Morgunblaðið - Sunnudagur - 10.02.2013, Qupperneq 2

2 MORGUNBLAÐIÐ SUNNUDAGUR 10.2. 2013
Í blaðinu í dag kynnumst við
fjölda fólks að vanda. Blaðið hefur
að geyma viðtöl við fallhlífar-
stökkvara, við þungarokkssöngv-
ara, framkvæmdastjóra og eldri
borgara.
Þegar við heyrum upptalningu
á svona titlum koma gjarnan
ákveðnar myndir í kollinn, steríó-
týpur af fólki sem falla að hug-
myndum okkar um tiltekna hópa.
Hvað dettur lesendum í hug
þegar orðið þungarokkari heyr-
ist? Snöggklipptur kennari á leik-
skóla og tveggja barna faðir er
kannski ekki alveg það sem kemur
fyrst upp í hugann eða hvað? Sú
lýsing er þó ekki fjarri lagi þegar
Björgvin Sigurðsson, söngvari
Skálmaldar, á í hlut en hann lýsir
degi í lífi sínu fyrir lesendum.
Getur virðulegur framkvæmda-
stjóri í fiskeldi verið einlægur og
sagt frá erfiðri persónulegri
reynslu? Já, það gerir Eyþór Eyj-
ólfsson í viðtali í blaðinu þar sem
hann lýsir upplifun sinni af því að
vera samkynhneigður í Japan og á
Íslandi og greinir frá átakanlegri
reynslu sinni af því að missa
maka. Eyþór dregur ekkert und-
an og er auðmjúkur gagnvart
sorginni sem hann segir að verði
ekki flúin.
Flugmannspróf, próf í nætur-
fallhlífarstökki og snjóbrettaferð
er meðal þess sem er framundan
hjá Maríu Birtu Bjarnadóttur
leikkonu sem vakið hefur athygli
fyrir leik sinn í kvikmyndum á
borð við Óróa og Svartur á leik, en
fyrir hlutverk í þeirri síðarnefndu
er hún tilnefnd til Edduverðlauna.
Nú má sjá hana á hvíta tjaldinu í
myndinni XL.
Eldri borgarinn sem nefndur
var í upphafi er 82 ára og tilefni
viðtalsins er að ræða útihlaup,
sem sá stundar sex sinnum í viku.
Stundum er gott að hvíla eigin
hugmyndir um annað fólk … og
lesa bara blöðin!
RABBIÐ
Hugmyndir og veruleiki
Eyrún Magnúsdóttir
Silfur hafsins skipti þjóðarbúið gríðarlega miklu á síldarárunum sem svo eru kölluð, og gerir vitaskuld enn. Síldarævintýrið hið síðasta er þó ekki sérlega
vinsælt eins og gefur að skilja og þátttakendur hefðu allir gjarnan viljað vera án þess. Meðal þeirra eru hjónin Guðrún Lilja Arnórsdóttir og Bjarni Sigur-
björnsson, bændur á Eiði í Kolgrafafirði, sem standa þarna í fjörunni neðan við bæinn umlukinn hinum óboðnu gestum. Talið er að alls hafi um 50.000
tonn síldar drepist í firðinum síðan um miðjan desember, þegar heilu torfurnar hófu af einhverjum ástæðum að synda upp í fjöru. Bjarni sagði við Morg-
unblaðið eftir síðustu helgi að sjórinn hefði verið þungur af síld, þegar hann fylgdist með því, þegar fjara fór út að morgni dags. „Sjórinn var þungur af
síld. Öldurnar sem komu inn voru bara síld,“ sagði hann. Lyktin er ekki sögð við allra hæfi en hefur þó lokkað að mikinn fugl sem vill gæða sér á síldinni.
AUGNABLIKIÐ
Morgunblaðið/RAX
SÍLDARÆVINTÝRI
ALLT AÐ 90 ÞÚSUND FUGLAR HAFA FLYKKST INN Á SUNNANVERÐAN BREIÐAFJÖRÐ UPP Á SÍÐKASTIÐ VEGNA
MIKILS FRAMBOÐS Á FÆÐU ÞAR UM SLÓÐIR. ÞAR ER NÚ Í BOÐI STÆRRA SÍLDARHLAÐBORÐ EN SÖGUR FARA AF.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað? Tónleikar í
Hofi á Akureyri.
Hvenær? Sunnudag
kl. 16.00.
Nánar: Sinf́óníu-
hljómsveit Norður-
lands og nemendur Óperudeildar Söng-
skóla Sigurðar Demetz og Tónlistar-
skólans á Akureyri flytja þætti úr
tveimur óperum Bellinis. Hljómsveitar-
stjóri Guðmundur Óli Gunnarsson.
Bellini í Hofi
Hvað? Tónleikar.
Hvar? Rósenberg.
Hvenær? Laugardag
kl. 21.00.
Nánar: Anna Mjöll
ásamt Luca Ellis, öðr-
um vinsælum söngvara í Los Angeles.
Anna Mjöll á Rósenberg
Í fókus
VIÐBURÐIR HELGARINNAR
Hvað? Afmælis- og útgáfutónleikar.
Hvar? Fríkirkjan í Reykjavík.
Hvenær? Laugardag kl. 20.
Nánar: Egill Ólafsson og Finnsk-íslenska
vetrarbandalagið flytja lög af nýjustu
plötu Egils, auk þess sem Diddú og Ragga
Gísla flytja með honum þekkt lög.
Egill Ólafsson sextugur
Hvað? Haukar - FH.
Hvar? Schenker-
höllinn á Ásvöllum.
Hvenær? Laugardag
kl. 15.00.
Nánar: Hafnarfjarð-
arliðin eru í tveimur
efstu sætum N1-deildar karla á Íslands-
mótinu í handbolta.
Hafnafjarðarslagur
Hvað? Kammertónleikar.
Hvar? Salurinn í Kópavogi.
Hvenær? Laugard. 17 og sunnud. 14.
Nánar: Ari Þór Vilhjálmsson, Sigurgeir
Agnarsson og Nína Margrét Gríms-
dóttir leika þrjú verk Mendelssohns.
Mendelssohn í Tíbrá
Hvað? Útgáfutónleikar Skálmaldar.
Hvar? Háskólabíó.
Hvenær? Laugardag kl. 20.
Nánar: Skálmöld gaf út plötuna Börn
Loka í haust. Tónleikar í Hofi á Akureyri
um síðustu helgi þóttu frábærir.
Rammíslenskt rokk
* Forsíðumyndina tók Golli.