Morgunblaðið - 22.02.2013, Side 20

20 FRÉTTIRInnlent
MORGUNBLAÐIÐ FÖSTUDAGUR 22. FEBRÚAR 2013
–– Meira fyrir lesendur
Morgunblaðið gefur út sérblað,
fimmtudaginn 28. febrúar,
tileinkað ÍMARK deginum.
Í blaðinu verður fjallað um
íslenska markaðsdaginn
sem verður haldinn
þann 1. mars n.k.
PÖNTUNARTÍMI AUGLÝSINGA:
Fyrir kl. 16, föstudaginn
22. febrúar.
NÁNARI UPPLÝSINGAR
GEFUR:
Katrín Theódórsdóttir
Sími: 569 1105
kata@mbl.is
ÍMARK íslenski
markaðsdagurinn
„Það versta er að Jón Ásgeir hefur í
nokkur skipti að undanförnu reynt
með ósmekklegum hætti, að því er
mér finnst, að setja þrýsting á blaða-
menn með því að koma umkvört-
unum, vegna sannra og löglegra
frétta um hann, félög sem hann
tengist og dómsmál er hann tengist
persónulega, til stjórnar fyrirtæk-
isins og æðstu stjórnenda,“ skrifar
Magnús Halldórsson, viðskipta-
fréttastjóri Stöðvar2 og Vísi, í við-
horfsgrein á vef Vísis í gær.
„Svo virðist sem Jóni Ásgeiri finn-
ist þetta eðlilegt, þar sem þetta hef-
ur ítrekað gerst, en í ljósi þess að
hann er nátengdur eignarhaldi fyrir-
tækisins, sem eiginkona hans er
skráð fyrir sem stærsti eigandi og
jafnframt stjórnarformaður, þá ætti
hann að hugsa sig tvisvar um áður
en þetta er gert.
Hann má þetta, kannski í hans
huga af því að hann eða hans kona á
þetta, en það er ekki þar með sagt að
þetta sé góð venja, heiðarlegt eða
viðeigandi. Síður en svo. Mér finnst
þetta ósmekkleg leið til umkvört-
unar sem erfitt er að átta sig á hvað
á að þýða. Stjórn 365 hefur ekkert
með ritstjórnarvinnu fyrirtækisins
að gera, og á ekki að hafa nein áhrif
á þá vinnu, samkvæmt prinsippum
blaðamennskunar og grundvallar-
hugmyndinni um sjálfstæði rit-
stjórna. Ekki undir neinum kring-
umstæðum, jafnvel þótt stjórn 365
sé æðsta vald fyrirtækisins sem rek-
ur ritstjórnarvinnuna ásamt annarri
starfsemi,“ skrifar Magnús m.a.
Magnús gaf ekki kost á viðtali og
þá náðist ekki í Jón Ásgeir.
Velja trausta blaðamenn
Freyr Einarsson, ritstjóri Vísis og
fréttastofu Stöðvar 2, segir af og frá
að Jón Ásgeir setji þrýsting á blaða-
menn um tiltekin efnistök.
„Ég hef stýrt þessum miðlum síð-
an í maí 2010 og á þeim tíma hefur
það tíðkast að við sem stýrum þess-
um fréttamiðlum veljum trausta
blaðamenn sem við vitum að standa í
lappirnar gagnvart því sem við erum
að fjalla um. Aldrei hef ég nokkurn
tímann stoppað eða breytt frétt á
fréttastofu Stöðvar 2. Við stöðvum
ekki fréttir nema þær séu algerlega
rangar og ég hef aldrei þurft að gera
það. Það getur hver einasti vakt-
stjóri staðfest að það er enginn sem
andar ofan í hálsmálið á blaðamönn-
um,“ segir Freyr og heldur áfram.
Hefur aldrei sett þrýsting
„Jón Ásgeir er ekki að þrýsta á
blaðamenn eða ritstjórn. Ég á engin
samskipti við hann um fréttir á mín-
um miðlum. Eins og ég skil skrif
Magnúsar gerir hann athugasemd
við það að Jón Ásgeir hafi einhvern
tímann óskað eftir því að fá að segja
álit sitt á tilteknu efni. Það sem
Magnús er að fjalla um beinist ekki
að þeim miðlum sem ég stýri.
Magnús er að ræða athugasemd
frá stjórnarmanni 365 þess efnis að
hans sjónarmið hafi ekki verið reifað
í frétt. Það er þá vitnað í almennar
siðareglur blaðamanna sem ganga
út á það að ef einn kemur með sjón-
armið fái hinn aðilinn tækifæri til að
svara.“
Greinin komið „mikið á óvart“
Ari Edwald, forstjóri 365 miðla,
sagði skrif Magnúsar koma sér í
opna skjöldu. „Ég verð að segja að
mér kemur þessi grein og innihald
hennar afskaplega mikið á óvart. Ég
kannast ekki við neinar kvartanir
frá yfirmönnum þessa manns um að
þessar fréttastofur séu beittar
þrýstingi eða fái upplýsingar um að
hann hafi kvartað við þá um að hafa
orðið fyrir einhverjum slíkum þrýst-
ingi,“ segir Ari en nánar er rætt við
hann á fréttavef Morgunblaðsins.
Gagnrýnir afskipti
Jóns Ásgeirs af 365
Jón Ásgeir
Jóhannesson
Magnús
Halldórsson
 Viðskiptaritstjóri Stöðvar 2 tjáir sig
Egill Ólafsson
egol@mbl.is
Katrín Júlíusdóttir fjármálaráðherra
sagði á Alþingi í gær í umræðum um
verðtryggingu, að hún væri tilbúin til
að skoða hvort til greina kæmi að setja
þak á verðtryggingu nýrra húsnæð-
islána.
Gunnar Bragi Sveinsson, formaður
þingflokks Framsóknarflokksins, ósk-
aði eftir umræðu um álit fram-
kvæmdastjórnar ESB um að verð-
tryggð lán væru ólögleg. Hann sagði
að miðað við þetta álit væri ekki hægt
að draga aðra ályktun en að verð-
tryggð húsnæðislán hér á landi væru
ekki í samræmi við reglugerðir ESB
um neytendalán. Aðferðafræðin sem
viðhöfð hefði verið hér á landi við lán-
veitingar verðtryggða lána uppfyllti
ekki kröfur löggjafar ESB í þessum
efnum.
Ráðuneytið fer yfir álitið
Katrín sagði að ráðuneytið væri að
fara yfir þetta álit framkvæmda-
stjórnar ESB. Hún sagði erfitt að
draga víðtækar ályktanir úr þessu
bréfi og benti á að í því væri tekið fram
að ekki væri um bindandi álit að ræða.
„Samkvæmt neytendalánatilskipun
Evrópusambandsins á að taka verð-
bólgu eins og hún er á þeim tíma með í
útreikning á heildarlántökukostnaði
vegna lána sem falla undir tilskip-
unina og þar af leiðandi einnig á ár-
legri hlutfallstölu kostnaðar. Miða
skal við að verðbólga haldist óbreytt
út lánstímann. Í bréfinu er tekið fram
að samkvæmt tilskipuninni um órétt-
mæta skilmála frá 1993 sé verðtrygg-
ing heimil, en kveðið er á um að neyt-
anda skuli kynntir lánaskilmálar
tímanlega og þeir skýrðir með verði
og helstu einkennum. Skilmálar skulu
vera skýrir og á skiljanlegu máli og
það felur m.a. í sér að vísitölutrygging
skal útskýrð sérstaklega,“ sagði Katr-
ín.
Hún sagði að í nýju frumvarpi um
neytendalán sem lægi fyrir þingi
væru kröfur hertar og m.a. myndi
þessi nýja löggjöf ná til lánveitinga
Íbúðalánasjóðs. Katrín sagði rétt að
lánveitendur sem lánuðu verðtryggð
lán til 40 ára hefðu ekki birt spá um
verðbólgu út lánstímann, kannski
vegna þess að þeir hefðu óttast að
vera sakaðir um að tala niður gjald-
miðilinn í landinu ef þeir gerðu það.
Það væri hins vegar kominn tími til
að segja neytendum satt varðandi
gengi gjaldmiðilsins.
Auðveldara með ný lán
„Varðandi þá spurningu hvort eitt-
hvað hafi gerst nú sem kalli á bein
inngrip í gildandi lánaskilmála, t.d.
með þaksetningu á verðtryggingu, þá
er því til að svara að þetta er auðvitað
mjög skammur fyrirvari og við þurf-
um að fara vel yfir alla þessa þætti og
ég er tilbúin til að gera það. Það er
auðveldara að gera þetta með ný lán
en flóknara varðandi núgildandi lán,
en við förum vandlega yfir það,“
sagði Katrín.
Allir þingmenn sem tjáðu sig í um-
ræðunni sögðust vilja afnema verð-
tryggingu, en ekki var full samstaða
um hvaða leiðir ætti að fara til þess að
ná þessu markmiði. Samfylkingar-
menn sögðu að það yrði ekki gert
nema taka upp annan gjaldmiðil.
Guðlaugur Þór Þórðarson sagði
samfylkingarmenn haldna „sértrú“
og að sú sértrú myndi ekki nýtast
heimilunum í landinu.
Margrét Tryggvadóttir tók undir
að gjaldmiðillinn væri „handónýtur“,
en hún gagnrýndi einnig harðlega
hvernig ríkisstjórnin hefði haldið á
málum frá hruni og vísað fátæku fólki
á dómstólana frekar en að taka á
vandanum.
Lilja Mósesdóttir sagði að engin
þjóð í heiminum hefði farið í gegnum
fjármálakreppu án þess að leyfa
verðbólguskoti, sem alltaf fylgdi
banka- og gengishruni, að éta upp
verðmæti lána. Krafan um almenna
leiðréttingu lána hefði gengið styttra
því hún hefði fjallað um að lánveit-
endur og lántakendur deildu með sér
kostnaði við verðbólguskotið. Ríkis-
stjórnin hefði hins vegar ekki einu
sinni treyst sér til að ganga svo langt,
heldur vísað fólki á dómstóla. Margir
sem tóku gengisbundin lán hefðu
orðið gjaldþrota vegna lána sem síðar
hefði komið í ljós að voru ólögleg.
Gunnar Bragi gagnrýndi orð
þeirra sem töluðu fyrir upptöku evru.
Hann sagði að „evrusnuðið sem Sam-
fylkingin vildi stinga upp í heimilin
væri orðið tætt og illa lyktandi“.
Tilbúin að skoða þak
á verðtryggingu
 „Evrusnuðið“ orðið tætt og illa lyktandi segir þingmaður
Framsóknarflokksins  Fátæku fólki vísað á dómstólana
Morgunblaðið/Eggert
Alþingi Katrín Júlíusdóttir fjármálaráðherra sagði í umræðum í gær að erf-
itt væri að draga víðtækar ályktanir af áliti framkvæmdastjórnar ESB.