Morgunblaðið - Sunnudagur - 14.04.2013, Blaðsíða 18

18 MORGUNBLAÐIÐ SUNNUDAGUR 14.4. 2013
Ferðalög og flakk
É
g öðlaðist ómetanlega
reynslu meðan á þessu
verkefni stóð og varð um
leið ástfangin af landi og
þjóð. Indverjar eru yndislegt fólk
og ekki síður tíbetsku flóttamenn-
irnir sem við hittum. Þessi ferð var
einstaklega nærandi fyrir sálina.“
Þetta segir Signý Ásta Guð-
mundsdóttir læknanemi sem var
tæpan mánuð við læknisstörf í hlíð-
um Himalaja-fjalla fyrir skemmstu.
Sjötta árs nemar í læknisfræði í
Háskóla Íslands fá tólf vikur í val
og eru hvattir til að fara út fyrir
þægindarammann, eins og Signý
orðar það. Ekki þurfti að segja
henni það tvisvar. „Ég skoðaði
heimskortið og langaði mest að fara
til Asíu,“ segir Signý sem brimaði á
öldum netsins ásamt tveimur vin-
konum sínum úr náminu, Rögnu Sif
Árnadóttur og Valgerði Þorsteins-
dóttur. Þar fundu þær samtökin Hi-
malayan Health Exchange sem
standa reglulega fyrir ókeypis
læknisþjónustu í hlíðum hæsta fjall-
garðs í heimi, Himalaja. Þær fengu
strax jákvæð svör og frá því var
gengið að þær færu utan í byrjun
febrúar síðastliðins. Signý hélt
raunar af landi brott á nýársnótt en
hún var við læknastörf á eyjunni
Borneó í einn mánuð. Sú dvöl stóðst
á engan hátt samanburð við Hi-
malaja.
Á sumarkjól í kuldanum
Frá Borneó flaug Signý til Delí á
Indlandi til að hitta vinkonur sínar.
Ekki tókst betur til en svo að ferða-
taskan hennar týndist með öllum
fjallaklæðnaði og -búnaði. „Það var
hræðilega vandræðalegt að standa
þarna á sumarkjól og sandölum og
vera á leið í kuldann uppi á fjöll-
um,“ segir Signý og hlær við til-
hugsunina. Henni var þó síst af öllu
hlátur í huga á þeim tímapunkti
enda ferðin í uppnámi.
Flogið var norður í land til Chan-
digarh, þaðan sem ekið var til Bi-
laspur, þar sem stöllurnar hittu
aðra í teyminu, sextán læknanema á
lokaári og sex lækna, flesta frá
Bandaríkjunum. Signýju leist ekk-
ert á blikuna, íklædd föðurlandi
sem hún fékk að láni frá vinkonu
sinni. Til að bæta gráu ofan á svart
hafði farsímanum hennar verið stol-
ið á Borneó og gekk henni fyrir vik-
ið erfiðlega að láta vita af sér heima
á Íslandi. „Mömmu og pabba hefur
örugglega verið hætt að standa á
sama.“
En þegar neyðin er stærst er
hjálpin næst og á sjötta degi, rétt
áður en lagt var í hann upp Hi-
malaja, skilaði taskan sér. „Þvílíkur
léttir!“
Harðgert fólk
Allt var klárt og ferðin hófst með
ökuferð fjarri mannabyggðum. Hi-
malayan Health Exchange setur
upp farandtjaldbúðir á ýmsum stöð-
um í fjallgarðinum fyrir nærliggj-
andi byggðir. Koma læknanna er
auglýst með góðum fyrirvara enda
þurfa flestir að fara langan veg til
að færa sér þjónustuna í nyt. Langt
er á næsta spítala en þangað leitar
fólk yfirleitt ekki nema í sárri neyð.
„Það er mjög harðgert fólk sem býr
í Himalaja-fjöllum,“ segir Signý og
bætir við að flestir sem til þeirra
komu hafi verið með svipaða kvilla
og fólk sem leitar á heilsugæslu-
stöðvar hér á landi. Á því voru þó
undantekningar en Signý sá meðal
annars fólk með berkla, holdsveiki
og húðkrabbamein á lokastigi. Þá
var talsvert um ský á augasteini og
sjúkdóma sem stafa af háþrýstingi.
Settar voru upp sextán búðir á 25
dögum og teymið sinnti samtals
2.738 manns. Hæst var farið í rúm-
lega 2.000 metra hæð. Langar raðir
mynduðust víðast hvar og dáðist
Signý að þolinmæði fólksins. „Eitt-
hvað hefði heyrst hérna heima,“
segir hún hlæjandi.
Hún segir þakklæti hafa skinið úr
hverju andliti. Tjáskipti gengu
ágætlega, flestir sjúklingarnir töl-
uðu hindi sem læknarnir skildu að
vonum ekki. Ekki voru sérstakir
túlkar með í ferðinni en bílstjórar
læknateymisins sáu um þá hlið
mála. Signý kveðst fljótlega hafa
lært nokkur lykilorð í hindi og svo
var það bara gamla góða táknmálið.
„Það var mikið um leikræn tilþrif,
stundum leið mér eins og ég væri
að spila Actionary.“
Á hundruðum ljósmynda
Vesturlandabúar eru ekki á hverj-
um steini í Himalaja-fjöllunum, allra
síst ljóshærðar konur, og Signý
segir heimamenn hafa ljósmyndað
sig grimmt. „Ég er á hundruðum
myndavélasíma í Himalaja, ef ekki
þúsundum.“
Kokkar fylgdu hópnum og elduðu
ofan í hann. „Maturinn var geggj-
aður,“ segir Signý, dreymin á svip.
„Ekki er óalgengt að fólk fái maga-
kveisur á svona framandi slóðum en
við sluppum algjörlega við það.
Maturinn var eins og á besta hóteli
og við rúlluðum eiginlega bara nið-
ur fjallið aftur.“
Ekki voru guðaveigarnar síðri.
„Bjórinn var rosalega góður – og
fáránlega ódýr,“ segir Signý og flýt-
ir sér að bæta við að hans hafi ver-
ið neytt í miklu hófi. „Maður verður
nú stundum að fá að slaka á eftir
langan vinnudag!“
Svo var það teið. Það var kapítuli
út af fyrir sig. „Þarna er drukkið
heimsins besta te,“ fullyrðir Signý
sem tók ýmsar tegundir heim með
sér.
Mikil náttúrufegurð
Hópurinn náði aðeins að skoða sig
um á leið milli tjaldbúða og Signý
segir náttúrufegurðina mikla í
LÆKNANEMI Á FERÐ Í HIMALAJA-FJÖLLUM
Nærandi
fyrir sálina
SIGNÝ ÁSTA GUÐMUNDSDÓTTIR, LÆKNANEMI Á LOKAÁRI,
FÓR EKKI TROÐNAR SLÓÐIR ÞEGAR HÚN HÉLT TIL HI-
MALAJA-FJALLA EFTIR ÁRAMÓTIN TIL AÐ ANNAST SJÚKA.
HÚN STEFNIR SKÓNUM AFTUR ÞANGAÐ Í SUMAR.
Orri Páll Ormarsson orri@mbl.is
Skráning á
joninaben@nordichealth.is
og í síma 8224844
Detox meðferð með Jónínu Ben íþróttafræðingi
og Ívari Haukssyni einkaþjálfara og golfkennara.
Þau hafa tekið höndum saman og bjóða nú lúxus
heilsu- og golfsumarfrí á Hótel Fairplay, Spáni.
Meðferðin byggir á þekkingu og reynslu beggja
og markmiðið er að slá tvær „kúlur“ í einu höggi.