Morgunblaðið - 05.10.2012, Blaðsíða 17

Æ
tla mætti að ekki væri
allt með felldu þegar
forsvarsmenn stórra
bílsmiða leiða hjá sér
tækifæri til að slá sig
til riddara og gorta upp á framtíðina.
Einmitt það gerðu yfirmenn Ford í
Evrópu og Opel, dótturfélags Gene-
ral Motors, á bílasýningunni í París.
Á fjölmiðladögunum fyrir opnun
sýningarinnar fyrir almenning grípa
forstjórar bílafyrirtækja tækifærið
sem býðst til að baða sig í kastljósi
sjónvarpsstöðva og annarra fjöl-
miðla sem mættir eru svo í hundr-
uðum er talið.
Einn bíll á básnum
En vegna þverrandi sölu í Evrópu
og stöðugt versnandi horfa ákváðu
Ford og Opel að halda sig til hlés. Til
að mynda var aðeins einn bíl að finna
á bás GM, hinn smáa Adam. Honum
er ætlað að laga eitthvað stöðu Opel/
Vauxhall en allt stefnir í að þau fyr-
irtæki GM muni sitja uppi með millj-
arðs dollara rekstrartap í ár. Frum-
sýning hins netta borgarbíls fór
næstum fram í kyrrþey. Adam er
stefnt gegn bílum á borð við Fiat 500
og BMW Mini og er ætlað að höggva
skörð í raðir þeirra, enda veitir ekki
af til að bæta afkomuna.
Mondeo í brennipunkti
Allt stefnir einnig í að rekstrartap
Ford Europe verði rúmur milljarður
dollara í ár. Aflýsti fyrirtækið ráð-
gerðum blaðamannafundi á Par-
ísarsýningunni og ákvað að láta
kynningarathöfn í Amsterdam hálf-
um mánuði áður duga. Á bás Ford í
París var hinn nýi Ford Mondeo í
brennipunkti, en þar er um að ræða
Evrópuútgáfu af hinum nýja Fusion
sem seldur verður á heimamarkaði í
Bandaríkjunum.
September sl. var Ford óhagstæð-
ur,bæði heima fyrir og á alþjóðavísu.
Til dæmis nam samdráttur í sölu
32% í Frakklandi og 40% á Spáni.
Aðeins 1,5% aukning varð á sölu GM
á heimamarkaði í september og 0,1%
aukning hjá Ford, hvort tveggja
vegna aukinnar samkeppni frá út-
lendum bílsmiðum og mikils sam-
dráttar í sölu pallbíla sem jafnan eru
gullnáma beggja fyrirtækjanna.
agas@mbl.is
Forstjórarnir
héldu sig til hlés
AFP
Dularfullt Leyndardómsfulli hugmyndabíllinn frá Citroen, Numero 9, kynntur til leiks á fjölmiðladögum bílasýningarinnar í
París. Vakti bíllinn mikla athygli, ekki síður en glæsidísin sem við bílinn stóð í sínum bláa kjól með bjartan og fallegan svip.
Lítill Með hinum nýja Opel Adam ætlar framleiðandinn sér í samkeppni við Fiat 500 og Mini. Eftir miklu er að slægjast á smá-
bílamarkaðinum, sem fer sístækkandi og tæplega er ofsagt að sú sylla sé einskonar aldingarður bílaviðskipta á veraldarvísu.
Bílakóngarnir slógu sig ekki til riddara. Yfirmenn
Ford og Opel í felum. Adam sýndur í kyrrþey.
Aðeins 1,5% aukning varð
á sölu GM á heimamarkaði
í september og 0,1% aukn-
ing hjá Ford, hvort tveggja
vegna aukinnar samkeppni
frá útlendum bílsmiðum og
mikils samdráttar í sölu
pallbíla
MORGUNBLAÐIÐ | 17
Veturinn kemur
fyrr en þig grunar,
vetrar- og heilsársdekkin
eru komin í hús
OPIÐ: Virka daga 8-18 og laugardaga 10-14
Skútuvogi 8, 104 Reykjavík / Smiðjuvegi 28, 200 Kópavogi
Sími 567 6700 / vakahf@vakahf.is / www.vakahf.is
VAXTALAUSAR
LÉTTGREIÐSLUR