Morgunblaðið - 31.12.2012, Qupperneq 11

Vinafagnaður Julie Coadou segir að í Frakklandi sé fjölskyldan frekar saman yfir jólin en vinir yfir áramótin.
andi stað á lokaárinu. Hún dvaldi hér
einn vetur á námsstyrk og vann á Ís-
landi næstu sumur við ferða-
mennsku og tók á móti frönskum
ferðamönnum. Julie fluttist síðan
aftur til Frakklands og bjó þar í
nokkur ár en segist hafa saknað Ís-
lands of mikið og ákvað því að koma
aftur. Hún hefur nú átt íslenskan
mann í rúm tvö ár og þau halda jól og
áramót hátíðleg á fransk-íslenskan
hátt.
Kampavínið ómissandi
„Það vill svo skemmtilega til að
mágkona mín býr í París og er gift
Frakka. Það gætir því þónokkurra
franskra áhrifa hjá okkur í fjölskyld-
unni og sérstaklega í matargerð.
Innan um laufabrauðið og reyktan
lax má líka finna foie gras (anda-
lifrarkæfu) og aðlmáltíðin á jólunum
er önd með appelsínusósu. Tengda-
foreldrar mínir fara reglulega til
Parísar og koma þá heim með mat
en ég er líka mikil ostaáhugakona og
kem iðulega með ost heim,“ segir Ju-
lie og bætir við að eitt megi ekki
vanta á aðfangadags- og gamlárs-
kvöldi í Frakklandi og það sé alvöru
kampavín, ekki freyðivín.
Julie segir að í Frakklandi sé
fjölskyldan frekar saman yfir jólin
en vinir yfir áramótin. Fólk keppist
við að plana skemmtileg partí með
vinunum og farið sé að tala um slík
plön tveimur mánuðum fyrr.
„Hér á Íslandi safnar maður
fjölskyldunni saman en í Frakklandi
verður þú að skipuleggja eitthvað
með vinunum nema þú eigir lítil
börn. Þá er haldið stórt partí með
mat og dansi og maturinn er ekki
eins hefðbundinn og um jólin. For-
eldrar mínir hittu t.d. æskuvini sína í
mörg, mörg ár á gamlárskvöld. Þau
voru sex eða sjö pör búsett víða um
Frakkland sem skiptust á að skipu-
leggja hátíðahöldin og heimsækja
hvert annað. Ef boðið er stórt er
hefðin frekar sú að hafa hlaðborð en
klassíska þriggja rétta máltíð ef
færri eru samankomnir. Veitingahús
bjóða líka sérstakan matseðil og þá
er hægt að kaupa sér miða í mat og á
ball,“ segir Julie og bætir hlæjandi
við að í Frakklandi séu engir flug-
eldar nema á þjóðhátíðardeginum
14. júlí.
„Mér finnst flugeldarnir flottir
þó ég sé hálfhrædd við að fólk sé að
skjóta þeim upp hér og þar. Öllum
Frökkum sem hafa heimsótt mig yfir
áramótin hefur fundist mjög
skemmtilegt að sjá alla flugeldana,“
segir Julie.
DAGLEGT LÍF 11
MORGUNBLAÐIÐ MÁNUDAGUR 31. DESEMBER 2012
Senn er árið á enda og nýtt árgengur í garð. Á þessumtíma er algengt að fólk lítitil baka og geri upp líðna
tíma en horfi einnig fram á við og
setji sér markmið. Niðurstöður sál-
fræðirannsókna hafa varpað ljósi á
að mjög margir strengja svokölluð
áramótaheit en mikill meirihluti
þeirra stendur svo ekki við þau
markmið sem sett voru. Meðal þess
sem algengt er að fólk strengi ára-
mótaheit um er að hætta að reykja,
stunda meiri líkamsrækt, hollara
mataræði, spara peninga, draga úr
stressi og grennast.
En af hverju ætli svo margir nái
ekki að standa við hin fögru ára-
mótafyrirheit? Í fyrsta lagi kemur í
ljós að fólk setur sér gjarnan óskýr
og of almenn markmið. Markmið er
eitthvað sem keppt er að og ekki er
hægt að keppa að einhverju sem
ekki er skýrt hvað er. Dæmi um
óskýr áramótaheit er að „komast í
form“ eða „draga úr stressi“. Í stað
almennra og óskýrra markmiða er
betra að skilgreina nákvæmlega
hvað felst í því að ná settu marki.
Einnig er ekki síður nauðsynlegt að
skilgreina skýrt og greinilega áætl-
un um hvaða skref þarf að taka til að
ná settu markmiðiði, yfirleitt mörg
lítil skref yfir lengri tíma. Fólki
hættir til að gera mjög óljósar áætl-
anir um hvaða skref þarf að taka og
það dregur úr líkum á því að mark-
mið náist. Gott er að líta á slíka áætl-
un sem skýrar leiðbeiningar um
hvað þurfi að framkvæma í augna-
blikum daglegs lífs svo markmið ná-
ist.
Skýr markmið eru tilgangslaus ef
þau eru óraunhæf. Mikilvægt er að
skoða af skynsemi hvað raunhæft er
að framkvæma og setja sér markmið
í samræmi við það. Þegar fólk er innt
eftir útskýringu á því af hverju það
gerði ekki það sem það ætlaði og
vildi gera þá kenna flestir óþæg-
indum um: „Ég var bara í óstuði“ eða
„Ég var allt of þreyttur“ eða „Mig
langaði bara svo mikið í“. Hið eðlis-
læga viðbragð mannsins við óþæg-
indum er að reyna að losna við þau
en það vinnur oft gegn því að fólk nái
markmiðum sínum. Ástæðan er sú
að svo margt af því sem fólk veit að
er gott og skynsamlegt er einnig
óumflýjanlega óþægilegt að ein-
hverju marki. Í stað þess að draga úr
óþægindum er vænlegra til árangurs
að vinna að sátt um óþægindin og
beina athyglinni að því að fram-
kvæma skref í áttina að settu marki.
Þannig má hámarka líkur á því að ná
markmiðum, hvort sem er í formi
áramótaheita eða á öðrum tímum
ársins.Með ósk um farsælt nýtt ár.
Heilræði um
áramótaheit
Heilsustöðin
Haukur Sigurðsson
sálfræðingur
 www.heilsustodin.is
Áramótaheitin Beint í mark.
Kaupfélag Skagfirðinga óskar starfsfólki,
félagsmönnum, viðskiptavinum
svo og landsmönnum öllum
velfarnaðar á nýju ári.
Þökkum viðskiptin
á árinu sem er að líða.
Kaupfélag Skagfirðinga