Morgunblaðið - 17.10.2012, Síða 11
Morgunblaðið/Kristín Heiða
Gnægtaborð Kristín og Sigrún buðu til garðveislu með biblíumat í sumar og svignaði borðið undan krásunum.
Ekki bara magafylli
Sumir tilvitnunartextarnir úr
Biblíunni eru þekktir, eins og til
dæmis sagan af brauðinu og fisk-
unum sem Jesús mettaði fimm þús-
und manns með og sagan af Mörtu
og Maríu. Annað er minna þekkt.
„Þegar Biblían er lesin með „mat-
argleraugum“ kemur margt í ljós
og þar er mikið talað um mat. Í
Biblíunni eru veislur þar sem aug-
ljóslega er lagt mikið upp úr því
sem við viljum einmitt gera: Að
njóta matarins, ekki einvöðrungu til
að fá magafylli, heldur setjast niður
og njóta samfélagsins við fólkið sem
við borðum með. Það er mikilvægt
að henda ekki bara einhverju í sig
til að verða saddur. Í hraða nútíma-
samfélags skiptir máli að fjöl-
skyldur eigi stund saman við mat-
arborðið.“
Hráefni úr nærumhverfi
Þær Kristín og Sigrún segjast
hafa verið mjög uppteknar af því að
hafa hráefnið sem ferskast og úr
nærumhverfinu. „Þetta er umhverf-
isvæn hugsun sem snýst um að nýta
hráefni sem er nálægt okkur eins
og hægt er, að flytja ekki eitthvað
langt að ef svipað fæst nær okkur.
Aðalatriðið er að hráefnið sér hreint
og ekki búið að fara í gegnum mörg
stig í verksmiðju. Hér á Íslandi get-
um við til dæmis fengið lambakjöt
sem er hrein náttúruafurð og ís-
lenskt grænmeti er ræktað án þess
að eiturefni séu notuð. Það er alltaf
ferskara en innflutt grænmeti. Við
notum líka hráefni úr eigin garði.
Áherslan í bókinni er að auðvelt sé
að nálgast hráefnið, einfalt að búa til
matinn og auðvelt að breyta upp-
skriftum,“ segja þær Kristín og Sig-
rún og bæta við að þær séu báðar
hálfgerðir matreiðslunördar. „Við
lesum stundum matreiðslubækur
uppi í rúmi áður en við förum að sofa
og vöknum kannski upp að morgni
með hugmynd að uppskrift í hausn-
um. Við vitum fátt skemmtilegra en
að elda og bjóða til veislu.“
Elduðu í heila viku
Þær æfðu sig fyrir gerð bók-
arinnar með því að halda margs kon-
ar biblíumatarveislur. „Við fórum
líka tvær saman í bústað í heila viku
og elduðum allan tímann og próf-
uðum okkur áfram, breyttum og
bættum. Það var átak fyrir okkur að
þurfa að búa til uppskriftir með
mælieiningum, því matreiðsla okkar
hefur mikið snúist um dass og slettur
af hinu og þessu. Stundum bý ég til
uppskrift í hausnum á mér á leiðinni
heim úr vinnunni og þá eru engar
mælieiningar og ég man kannski
bara hluta af því þegar ég byrja að
elda. Á meðan ég elda dettur mér svo
kannski eitthvað nýtt í hug og
breyti,“ segir Kristín.
Gestrisni skiptir máli
Kristín og Sigrún ólust báðar
upp í sveit og segja að þar hafi gest-
um alltaf verið boðið upp á eitthvað
að borða. „Við leggjum áherslu á
gestrisni í bókinni okkar, enda skiptir
hún miklu máli. Áhugi á matargerð
síaðist inn þótt við lærðum kannski
ekki að búa til mat á æskuárunum.
Ég náði hámarki í matargerð þegar
mamma hringdi í mig nýlega til að fá
ráð um hvernig hún ætti að elda eitt-
hvað,“ segir Kristín um aðalfyr-
irmyndina, móður sína. Sigrún segist
á uppvaxtarárunum hafa setið mikið
í eldhúsinu hjá mömmu sinni þegar
hún eldaði og lært mikið af því.
Þetta er fíkn og ást
„Við lesum endalaust mat-
reiðslubækur til að fá hugmyndir.
Þetta er eiginlega eins og fíkn og
maður ræður ekkert við sig. Þetta er
ólæknandi. En þessi matreiðslufíkn
snýst ekki bara um að standa yfir
pottunum, heldur um að gefa ein-
hverjum að borða, sem gengur út á
annað og meira en að gefa mat. Það
snýst um að fullnægja einni af
grunnþörfum mannsins. Það er gef-
andi að gefa að borða og finna
ánægju fólks með það sem fer í munn
og maga. Þegar við eldum hugsum
við hlýlega til fólksins sem er á leið-
inni í matinn og berum hann fallega
fram. Þetta er ást,“ segja þær Krist-
ín og Sigrún sem hafa leitt hugann að
því halda námskeið í tengslum við
veislurnar í biblíumatarbókinni. „Við
höfum verið beðnar að koma og
kynna bókina með smakki úr veisl-
unum tólf og gerum það með glöðu
geði.“
DAGLEGT LÍF 11
MORGUNBLAÐIÐ MIÐVIKUDAGUR 17. OKTÓBER 2012
Kaflarnir í bókinni eru tólf, eins og lærisveinarnir,
og hver kafli inniheldur uppskriftir að forrétti, að-
alrétti og eftirrétti. Við hvern kafla er stuttur texti
beint úr Biblíunni, sem og vangaveltur Sigrúnar
og Kristínar sem þær tengja við máltíðina. Útlínur
altaristaflna víða af landinu umfaðma heiti hvers
kafla.
Dæmi um heiti þeirra veislna sem eru í bókinni:
Mörtur bjóða Maríum til veislu.
Týndu dótturinni fagnað.
Veisla ofgnóttar.
Góðra vina fundur.
Veisla áhyggjuleysis og einfaldleika.
Orð, krydd og krásir
TÓLF VEISLUR
www.volkswagen.is
Frelsi til
að ferðast
Volkswagen Tiguan
Komdu og reynsluaktu Volkswagen Tiguan
Tiguan Sport & Style kostar aðeins frá
5.890.000 kr.
Fullkomið leiðsögukerfifyrir Ísland
Volkswagen Tiguan sportjeppi eyðir
aðeins 5,8 l á hverja 100 km.
6 lambaskankar
1 laukur
5 gulrætur
1 hvítlaukur
Setjið smjör í djúpa pönnu og
brúnið lambaskankana smástund
ásamt niðurskornum gulrótum, lauk
og hvítlauk. Bætið síðan vatni á
pönnuna þannig að það nái upp fyrir
miðja bitana. Því næst er þurrkuðum
ávöxtum, appelsínu, fennel og kryddi
bætt við:
1 b döðlur skornar í helminga
1 b apríkósur skornar í helm-
inga
1 fennel niðurskorið
safi úr einni appelsínu og
ein appelsína í bitum
2 stk. stjörnuanís steytt-
ur í mortéli
1-2 tsk kúmínduft
salt
pipar
Látið malla við hægan hita undir
loki í tvo til þrjá tíma, undir lok suðu-
tímans er bætt við 1 dl af möndlum
Meðlæti: kúskús með sítrónusafa,
olíu, ólífum og steinselju.
Tveir bollar af kúskús eldaðir sam-
kvæmt leiðbeiningum en safa úr
einni sítrónu og ½ dl ólífuolíu bætt
út í. Svörtum ólífum og smátt skor-
inni fjallasteinselju dreift yfir um leið
og borið er fram.
Hægeldaðir lambaskankar
með þurrkuðum ávöxtum