Morgunblaðið - Sunnudagur - 30.06.2013, Blaðsíða 57

30.6. 2013 MORGUNBLAÐIÐ SUNNUDAGUR 57
Rósablaðaströndin eftir Do-
rothy Koomson er fimmta bók
höfundar sem kemur út á ís-
lensku – og hlýtur það að vera
til marks um vinsældir höfund-
arins hér á landi.
Tami og Scott lifa að því er
virðist í hamingjusömu hjóna-
bandi en kvöld eitt bankar lög-
rglan upp á og handtekur
Scott. Hann er sakaður um
glæp og tilvera Tami hrynur.
Leyndarmál, lygar og svik koma
upp á yfirborðið.
Skáldsögur Koomson hafa
verið þýddar á yfir þrjátíu
tungumál. Meðal vinsælla bóka
hennar má nefna Góða nótt,
yndið mitt. Þessi nýja bók er
þegar komin á metsölulista Ey-
myndsson.
Ný bók eftir
metsöluhöfund
Skáldsagan The Fault in Our Stars eftir
John Green hefur verið í 75 vikur samfellt á
metsölulista New York Times. Bókin hef-
ur slegið rækilega í gegn og fengið gríðarlega
góðar viðtökur lesenda og gagnrýnenda.
Time Magazine valdi hana til dæmis bók árs-
ins 2012. Kvikmyndafyrirtækið 20th Century
Fox hefur svo tryggt sér kvikmyndaréttinn.
Bókin er væntanleg á íslensku því bóka-
forlagið Draumsýn hefur tryggt sér útgáfu-
réttinn á þessari rómuðu skáldsögu sem
fjallar um lífið, ástina og dauðann. Áætlað er
að bókin komi út seinna á þessu ári, líklega í
október.
Aðalpersóna sögunnar er hin sextán ára
Hazel sem er krabbameinssjúklingur. Hún
kynnist Augustus sem hefur glímt við
krabbamein. Hazel er gagntekin af skáldsögu
sem fjallar um krabbamein og vill hitta höf-
und hennar til að vita nánar um örlög per-
sóna í bókinni. Augustus fer með hana til
Amsterdam þar sem höfundurinn býr.
Hin rómaða metsölubók The Fault in Our Stars
mun koma út í íslenskri þýðingu.
SAGA HAZEL
Á ÍSLENSKU Skáldsögur hins magnaða rithöf-
undar Guðbergs Bergssonar hafa
farið víða gegnum árin. Nýverið var
gengið frá samningum um útgáfu á
Svaninum í Tyrklandi. Svanurinn
hlaut Íslensku bókmenntaverðlaunin
árið 1991 og er marglofað verk.
Milan Kundera hrósaði skáldsög-
unni til dæmis á sínum tíma á þann
hátt að víða var eftir því tekið. Út-
gáfa Svansins í Tyrklandi eru ekki
einu útgáfutíðindin varðandi verk
Guðbergs því hin frábæra saga hans
Missir kemur út í Brasilíu á næst-
unni.
Fleira fréttist af útgáfum á íslensk-
um skáldsögum erlendis. Frönskum
útgáfum íslenskra skáldsagna fjölgar
stöðugt og bækur höfunda eins og Auðar Ólafsdóttur og Jóns Kalmans Stef-
ánssonar hafa vakið gríðarmikla athygli þar í landi. Nú hefur verið samið um útgáfu á
Valeyrarvalsinum eftir Guðmund Andra Thorsson í Frakklandi en bókin er tilnefnd
til Bókmenntaverðlauna Norðurlandaráðs. Skáldsagan Illska eftir Eirík Örn Norðdahl,
sem hlaut Íslensku bókmenntaverðlaunin í fyrra, kemur einnig út í Frakklandi. Fróðlegt
verður að fylgjast með viðtökum þessara bóka.
HÖFUNDAR Í ÚTRÁS
Svanur Guðbergs Bergssonar er á leið til Tyrklands og
Missir kemur út í Brasilíu.
Vikas Swarup öðlaðist heims-
frægð fyrir skáldsögu sína Viltu
vinna milljarð? Nú kemur út í
íslenskri þýðingu hin ævin-
týraríka og spennandi skáld-
saga hans Ærlegi lærlingurinn.
Aðalpersónan er einstaklega
geðug stúlka, Sapna Sinha sem
fær ótrúlegt tilboð en í því fest
að hún þarf að leysa sjö þrautir.
Þetta er þroskasaga stúlku sem
uppgötvar smám saman hvað
það er sem mestu skiptir í líf-
inu.
Ævintýri,
spenna og
mikilvæg
skilaboð
Spennu-
þrungnar
skáldsögur
NÝJAR BÆKUR
ÞEIR SEM VILJA HAFA MEÐ SÉR BÓK Í FRÍIÐ
(OG VONANDI ERU ÞAÐ SEM FLESTIR) EIGA
ÚR NÓGU AÐ VELJA. ÞÝDDAR SKÁLDSÖGUR
Í KILJUÚTGÁFUM ERU FYRIRFERÐARMIKLAR OG
Í ÞEIM ÞREMUR SEM HÉR ERU NEFNDAR ER
SPENNAN Í FYRIRRÚMI. NANNA NORN ER
SVO MÆTT TIL LEIKS OG GLEÐUR BÖRNIN.
Stúdíóið eftir Pekka Hiltunen er
glæpasaga sem hlaut finnsku glæpa-
sagnaverðlaunin 2012 og var til-
nefnd til Glerlykilsins 2013.
Lia verður vitni að því er illa leik-
ið lík finnst í miðborg London. Síð-
an hittir hún Mari, samlöndu sína
frá Finnlandi sem stýrir hópi fólks
og höfuðstöðvar hópsins kallast
Stúdíóið. Lia og Mari ákveða að
rannsaka morðið.
Verðlauna-
spennubók
Bækurnar um Nönnu norn eftir Lauru Owen
og Korky Paul eru bráðskemmtilegar, enda
er Nanna sannkallað ólíkindatól. Í tveimur
nýjum bókum, Nanna keppir til sigurs og
Nanna kjánaprik, tekur hún sér ýmislegt fyrir
hendur. Hún lætur sig til dæmis ekki muna
um að bjarga heiminum og svo sannarlega
veitir ekki af að einhver helgi sig því verkefni!
Einnig býr hún til glænýja íþróttagrein.
Nanna norn
bjargar heiminum
* Guð skapaði karlinn á undan kon-unni. Einmitt þannig skrifa ég: Fyrstgeri ég uppkast.
Karen Blixen
BÓKSALA 19.-25. JÚNÍ
Allar bækur
Listinn er byggður á upplýsingum frá Eymundsson
1 Iceland Small World - small ed.Sigurgeir Sigurjónsson
2 Maður sem heitir Ove - kiljaFrederik Backman
3 Áður en ég sofna - kiljaS. J.Watson
4 Rósablaðaströndin - kiljaDorothy Koomson
5 Hún er horfin - kiljaGillian Flynn
6 Ekki þessi týpa - kiljaBjörg Magnúsdóttir
7 Lág kolvetna lífsstíllinn LKLGunnar Már Sigfússon
8 PartíréttirRósa Guðbjartsdóttir
9 25 gönguleiðir um SnæfellsnesReynir Ingibjartsson
10 Elskhuginn - KiljaKarl Fransson
Kiljur
1 Maður sem heitir OveFrederik Backman
2 Áður en ég sofnaS.J.Watson
3 RósablaðaströndinDorothy Koomson
4 Hún er horfinGillian Flynn
5 Ekki þessi týpaBjörg Magnúsdóttir
6 ElskhuginnKarl Fransson
7 StúdíóiðPekka Hiltunene
8 Ráðskonan og prófessorinnYoko Ogawa
9 Börnin í DimmuvíkJón Atli Jónasson
10 DjöflatindurDeon Meyer
MÁLSHÁTTUR VIKUNNAR
Flas er ekki til fagnaðar.