Morgunblaðið - Sunnudagur - 11.11.2012, Blaðsíða 47

11.11. 2012 MORGUNBLAÐIÐ SUNNUDAGUR 47
arastaðan losnaði. Hann var mín stoð og
stytta enda mjög reynslumikill. Hann er
sterkur persónuleiki og mikill vinur minn.
Þetta er vissulega óvenjulegt og ég er mjög
þakklátur félaginu fyrir að gefa mér þetta
tækifæri. Ég gat hellt mér út í þjálfunina af
fullum krafti og gat strax dýpkað mig í
starfi,“ sagði Aron sem stýrði Skjern í þrjú
ár áður en hann kom heim og gerði Hauka
að Íslandsmeisturum þrjú ár í röð.
Gaf frá sér landsliðsþjálfarastarfið
Eftir velgengnina hjá Haukum bauðst Aroni
að taka við landsliðsþjálfarastarfinu af Al-
freð Gíslasyni þegar hann lét af störfum
snemma árs 2008. Aron var fullur áhuga á
starfinu, þá eins og nú, en varð að setja
önnur mál í forgang og gefa starfið frá sér.
„Mig langaði mikið til að taka við liðinu á
þeim tíma. Ég einfaldlega gat það ekki af
persónulegum ástæðum. Það passaði ekki
inn í lífið á þeim tíma og þurfti því miður að
gefa það frá mér. Ástæðan var ekki áhuga-
leysi heldur aðrar ástæður. Við áttum til að
mynda von á barni þá um sumarið, á sama
tíma og Ólympíuleikarnir fóru fram í Pek-
ing. Ég sé í baksýnisspeglinum að það var
fínt fyrir mig að afla mér meiri reynslu og
koma reyndari og sterkari til leiks núna,“
sagði Aron og hann óttaðist ekkert sér-
staklega að tækifærið til þess að stjórna
landsliðinu myndi sigla fram hjá sér. „Auð-
vitað gat það gerst en ég var náttúrlega
mjög ungur þjálfari í byrjun árs 2008 og
vonaðist að sjálfsögðu eftir því að til mín
yrði leitað aftur.“
Hefur lítið velt athyglinni fyrir
sér
Með tilliti til þeirra miklu krafna sem gerð-
ar eru til landsliðsins um árangur á stór-
mótum þá má ljóst vera að það er stór
ákvörðun fyrir þjálfara að taka starfið að
sér. Aron segist einfaldlega líta þannig á að
starf sem þetta sé hluti af þeirri velgengni
sem hann sækist eftir í íþróttunum.
„Þegar ég fór að setja mér markmið sem
þjálfari þá var eitt þeirra að verða landsliðs-
þjálfari. Maður stefnir einfaldlega eins hátt
og maður getur í boltanum. Íslenska lands-
liðið hefur staðið sig vel undanfarin ár og
þetta er ein stærsta staðan á landinu í þjálf-
un. Í einhvern tíma hefur þetta verið vin-
sælasta lið landsins og á vissan hlut í þjóð-
arsálinni. Það er auðvitað heiður að fá
starfið og ég er stoltur af því að fá að stýra
liðinu. Ég reyni að gera þetta eins vel og ég
get og ég er mjög vinnusamur. Ég veit að
starfinu fylgir mikil pressa og athygli. Ég sé
það sem hluta af íþróttunum og reyni að
vinna með það. Mestu skiptir að mínu mati
að vera samkvæmur sjálfum sér, bæði
hvernig maður vinnur og hvernig maður vel-
ur liðið,“ bendir Aron á og hann miklar það
ekki fyrir sér að verða landsfrægur en það
er óhjákvæmilegur fylgifiskur landsliðsþjálf-
arastarfsins.
„Ég hef ekkert verið að velta því of mikið
fyrir mér. Íþróttin og metnaðurinn í kring-
um hana er það sem ég hef hugsað um. Ég
vildi taka þetta að mér og vil leggja allt
mitt af mörkum í þetta verkefni. Ég hef
ekkert íhugað aðra þætti heldur hefur ein-
beitingin farið í handboltann sjálfan. Hvort
sem athyglin telst góð eða slæm þá er hún
eitthvað sem fylgir þessu starfi og ég þarf
því að læra að umgangast það. Athyglin er
vissulega mikil og nánast allir hafa skoðanir
á liðinu því við eigum 300 þúsund landsliðs-
þjálfara. Ég held að mikilvægast sé að halda
sig við að vinna eftir eigin sannfæringu.“
Spilaði sjálfur með landsliðinu
Aron er ekki blautur á bak við eyrun þegar
kemur að landsliðinu því sjálfur spilaði hann
85 A-landsleiki. Áður en ferillinn fékk skjót-
an endi var Aron með landsliðinu á þremur
stórmótum. Meðal annars á EM 2002 þar
sem liðið lék um verðlaun og á HM 2001 og
HM 2003 þar sem liðið tryggði sér þátt-
tökurétt á Ólympíuleikunum í Aþenu 2004.
„Það er klárlega kostur að hafa verið í
landsliðinu í nokkur ár. Maður veit hvernig
það er að fara á stórmót og hvernig lífið er
í kringum það. Það er gríðarlega mik-
ilvægt,“ segir Aron sem er af sömu kynslóð
og Ólafur Stefánsson. Aron spilaði með hon-
um í landsliðinu og yngri landsliðunum en
getur ekki nýtt krafta hans nú þar sem
Ólafur hefur ákveðið að láta gott heita eftir
magnaðan feril. Aron segist ekki hafa reikn-
að með því að Ólafur myndi gefa kost á sér
eftir Ólympíuleikana í London og það kom
honum því ekki á óvart að geta ekki teflt
honum fram. Þegar jafn mikill leiðtogi og
Ólafur hverfur á braut, þarf þá ekki að fylla
slíkt tómarúm með einhverjum hætti?
„Menn eru ólíkir. Ég og Gummi (Guð-
mundur Þ. Guðmundsson) erum með svip-
aðan leikstíl en erum ólíkar persónur. Sama
á við um leikmenn. Nú dettur Óli út en
Gaui (Guðjón Valur Sigurðsson) er mikill
leiðtogi og hefur verið lengi í liðinu. Hann
er mikill íþróttamaður og honum fylgir sig-
urhugsun. Hann er vel að því kominn að
vera fyrirliði liðsins en auk þess eru aðrir
strákar í hópnum sem eru miklir karakter-
ar. Hópurinn er vel samstilltur og leikmenn
eru tilbúnir að leggja mikið á sig. Hópurinn
er tilbúinn til að takast á við breytingar og
það var góð upplifun fyrir mig að vinna með
liðinu þessa fyrstu viku,“ sagði landsliðs-
þjálfarinn Aron Kristjánsson í samtali við
Morgunblaðið.
Morgunblaðið/Golli
Morgunblaðið/Ómar
Aron Kristjánsson gerði þriggja ára
samning við HSÍ þegar hann var ráðinn
landsliðsþjálfari í ágúst. Hann mun þjálfa
lið Hauka í N1-deildinni út þetta keppn-
istímabil en mun þá láta af störfum á Ás-
völlum. Samhliða landsliðsþjálfarastarf-
inu mun Aron einnig koma að
uppbyggingarstarfi hjá HSÍ.
Hvað A-landsliðið varðar segir Aron
að stefnt sé að hámarksárangri en um
leið sé kominn tími til að undirbúa kyn-
slóðaskipti sem verði innan fárra ára.
„Núna þurfum við einnig að horfa til
þess að byggja upp til framtíðar. Á síð-
ustu árum höfum við náð fínum árangri
og besta árangri í sögu landsliðsins með
því að komast tvívegis á verðlaunapall.
Einnig hafa komið mót þar sem við höf-
um átt erfiðar uppdráttar. Málið er hins
vegar að bilið á milli þessara stráka sem
eru í landsliðinu, og þeirra sem eru fyrir
utan hópinn, hefur breikkað. Þeir sem
hafa spilað mest í landsliðinu eru frekar
þröngur hópur leikmanna og við þurfum
að toga hina aðeins upp. Nokkrir lykil-
manna landsliðsins eru að komast á ald-
ur þó þeir séu ekki á útleið strax sem
betur fer. Sú staða getur hins vegar kom-
ið upp á næstu árum og þá þurfa aðrir að
vera klárir. Eitt af mínum stóru verk-
efnum verður að undirbúa næstu kyn-
slóð þannig að við fáum sem blíðust um-
skipti yfir í næsta lið og okkur takist að
halda okkur inni á stórmótum,“ sagði
Aron og hann óttast ekki að sitt hlut-
skipti verði að þjálfa landsliðið á tímabili
þar sem það muni gefa eftir.
„Nei, ég held ekki. Ég tel að stærstur
hluti þessa liðs sem hefur verið saman
lengi eigi eftir eitt eða tvö stórmót í við-
bót. Stærstur hluti þessa liðs heldur
áfram og sumir þeirra verða væntanlega
enn lengur í landsliðinu. Fyrir utan liðið
eru ungir strákar sem margir hverjir eru
langt komnir miðað við aldur. Þegar þeir
fá aðeins meiri reynslu og fleiri verkefni
þá munu þeir einnig verða góðir. Við
þurfum að fá þessi skipti þegar að þeim
kemur og ég sé fram á að við getum
áfram haldið úti góðu landsliði. Þegar
núverandi landsliðsmenn hætta þá er
þetta ekki búið þó svo að það geti orðið
einhver eðlilegur aðlögunartími. Við er-
um bundin því eins og staðan er núna að
þegar einn leikmaður dettur út þá er
næsti maður óreyndur. Það er bláköld
staðreynd í dag. Þess vegna reyni ég að
taka stráka sem eru að spila í deildinni
hér heima inn á landsliðsæfingar. Með
því að gefa þessum strákum smjörþefinn
af landsliðinu þá aukum við breiddina.
Nú er nýtt upphaf á góðum grunni.“
UNDIRBÚA ÞARF KYNSLÓÐASKIPTI AÐ MATI ARONS
„Nú er nýtt upphaf
á góðum grunni“