Morgunblaðið - Sunnudagur - 11.11.2012, Blaðsíða 4

Mikið undir í forystuslag
FORYSTUSLAGUR SAMFYLKINGARINNAR Í SUÐVESTURKJÖRDÆMI VELDUR SKJÁLFTA Í HERBÚÐUM FLOKKSINS UM ALLT LAND. ÁRNI PÁLL ÁRNASON OG
KATRÍN JÚLÍUSDÓTTIR TAKAST Á, EN ÁRNI HEFUR ÞEGAR BOÐIÐ SIG FRAM TIL FORMANNS OG KATRÍN TILKYNNIR ÁKVÖRÐUN SÍNA EFTIR FORVALIÐ.
Í SKOÐANAKÖNNUN MMR UM MIÐJAN OKTÓBER KOM FRAM AÐ AF STUÐNINGSMÖNNUM SAMFYLKINGARINNAR TREYSTU 26,3% ÁRNA PÁLI BEST
OG 24,3% KATRÍNU. AÐRIR NUTU MUN MINNI STUÐNINGS. ÞVÍ ER LJÓST AÐ MIKIÐ ER UNDIR. HVERNIG SKYLDU ÞAU STANDA MÁLEFNALEGA?
Myndvinnsla/Elín Esther
* „Katrín Júlíusdóttir er sá frambjóðandi, sem flokksforystanhefur sent fram á vígvöllinn til að stöðva Árna Pál af. For-ystusveit Samfylkingar mun leggja allt undir til að það takist.“
Styrmir Gunnarsson á Evrópuvaktinni
Þjóðmál
PÉTUR BLÖNDAL
pebl@mbl.is
4 MORGUNBLAÐIÐ SUNNUDAGUR 11.11. 2012
1Hvernig finnst þér ríkisstjórn Vinstri grænna og Samfylkingar hafa tekist til á kjörtímabilinu?
2Er Samfylkingin komin of langt til vinstri?
3 Var rétt að hrófla við niðurstöðu rammaáætlunarinnar og færa sex virkjanir úr nýtingarflokki yfir í biðflokk?
4Er stefnan sem mörkuð hefur verið í ríkisfjármálum trúverðug?
5 Fjárþörf Íbúðalánasjóðs er mikil og bagginn þungurfyrir ríkissjóð. Hvað er til ráða?
6Hvernig sérðu fyrir þér æskilegt stjórnarmynstur eftir kosningar?
1 Vel. Við fengum í fangið gríðarlegt verkefnisem enginn bað um og höfum leyst það vel.En mikil verkefni bíða úrlausnar. Þorri fólks
upplifir á eigin skinni minni tekjur og meiri útgjöld.
Okkar bíður að rjúfa efnahagslega einangrun
landsins og leggja grunn fyrir verðmætasköpun
sem getur staðið undir þjóðlífinu með sjálfbærum
hætti. Við höfum ekki heldur leyst úr því fullkomna
varnarleysi sem íslenskur almenningur býr við með
íslenska krónu andspænis fullu frelsi í fjármagns-
hreyfingum. Við verðum að verja fólk og fyrirtæki
fyrir kollsteypum framtíðarinnar.
2Samfylkingin á að endurspegla mjög fjöl-breytt litróf. Hún er komin of langt frágrundvallarsýn sinni um samfélagslega sam-
stöðu, frelsi og frjálslyndi. Kvennalistinn gagn-
rýndi réttilega „skilgreiningardauðann“ sem þjáði
vinstri menn, þegar allt var flokkað og hólfað í gott
og vont og ekkert mátti gera eða hugsa. Fjöl-
breyttur jafnaðarflokkur getur ekki leitt ríkisstjórn
með því að draga fólk stöðugt í dilka og flokka í vini
og óvini. Það er þvert á móti sögulegt hlutverk okk-
ar að laða alla til fordómalauss samstarfs með al-
mannahagsmuni að leiðarljósi.
3 Það er mjög mikilvægt að varðveita það trú-verðuga og vandaða ferli sem rammaáætl-unin byggði á, því hún verður að duga lengur
en til einnar nætur. Og þess vegna er mikilvægt að
allar breytingar sem hið pólitíska vald gerir á
rammaáætlun frá því sem kom út úr vinnu sérfræð-
inga séu gagnsæjar og byggi á efnislegum rökum.
Vonandi tekst okkur að ná slíkri niðurstöðu í
þinginu.
4 Við eigum allt undir að ná jöfnuði í ríkisfjár-málum sem allra fyrst. Þess vegna þarf aðfara að standa gegn útgjaldaþrýstingi. Við
búum við mjög viðkvæma umgjörð efnahagsmála
og eigum ekki að skapa væntingar um að aðstæður
hafi skapast til stórfelldrar útgjaldaaukningar. Það
er ekki gott að nálgast stjórnmálin með hinu hefð-
bundna alvöruleysi loforða á kosningavetri. Við
skuldum okkur sjálfum og þjóðinni annað og meira.
5 Húsnæðislánastefna síðustu ára er gjald-þrota. Tugþúsundir eru fastar í skuldafjötr-um eða geta ekki flutt að heiman. Lág-
tekjufólk ræður ekki við lágmarksleigu. Við
verðum að veita þessu fólki svör og lausnir. Op-
inberar stofnanir á sviði húsnæðismála eiga að
veita slíkar lausnir, ef aðrar fjármálastofnanir geta
ekki sinnt því hlutverki. Það er engum til góðs að
halda öllu í kyrrstöðu, Íbúðalánasjóði hálf lífvana í
óbreyttri umgjörð og horfast ekki í augu við stað-
reyndir.
6 Samfylkingin hefur reynt að við þurfum aðhafa svigrúm til að geta samið á bæði borð tilað ná fram málefnum Samfylkingarinnar í
stjórnarmyndunarviðræðum. Ef við eigum bara
einn kost, fáum við lélegar heimtur í stjórnarsátt-
mála. En það má ekki gleyma sér í dagdraumum.
Samfylkingin þarf að hafa stærð og sjálfstraust til
að leiða ríkisstjórn. Tuttugu prósent flokkur gerir
það tæpast – hans bíður hækjuhlutverk. Þess
vegna vil ég sækja umboð til flokksmanna til að
gera Samfylkinguna að burðarafli í breytingum á
stjórnmálunum. Stjórnmál gærdagsins freista mín
ekki. Það er heillandi verkefni að rjúfa vítahring
niðurrifs og neikvæðni og skapa ný stjórnmál og
nýtt verklag sem fólk trúir í raun að geti leyst úr
þeim tröllauknu verkefnum sem bíða.
1Ríkisstjórnin tók við þegar fjármálakerfið hafðihrunið, gjaldmiðillinn hrapað, efnahagur bæðiheimila og fyrirtækja orðið fyrir miklu áfalli. Tæp-
um fjórum árum síðar hefur okkur tekist að stöðva gíf-
urlega skuldasöfnun ríkissjóðs en verja um leið stöðu
þeirra sem veikast stóðu og sjálfar grunnstoðir velferð-
arkerfisins. Jafnframt tókst okkur að tryggja stuðning við
nýsköpun og þróun í atvinnulífinu, efna til átaks í ferða-
þjónustu og setja rammalöggjöf um ívilnanir vegna ný-
fjárfestinga, svo fá dæmi séu nefnd. Við höfum lagt góðan
grunn að nýrri sókn.
2Kjarni jafnaðarstefnunnar er hin tvíþætta áhersla áannars vegar öflugt og samkeppnishæft atvinnulífgrundvallað á athafnafrelsi og almennum gagn-
sæjum leikreglum og hins vegar á jöfnuð, velferð og
menntun fyrir alla. Verkefni okkar er og verður að bæta
lífskjör allra Íslendinga og standa vörð um almannahags-
muni gegn sérhagsmunum. Þetta hefur líka verið leið-
arljós okkar frá hruni í því forgangsverkefni að stöðva
skuldasöfnun ríkissjóðs sem hefði að óbreyttu dregið
máttinn úr atvinnulífinu og fest okkur í höftum til lang-
frama. Við höfum orðið að ganga í brýn verkefni í sam-
starfi tveggja flokka og tekist það án þess að fjarlægjast
okkar grunngildi.
3 Tillaga sú sem lögð var fyrir Alþingi er niðurstaðalögbundins ferils. Niðurstaðan felur í sér stórtækaráætlanir um vernd mikilvægra svæða en jafnframt
eru margir kostir settir í nýtingarflokk þar sem þá er
hægt að hefja rannsóknir eða vinnslu. Í biðflokk eru settir
kostir sem krefjast frekari skoðunar áður en ákvörðun er
tekin um vernd eða nýtingu. Ég tel að þarna sé ágætis
jafnvægi þar sem meira en nægir kostir eru til nýtingar
næstu fjögur árin eða þar til rammaáætlun verður endur-
skoðuð. Mikilvægast er að allar ákvarðanir séu gagnsæjar
og rökstuddar á grundvelli þess faglega ramma sem verk-
efnisstjórn og faghópar setja verkefninu. Það er besta
leiðin til sátta.
4Víða um heim er litið til Íslands sem fyrirmyndarþegar kemur að viðbrögðum við fjármálahruni. Ístað þess að skera allt strax niður við trog með til-
heyrandi stöðnun og hörmungum fórum við þá leið í upp-
hafi að mæta áfallinu með því að viðhalda eftirspurninni í
hagkerfinu og halda þannig hjólum efnahagslífsins gang-
andi. Svo var unnin langtímaáætlun um að stöðva skulda-
söfnun ríkisins sem við höfum fylgt ár frá ári. Slíkt er aldr-
ei auðvelt og allir hafa þurft að færa fórnir. En árangurinn
sem við blasir sýnir að stefnan var bæði rétt og trúverðug.
5 Það er rétt að staða Íbúðalánasjóðs er ekki góð.Hann er mjög laskaður eftir að gefin var út óábyrg-ur kosningavíxill árið 2003 með skattgreiðendur
sem ábekinga. Við erum enn að vinna úr því tjóni. Þar sem
ríkissjóður er ábyrgur fyrir lántöku sjóðsins verður hann
ekki gjaldþrota. Nú er verið að meta hversu mikið ríkið
þarf að leggja út til að styrkja eiginfjárstöðu hans en ég
hef fullan hug á því að tryggja hið félagslega hlutverk
sjóðsins til framtíðar.
6Ríkisstjórn Samfylkingarinnar og VG hefur við erf-iðar aðstæður tekist að reisa hið hrunda efnahags-kerfi Sjálfstæðisflokksins við svo eftir er tekið víða
um heim. Stefnumið okkar eru farin að virka en það tekur
nokkurn tíma enn fyrir áætlanir okkar að skila sér að fullu
í auknum hagvexti. Þar til gangverkið sem við höfum ýtt
af stað er komið á fullt skrið væri fyrsti kostur að núver-
andi ríkisstjórn fengi endurnýjað umboð til að tryggja
áframhaldandi efnahagsbata. Ég er hins vegar til í að
vinna með hverjum þeim sem vill leggja gott til málanna í
þeirri viðleitni að tryggja lífskjör fólksins í landinu. Út á
það gengur jú starf stjórnmálamannsins þegar öllu er á
botninn hvolft.
KatrínÁrni Páll