Morgunblaðið - 25.09.2012, Side 12

12 FRÉTTIRInnlent
MORGUNBLAÐIÐ ÞRIÐJUDAGUR 25. SEPTEMBER 2012
BAKSVIÐ
Baldur Arnarson
baldura@mbl.is
Sjö af níu núverandi þingmönnum
Framsóknarflokksins sækjast eftir-
sætum á framboðslista fyrir næstu al-
þingiskosningar. Flestir þeirra fram-
sóknarmanna sem gáfu kost á sér en
komust ekki á þing eru annaðhvort
óákveðnir með framhaldið eða hafa
ákveðið að gefa ekki kost á sér.
Því er ekki að vænta mikillar
breytingar í framlínu flokksins. Eftir
kjördæmaþingin munu ný andlit þó
koma fram í öðrum sætum.
Til tíðinda dró í gær þegar Eygló
Harðardóttir tilkynnti að hún sæktist
eftir 1. sætinu í Suðvesturkjördæmi.
Þar var fyrir Siv Friðleifsdóttir sem
ætlar að hætta á þingi. Helga Sigrún
Harðardóttir var í 2. sæti í kjördæm-
inu en hún er hætt í flokknum. Gestur
Valgarðsson var í 3. sætinu en hefur
ekki ákveðið framhaldið.
Stefnir í harðan slag
Meiri athygli fékk þó slagurinn um
1. sætið í Norðausturkjördæmi. Birk-
ir Jón Jónsson hyggst láta af þing-
mennsku og skilur þar með eftir laust
1. sætið. Vill þá svo til að bæði for-
maðurinn, Sigmundur Davíð Gunn-
laugsson, og þingmaðurinn Hösk-
uldur Þórhallsson vilja sætið.
Spurður út í þetta sagðist Höskuld-
ur hafa beðið formanninn, á fundi í
gær um að sækjast ekki eftir sætinu
heldur bjóða sig fram í Reykjavík.
Fréttavefur Morgunblaðsins bar
þessa bón undir Sigmund Davíð sem
sagði að þeir hlytu að finna lausn.
Þá hafnaði Höskuldur því að hafa
verið látinn vita af ákvörðun Sig-
mundar Davíðs fyrirfram, líkt og for-
maðurinn og Hrólfur Ölvisson, fram-
kvæmdastjóri flokksins, héldu fram í
samtali við Morgunblaðið.
Staðan í hinum kjördæmunum er
annars sem hér segir. Birkir Jón
hættir í 1. sæti í Norðausturkjör-
dæmi en í 2. sætinu var Höskuldur
Þór Þórhallsson sem komst á þing.
Huld Aðalbjarnardóttir var í þriðja
sæti og Sigfús Karlsson í því fjórða.
Huld sækist ekki eftir sætinu en
Sigfús á eftir að ákveða framhaldið.
Endurheimti fylgið frá VG
Sigfús telur vígstöðuna góða.
„Við getum ekki horft fram hjá því
að í síðustu kosningum voru mörg at-
kvæði sem fóru frá Framsókn yfir á
Vinstri græna og það var einkum út
af Evrópumálunum. Allir vita hvað
hefur gerst. VG hefur svikið afstöðu
sína til ESB en Framsókn hefur tekið
afgerandi afstöðu gegn ESB. Við
væntum þess að endurheimta eitt-
hvað af því fylgi sem við misstum í
síðustu kosningum,“ sagði Sigfús en
VG fékk þar þrjá á þing.
Vigdís Hauksdóttir staðfesti í sam-
tali við Morgunblaðið að hún sæktist
eftir 1. sætinu í Reykjavík suður. Ein-
ar Skúlason var þar í 2. sæti en hann
sagði skilið við flokkinn í ágúst sl.
Guðrún H. Valdimarsdóttir var í 3.
sætinu. Hún segist hafa fengið mikla
hvatningu um að bjóða sig fram og
hafi íhugað að gera það. Það sé hins
vegar ólíklegt að hún fari fram að svo
stöddu. Eftir því sem Morgunblaðið
komst næst eru engin staðfest nöfn
komin á blað í 2. og 3. sæti í Reykja-
vík suður.
Fyrsta sætið er hins vegar laust í
Reykjavíkurkjördæmi norður eftir að
Sigmundur Davíð ákvað að færa sig
norður. Ásta Rut Jónasdóttir var í 2.
sætinu en ekki náðist í hana. Þórir
Ingþórsson var í því þriðja og sagðist
mundu íhuga framhaldið.
Í Suðurkjördæmi ætlar Sigurður
Ingi Jóhannsson áfram að sækjast
eftir 1. sætinu. Eygló skiptir um kjör-
dæmi og stefnir Birgir Þórarinsson á
2. sætið í hennar stað en hann var í
því þriðja. Bryndís Gunnlaugsdóttir
var í 4. sætinu en sagði af sér vara-
þingmennsku.
Gunnar Bragi Sveinsson sækist
áfram eftir 1. sætinu í Norðvestur-
kjördæmi en tveir stefna nú á 2. sæt-
ið, líkt og rakið er á grafinu hér fyrir
ofan.
Framsóknarmenn stokka upp spilin
 Undiralda í Framsókn  Höskuldur Þórhallsson bað formanninn að taka ekki sæti í Norðaustur-
kjördæmi  Formaðurinn og framkvæmdastjóri flokksins segja Höskuld hafa vitað hvað stóð til
Breytingar hjá Framsóknarflokknum
Kosningar
2009
Kosningar
2013
Kjördæmi:
Norðvestur Norðaustur Suður Suðvestur Reykjavík suður Reykjavík norður
Sæti
1 Gunnar Bragi Birkir Jón Sigurður Ingi Siv Vigdís Sigmundur Davíð
Sveinsson Jónsson Jóhannsson Friðleifsdóttir Hauksdóttir Gunnlaugsson
2 Guðmundur Höskuldur Þór Eygló Þóra Helga Sigrún Einar Ásta Rut
Steingrímsson* Þórhallsson Harðardóttir Harðardóttir Skúlason Jónasdóttir
3 Sigurgeir Sindri Huld Birgir Gestur Guðrún H. Þórir
Sigurgeirsson Aðalbjarnardóttir Þórarinsson Valgarðsson Valdimarsdóttir Ingþórsson
4 Elín R. Sigfús Bryndís
Líndal Karlsson Gunnlaugsdóttir
1 Gunnar Bragi Sigmundur D. Sigurður Ingi Eygló Vigdís ?
Sveinsson Gunnlaugsson Jóhannsson Harðardóttir Hauksdóttir
2 Ásmundur Einar Höskuldur Birgir ? ? ?
Daðason Þórhallsson Þórarinsson
2** Sigurgeir Sindri ? ?
Sigurgeirsson
Hugsanlegir frambjóðendur: Jónína Benediktsdóttir
og Ómar Stefánsson, bæjarfulltrúi í Kópavogi.
*Guðmundur fór úr Framsókn en Ásmundur Einar kom í staðinn. **Ásmundur og Sigurgeir sækjast báðir eftir öðru sætinu
Með brotthvarfi Sivjar Friðleifs-
dóttir hverfur á braut
einn reynslumesti þingmaður
Framsóknarflokksins.
Siv var fyrst kjörin á þing 1995
og var svo endurkjörin fjórum
sinnum. Hún var umhverfis-
ráðherra á árunum 1999-2004
og síðan heilbrigðis- og trygg-
ingamálaráðherra 2006-2007.
Þá var hún bæjarfulltrúi á Sel-
tjarnarnesi 1990-1998.
Í tilkynningu frá Siv kom fram
að hún hefði fyrir nokkru tekið
þessa ákvörðun í ljósi þess að
hún hefði í langan tíma lagt alla
sína krafta í stjórnmál. „Í störf-
um mínum að stjórnmálum hef
ég leitast við að vera rökvís og
hafa hógværð, réttlæti og sann-
girni að leiðarljósi. Það eru þau
gildi sem treysta farsæld og
reynast manni best þegar upp er
staðið,“ sagði Siv sem tiltók m.a.
framlag til náttúruverndar-
áætlunar landsins, framlag til
byggingar nýs Barnaspítala og
lýðheilsu- og neytendamála sem
verk sem hún væri stolt af.
Kom inn á
þing 1995
SIV KVEÐUR
Ágúst Ingi Jónsson
aij@mbl.is
Nýtt skip bætist í flotann á næst-
unni, en Brim hf. hefur fest kaup á
frystitogara fyrir um 3,5 milljarða
króna. Skipið var upphaflega gert
út frá Færeyjum undir nafninu
Skálaberg, en var selt til Argentínu
árið 2010. Guðmundur Kristjánsson,
framkvæmdastjóri Brims, segir að
skipið auki mjög möguleika til fisk-
veiða í Norður-Atlantshafi og auk
Íslandsmiða nefnir hann Barents-
hafið og Austur-Grænland.
Ekki ákveðið hvort
annað skip verður selt
Ekki hefur verið tekin ákvörðun
um hvort fyrirtækið selur skip á
móti þessum kaupum, en Brim ger-
ir fyrir út fjögur skip; frystitog-
arana Brimnes, Guðmund í Nesi og
Kleifaberg og dragnótabátinn Sól-
borgu.
„Skipið er ekki væntanlegt til
landsins fyrr en í nóvember, þannig
að við höfum einhverjar vikur til að
ráða ráðum okkar,“ segir Guðmund-
ur. Brim hf. hefur einkum sótt í
karfa, grálúðu, makríl og rækju og
segir Guðmundur að ýmsir mögu-
leikar séu í stöðunni. Hann segir
kaupverðið aðeins vera hluta þess
sem nýsmíði á sambærilegu skipi
myndi kosta.
Vonandi kemst einhver
skynsemi í þetta
Spurður um veiðigjöld og óvissu í
sjávarútvegi segir Guðmundur að
hann treysti því að stjórnvöld sjái
að sér og svo séu kosningar á næsta
ári. „Ef veiðgjöldin verða úr hófi þá
hættir þetta allt sjáfkrafa, auk þess
sem það er fáránlegt að leggja
gjöldin á vitlausa þorskígildis-
stuðla,“ segir Guðmundur.
„Við hættum hins vegar ekki að
lifa hérna og vonandi kemst einhver
skynsemi í þetta. Í lögsögunni hefur
verið gríðarlegt magn af makríl og
við gætum nýtt hann miklu betur.
Svo er spurning hvort við eigum
ekki að veiða meira en við höfum
gert,“ segir Guðmundur.
Nýja skipið var smíðað í Noregi
árið 2003 fyrir Færeyinga og er
74,50 metra langt, 16 metra breitt
og er 3.435 brúttólestir. Skipið hét
Esperanza del Sur síðustu árin og
eigandi þess var fyrirtækið Pesant-
ar í Argentínu.
Brim kaupir frystitogara
fyrir 3,5 milljarða króna
 Eykur möguleika til fiskveiða í N-Atlantshafi
Ljósmynd/G. Norðöy
Til Íslands Nýtt skip Brims bætist í flotann fyrir áramót. Það var smíðað fyrir Færeyinga í Noregi árið 2003.
Skannaðu kóðann
til að sjá viðtal við
Sigmund Davíð
Skannaðu kóðann
til að sjá viðtal við
Siv Friðleifsdóttur