hafa lokið geislameðferð við
krabbameini í blöðruhálskirtli.
Í vor upplýsti hinn 82 ára gamli
Buffett um meinið og hófst með-
ferð strax í kjölfarið. Krabbamein-
ið hafði greinst á byrjunarstigi og
var því ekki talið lífshættulegt.
Í viðtali við Omaha World-
Herald, sem er í eigu Buffetts,
fagnar hann því að hafa lokið fer-
tugasta og fjórða og síðasta degi
geislameðferðar.
Ekki á honum fararsnið
Fréttir af veikindum Buffetts
hleyptu nýju lífi í umræður um
hversu lengi hinn aldni millj-
arðamæringur getur haldið um
stjórnartaumana í fjárfestingarfyr-
irtækinu Berkshire Hathaway.
Til stendur að
skipta skyldum
Buffetts á milli
þriggja stjórn-
enda þegar sá
gamli dregur sig
í hlé. Næsti
framkvæmda-
stjóri mun stýra
Berkshire-
hlutanum en
tveir stjórnendur
annast fjárfestingahliðina. Elsti
sonur Buffetts á að taka við sem
stjórnarformaður, að því er AP
greinir frá.
Ekki er þó talið sennilegt að
Warren Buffett fari að hægja ferð-
ina alveg strax. Í viðtalinu við
Omaha World-Herald kvaðst hann
stefna á að verða elsti maður í
heimi. ai@mbl.is
Buffett sprækur
eftir geislameðferð
 Stefnir á að verða elsti maður í heimi
Warren
Buffett
Mótmæli og ofbeldi einkenna náma-
iðnaðinn í Suður-Afríku um þessar
mundir og virðist vera að ýta upp
heimsmarkaðsverði á platínu. Um
80% af platínuuppgreftri heimsins
fara fram í Suður-Afríku og virðist
ekki útlit fyrir að takist að róa
námuverkamenn í landinu.
Uppúr sauð við Marikana-
námuna í ágústmánuði en náman er
í eigu fyrirtækisins Lonmin. Alls
féllu 34 í átökum sem brutust út í
tengslum við mótmæli námamanna.
Platínuframleiðsla í landinu hefur
dregist saman um þriðjung og vant-
ar uppá um 4.000 únsur af platínu á
dag m.v. vinnslutölur í eðlilegu ár-
ferði.
Wall Street Journal hefur eftir
sérfræðingi í góðmálmaverslun að
flókið verði að leysa úr þeim hnút
sem myndast hefur í Suður-Afríku.
Eftirspurn eftir platínu í iðnaði
er hófleg en verð er samt á uppleið,
að því er virðist drifið áfram af fjár-
festum. Frá miðjum ágúst hefur
platínuúnsan hækkað úr u.þ.b.
1.400 dölum upp í ríflega 1.700 dali.
ai@mbl.is
Eru átök í S-Afríku að
ýta upp platínuverði?
 Vinnsla dregst saman um þriðjung
AFP
Gremja Námamenn í S-Afríku eru
allt annað en ánægðir með launin.