Morgunblaðið - Sunnudagur - 10.02.2013, Blaðsíða 46

46 MORGUNBLAÐIÐ SUNNUDAGUR 10.2. 2013
Viðtal
Þ
ví miður eru klukkutímarnir í sól-
arhringnum mínum aðeins 24, en
ef einhver á auka klukkustundir
fyrir mig þá auglýsi ég hér með
eftir þeim,“ segir María Birta
Bjarnadóttir, verslunareigandi Maniu, leik-
kona og þúsundþjalasmiður sem lætur ekk-
ert stoppa sig. Það er ekkert orðum aukið að
María sé kraftmikil kona en næstu dagar og
mánuðir, jafnvel árið sem nánast er nýhafið
er planað.
„Ég er að fara í snjóbrettaferð til Noregs
í lok þessa mánaðar, svo til Flórída í fallhlíf-
arstökkferð í mars og fer þaðan til Los Ang-
eles og verð í þrjár vikur svo eitthvað sé
nefnt. Ég mun ferðast mikið á þessu ári, en
ég ætla að reyna mitt allra besta að finna
tíma til að fljúga meira. Mig langar að klára
einkaflugmannsréttindin í ár. Ásamt því mun
ég taka mótorhjólaprófið í vor og nætur-
stökksréttindin í fallhlífarstökkinu ásamt svo
mörgu öðru.“
María Birta er fædd árið 1988 og uppalin í
Vesturbænum og gekk í Grandaskóla þangað
til hún var 12 ára gömul. Þá flutti hún í
Grafarvog og fór síðan í Menntaskólann við
Hamrahlíð.
Hún sló í gegn í unglingamyndinni Óróa,
varð stjarna í Svartur á leik þar sem hún er
tilnefnd til Eddunar fyrir leik sinn og er
núna í kvikmyndahúsum í myndinni XL.
Hún opnaði búðina Maníu ung að árum og
hefur lengi verið áberandi í íslensku þjóð-
félagi. María Birta er dóttir Bjarna Friðriks-
sonar og Sigurlaugar Halldórsdóttur en
stjúpi hennar er Pálmi Gestsson.
Meðframleiðandi
að nýjustu myndinni
María Birta birtist landsmönnum nú sem
Æsa í myndinni XL. Hún leikur ekki aðeins
í myndinni því hún er einnig meðframleið-
andi. „Ég hef ekki prófað það áður,“ segir
hún og hlær, en eins og margir vita er
María Birta ekki sérlega bangin við að prófa
eitthvað nýtt. „XL var flókin mynd, flókinn
karakter og lítill undirbúningstími. Ég leik
þarna mjög brotna stúlku og var þarna í
nokkrum mjög erfiðum senum sem tóku á.“
Hlutverk Dagnýjar í Svartur á leik tók
líka talsvert á en þar túlkar María Birta
stúlku sem er á kafi í heimi fíkniefna.
„Ég er engan veginn sæta stelpan í öllum
þessum myndum sem ég hef leikið í og er
sannfærð um að komandi hlutverk munu
færa mér allt aðra karaktera að fást við og
nýja reynslu, en mér finnst ég hingað til
hafa verið mjög heppin að vera einmitt ekki
að festast í einhverju einu hlutverki.“
Hún hins vegar vill ekkert gefa upp um
komandi verkefni. „Ég er að skoða svona
hitt og þetta en ekkert sem ég get rætt að
svo stöddu,“ segir María Birta.
Kringlan og kvartanir
Um jólin kom fjöldi frétta af Maríu Birtu,
fataverslun hennar Maníu, og baráttunni við
Kringluna. María Birta segir að hún hafi far-
ið inn í Kringluna í algjörri neyð þegar það
kviknaði í húsnæði verslunarinnar á Lauga-
veginum. „Mér bauðst þarna húsnæði til af-
Alltaf verið orkubolti
MARÍA BIRTA BJARNADÓTTIR HEFUR
UPPLIFAÐ MEIRA EN MARGIR ÞRÁTT
FYRIR AÐ VERA AÐEINS 24 ÁRA.
HÚN ER TILNEFND TIL EDDUVERÐ-
LAUNANNA OG ÁFORMAR FREKARI
LEIKSIGRA Í BLAND VIÐ SNJÓ-
BRETTAFERÐIR, MÓTORHJÓLAPRÓF,
HREINDÝRAVEIÐAR OG FLUG-
MANNSPRÓF.
Benedikt Bóas benedikt@mbl.is
María Birta lék í djörfum senum í Svartur
á leik. Hún veigrar sér ekki við nýjum
áskorunum í lífinu og er að skoða fleiri
kvikmyndahlutverk þótt hún vilji ekki gefa
neitt uppi að svo stöddu.
Morgunblaðið/Golli