Morgunblaðið - 05.10.2012, Blaðsíða 39

MORGUNBLAÐIÐ | 39
Bíldshöfði 14 » 110 Reykjavík » Sími 567 6744 » gsvarahlutir.is
Öll ljós í búð – þrjú verð
Ljósaútsala
í eldri bíla 8.-12. október
Stefnuljós 500
Afturljós 1000
Framljós 1500Í
slendingurinn Emil Björnsson og
bíllinn hans sem er 1998 árgerð
af gerðinni Jeep Grand Chero-
kee fengu góða umfjöllun í banda-
ríska jeppablaðinu 4Wheel & Off-
Road fyrir skemmstu. Í blaðinu var
bíl Emils lýst sem „einum getu-
mesta Grand Cherokee á jörðinni“
en það er jú það sem hann þurfti
til þess að geta prófað búnaðinn
sem hann er að selja hjá Master
Pull.
Bíll Emils er útbúinn 5,9 lítra
V8-vél en einungis 1% þeirra 1,4
milljóna Grand Cherokee-jeppa
sem voru framleiddir voru útbúnir
þessari stóru vél.
Kaðlar og dráttarbúnaður
Emil Björnsson býr í Bandaríkj-
unum og er eigandi fyrirtækisins
Master Pull sem sérhæfir sig í sölu
á köðlum og öðrum dráttarbúnaði í
hernað, til iðnaðar og þeirra sem
hafa gaman af því að keyra út af
malbikinu.
Árið 2002 fékk Master Pull
beiðni frá bandaríska hernum um
að setja saman fullkomið sett af
búnaði fyrir hin ýmsu hertæki og
trukka. Hönnuðir Master Pull fóru
að vinna í því og völdu nokkra aðila
sem framleiða hágæðabúnað til
þess að mæta kröfum hersins.
Hampiðjan í heiðurssæti
Eitt af þessum fyrirtækjum var
Hampiðjan á Íslandi, sem var valin
sakir þess hve mikla þekkingu og
reynslu starfsmenn fyrirtækisins
hafa í kaðlagerð, að sögn Emils.
Hampiðjan hefur framleitt kaðla
og fiskinet sem þola íslensk nátt-
úruöfl frá árinu 1934. Það ætti því
ekki að koma Íslendingum á óvart
að öflugasti her heims geti nýtt sér
búnaðinn. Til þessa hafa Master
Pull og Hampiðjan selt bandaríska
og kanadíska hernum ýmsar gerðir
kaðla. Á næstunni mun markaðs-
svæðið teygjast yfir til Evrópu.
jonas@giraffi.net
Þjarkur Á þessum jeppa eru Emil Björnssyni, eins og þessi mynd sýnir vel, flestir
vegir færir, enda hefur bíllinn víða vakið athygli fyrir afl og akstursgetu.
Einn sá öflugasti á jörðinni
Ofurbíllinn Jeep Grand Cherokee. Íslendingur í
bandarísku bílablaði. Selur hernum íslenska kaðla.