Morgunblaðið - Sunnudagur - 10.03.2013, Qupperneq 53

Þórir við eina myndina á sýningunni, sem hann tók á barnaheimili í Kirgistan þar sem aðstæður
voru hræðilegar. Fjórðungur barnanna lét lífið á hverju ári og heimilið var ekki hitað upp á veturna.
Morgunblaðið/Ómar
Ljósmynd/Þórir Guðmundsson
Asíulýðvelda gömlu Sovétríkjanna árið 1996.
Rúmur helmingur myndanna sem ég sýni er
þaðan, frá Kasakstan, Túrkmenistan, Kirg-
istan, Tadsjikistan og Úsbekistan.
Við bjuggum þarna fjölskyldan í tvö ár,
þar sem ég vann á svæðisskriftofu Rauða
krossins. Þetta var á umbyltingartímunum
eftir fall Sovétríkjanna og þessi lönd urðu
fyrir efnahagshruni sem var ekkert í líkingu
við það sem við upplifðum; þetta var raun-
verulegt hrun þar sem meðalaldur íbúanna
lækkaði um átta ár á fáeinum árum, því allri
félagsþjónustu var kippt úr sambandi. Starf
mitt var að kynnast þessum hræðilegu að-
stæðum og segja frá þeim. Ljósmyndunin
varð mikilvægur hluti af þeirri miðlun.
Við uppgötvuðum staði sem voru hræði-
legri en orð fá lýst. Dramatískasta myndin
er frá barnaheimili í Kirgistan þar sem
fjórðungur barnanna lét lífið á hverju ári;
fólkið kunni ekki að sjá um börnin og heim-
ilið var ekki einu sinni hitað upp á veturna.“
Aðrar myndir á sýningunni eru frá Asíu,
þar sem Þórir starfaði í tæp tvö ár, meðal
annars af flóðum í Kína og frá Norður-
Kóreu. „Ég var sendur þangað sem hamfarir
voru í gangi, flóð, jarðskjálftar eða fellibyljir.
Loks er um fjórðungur myndanna frá Afr-
íku en þar hef ég helst verið undanfarin ár,
eftir að ég flutti heim til Íslands því verkefni
okkar eru mest í Afríku,“ segir hann.
Erla Svava
Sigurðar-
dóttir,
hjúkrunar-
fræðingur og
sendifulltrúi
Rauða kross-
ins, hjúkrar
nýfæddu
barni á Haítí.
10.3. 2013 MORGUNBLAÐIÐ SUNNUDAGUR 53
Á sunnudag klukkan 14
verður Rakel Péturs-
dóttir safnafræðingur með
leiðsögn um athyglisverðar
sýningar sem nú standa yfir í Lista-
safni Íslands. Fjallar hún um verk
danskra listamanna á 19. öld og er-
lenda áhrifavalda á íslenska myndlist.
2
Nemendur í níunda og tí-
unda bekk Ölduselsskóla
sýna þessa dagana í skól-
anum nýtt, fyndið og líflegt
leikverk, „Einu sinni var sem er“.
Leikstjóri og höfundur er Baldvin Al-
bertsson og semur Halli Reynis
stóran hluta tónlistarinnar. Sýnt er
laugardag og sunnudag kl. 14 og 17.
4
Aukasýningar á leikritinu
Hjartaspöðum verða í
Gaflaraleikhúsinu í Hafnar-
firði á sunnudag klukkan 18
og 20. Taka margir því eflaust fagn-
andi, því sýningin, sem er leikin með
heilgrímum og án orða, hefur fengið
afar góðar viðtökur.
5
Lúðrasveit verkalýðsins
heldur upp á það með tón-
leikum í Ráðhúsi Reykjavíkur
á sunnudag klukkan 14, að
sextíu ár eru frá stofnun sveitarinnar.
Efnisskráin er helguð dansi og að-
gangur ókeypis. Óhætt er að mæla
með tónleikunum fyrir alla áhuga-
menn um dansmenntir og vel æfðan
hornablástur.
3
Bíó Paradís við Hverfisgötu og
klúbburinn Svartir sunnudagar
standa fyrir Hitchcock-hátíð
um helgina. Á laugardagskvöld
er kvikmyndin Vertigo sýnd og
Psycho á sunnudagskvöldið. Sýning-
arnar hefjast klukkan 20.
MÆLT MEÐ
1
Tvær sýningar verða opnaðar í sölum Lista-
safns Árnesinga í Hveragerði í dag, laugar-
dag, klukkan 15. Á sýningunni Til sjávar og
sveita má sjá verk eftir Gunnlaug Scheving
(1904-1972) en hin nefnist Slangur(-y) og á
henni eru ljósmyndir sem sýna graffití-verk
sem listakonan Sara Riel vann víða um land
árið 2006 og hafa verkin aldrei verið sýnd
saman áður.
Í ár er því haldið á lofti að fimmtíu ár eru
liðin síðan vegleg málverkagjöf Bjarnveigar
Bjarnadóttur og sona hennar, Lofts og
Bjarna Markúsar Jóhannessona, lagði grunn-
inn að Listasafni Árnesinga. Bjarnveig lagði
áherslu á fræðslu- og upplifunargildi sýninga
og er það haft í huga við uppsetningu þess-
ara tveggja nýju sýninga.
Til sjávar og sveita er fyrsta sýningin af
þremur í samstarfsverkefni safnsins, Lista-
safns Íslands og Listasafns Hornafjarðar,
þar sem kynnt eru ákveðin tímabil og stefn-
ur í íslenskri myndlist. Þar eru verk Gunn-
laugs tekin fyrir en verk eftir hann voru í
stofngjöfinni fyrir hálfri öld. Í verkum Gunn-
laugs var landslagið ekki lengur í miðju, eins
og hjá forverum hans, heldur urðu maðurinn
og vinnan hin nýju viðmið. Nokkur flennistór
verk eru á sýningunni, auk annarra minni,
og koma öll frá Listasafni Íslands.
Á sýningu Söru Riel kveður við annan tón
en verk sem hún vinnur víða utan dyra í
borgum hafa vakið athygli. Hér getur að líta
graffití sem Sara vann á yfirgefin hús úti um
land og gerði tilraunir með leturtýpur og liti.
Einnig leitaðist hún við að ná fram þeirri til-
finningu sem inntak orðanna fól í sér; verkið
„Lousy“ vísar þannig bæði til lélegs ástands
hússins sem það er málað á og þeirrar til-
finningar sem niðurníðslan vekur. efi@mbl.is
MYNDVERK EFTIR ÓLÍKA EN ATHYGLISVERÐA LISTAMENN SÝND Í HVERAGERÐI
Verkamenn og graffití
TALA MÁ UM STEFNUMÓT
TVEGGJA TÍMA Í SÝNINGUM SEM
OPNA Í LISTASAFNI ÁRNESINGA,
MEÐ VERKUM GUNNLAUGS
SCHEVING OG SÖRU RIEL.
Eitt verkanna á sýningunni sem sýnir graffití Söru Riel, Happy Go Lucky.
Gunnlaugur Scheving: Hákarlinn tekinn inn.