Morgunblaðið - 07.06.2013, Blaðsíða 16

16 FRÉTTIRInnlent
MORGUNBLAÐIÐ FÖSTUDAGUR 7. JÚNÍ 2013
SVIÐSLJÓS
Skúli Hansen
skulih@mbl.is
Ólafur Ragnar Grímsson, forseti
Íslands, setti sumarþingið í gær. Í
ávarpi sínu lagði hann áherslu á
að alþingiskosningarnar hefðu
skilað mikilvægum boðskap um
stjórnarskrá landsins og jafnframt
skýrri niðurstöðu um framtíð-
arskipan íslenska lýðveldisins.
Sagði hann afgerandi meirihluta
þingmanna bundna heiti um að
hagsmunum Íslands væri betur
borgið utan Evrópusambandsins.
Viðræðurnar gengið hægt
Benti Ólafur Ragnar á að
aðildarviðræðurnar hefðu gengið
afar hægt fyrir sig og að síðasta
kjörtímabili hefði lokið án þess að
hreyft hefði verið við þeim efn-
isþáttum sem skipta þjóðina
mestu máli. „Þessi atburðarás og
reyndar líka viðræður mínar við
fjölmarga evrópska áhrifamenn
hafa sannfært mig um að þrátt
fyrir vinsamlegar yfirlýsingar sé í
raun ekki ríkur áhugi hjá Evrópu-
sambandinu á því að ljúka á næstu
árum viðræðum við okkur,“ sagði
Ólafur Ragnar í ávarpi sínu. Þá
benti hann jafnframt á að norræn
lýðræðisþjóð [Noregur] hefði fellt
aðildarsamning í tvígang í þjóð-
aratkvæðagreiðslu og það yrði
áfall fyrir ESB ef slíkt gerðist í
þriðja sinn með höfnun Íslend-
inga.
Þá fjallaði Ólafur Ragnar einnig
um málefni norðurslóða í ávarpi
sínu og sagði Íslendinga í reynd
vera að verða vitni að sögulegum
þáttaskilum. „Ísland er komið í al-
faraleið nýs áhrifasvæðis þar sem
glíman um loftslagsbreytingar og
aukna hagsæld verður einkum
háð. Norðrið, heimaslóðir okkar,
er nú vegvísir um örlög allra jarð-
arbúa,“ sagði Ólafur Ragnar og
bætti við: „Ákvarðanir hins nýja
Alþingis munu því skipta miklu,
bæði fyrir Íslendinga og okkar
góðu granna, Grænlendinga og
Færeyinga, en líka fyrir sess okk-
ar í samfélagi þjóða heims.“
Einar kosinn forseti Alþingis
Við setningu þingsins kusu
þingmenn sér nýjan þingforseta
en þar varð Einar K. Guðfinnsson,
þingmaður Sjálfstæðisflokksins
fyrir valinu. Í kjölfar kjörsins
flutti Einar ávarp og kallaði þar
eftir betri vinnubrögðum á Al-
þingi. „Á Alþingi þurfa breytingar
á vinnubrögðum að eiga sér stað.
Þær breytingar verða að koma
innan frá. Frá okkur sjálfum. Það
segir enginn Alþingi fyrir verkum.
Við ráðum för í þessum efnum og
við þurfum því að gera þær breyt-
ingar sem við teljum nauðsynlegar
til þess að Alþingi sinni sem best
hlutverki sínu, sem er fyrst og síð-
ast að setja þjóðinni lög, marka
stefnuna og móta þannig sam-
félagið allt,“ sagði Einar í ávarpi
sínu.
Margt breyst til góðs
Þá benti hann á að margt hefði
breyst til hins betra á síðustu ár-
um og áratugum. Þannig hefði t.d.
starfsaðstaða þingmanna gjör-
breyst og starfskjör þeirra batn-
að. Þá fari þingið fram fyrir opn-
um tjöldum í beinni
sjónvarpsútsendingu sem þjóðin
öll getur fylgst með. „Mælingar
sýna að Alþingi nýtur sáralítils
trausts almennings. Það er háska-
legt í lýðræðislegu samfélagi þeg-
ar í hlut á sjálf meginstoðin; Al-
þingi, löggjafarsamkoman. Undan
því verður einfaldlega ekki vikist
að treysta að nýju stöðu þingsins,“
sagði Einar og gagnrýndi jafn-
framt að á síðasta kjörtímabili
hefði aukist sú tilhneiging að þing-
mál stjórnarmeirihlutans væru
lögð fram aðeins fáeinum dögum
fyrir lögbundinn frest eða jafnvel í
stórum stíl eftir hann.
Lagði hann áherslu á að þessu
yrði að breyta strax á hinu nýja
kjörtímabili og að það ætti að vera
meginregla að þingmál stjórnar-
meirihlutans líti sem fyrst dagsins
ljós, annars vegar á haustþingi og
síðan eftir áramótin en ekki
nokkrum dögum fyrir framlagn-
ingarfrest eða eftir hann. Þá ætti
þessi regla að vera ófrávíkjanleg
þegar um væri að ræða við-
urhlutamikil mál, svo ekki sé talað
um stórpólitísk ágreiningsefni.
Í samtali við Morgunblaðið seg-
ir Einar að dagskrá þingsins liggi
ekki ennþá fyrir og þar sem um
sumarþing sé að ræða verði ekki
gerð sérstök áætlun. „Það liggur
ekkert fyrir annað en að á mánu-
daginn verður stefnuræða for-
sætisráðherra flutt og á þriðju-
daginn munum við hinsvegar
byrja á fullri ferð með hefðbundið
þinghald. Þar geri ég ráð fyrir að
verði á dagskrá mál ríkisstjórn-
arinnar en það mun ekki liggja
nánar fyrir fyrr en um helgina
hver þau verða,“ segir Einar og
bætir við hann geri ráð fyrir að
frumvarp um stjórnskipunarlög
sem flutt var af formönnum Sam-
fylkingarinnar, Vinstri-grænna og
Bjartrar framtíðar, verði tekið á
dagskrá fljótlega í næstu viku.
Morgunblaðið/Kristinn
Kallar eftir nýjum vinnubrögðum
 Forseti Íslands sagði ESB ekki hafa áhuga á að ljúka aðildarviðræðunum á næstu árum
 Nýr þingforseti kallar eftir betri vinnubrögðum á Alþingi og segir vantraust á þinginu háskalegt
Morgunblaðið/Eggert
Þingsetning Forseti og biskup Íslands leiddu þingmenn til þingsetningar.
Í þingsal Ólafur Ragnar
Grímsson, forseti Íslands,
ásamt þingmönnum í gær.
Píratar sendu
frá sér frétta-
tilkynningu í
gær þar sem
þeir sögðust
styðja Ragn-
heiði Ríkharðs-
dóttur, þing-
flokksformann
Sjálfstæðis-
flokksins, sem
forseta Alþingis. „Við Píratar
teljum Ragnheiði Ríkharðs-
dóttur afar hæfa til að gegna
embætti forseta enda hefur
reynslan af starfi hennar sem
fyrsta varaforseta verið afar
góð. Hún hefur leitast við að
ná góðri samræðu og sátt með-
al þingflokka og sinnt störfum
sínum í alla staði afar vel,“
segir m.a. í tilkynningunni.
Lögreglan setti upp girðingar
fyrir framan Alþingishúsið í
gær. Ekki kom til mikilla mót-
mæla við þingsetninguna en
lítill hópur fólks mætti með
skilti og mótmælti aðildar-
viðræðum Íslands við Evrópu-
sambandið.
Píratar vildu
Ragnheiði
MÓTMÆLI VIÐ ALÞINGI
Ragnheiður
Ríkharðsdóttir
Skannaðu kóðann
til að sjá mynd-
band frá þingsetn-
ingunni