Morgunblaðið - 03.07.2013, Síða 11

Ljósmyndir af skepnum hafsins/Gísli Arnar Guðmundsson
Smærri þorskar Gísli kann vel við að kafa með þeim þar sem þeir synda oft í torfum.
en segir að hann sé alltaf að uppgötva eitthvað
nýtt. „Sumar tegundir er erfitt að tegunda-
greina því þær eru margar keimlíkar, en ég hef
lært heilmikið og ég sé kannski meira en þeir
kafarar sem ekki eru að mynda, því ég er alltaf
að leita að einhverju nýju. Á mínum fyrstu köf-
unarárum sá ég bara þarann og steinana, en
núna sé ég svo miklu meira. Ég legg mig fram
um að kíkja á bakvið og víða leynist ýmislegt,
sumt afar smátt. Sum kvikindin í bókinni eru
ekki nema nokkrir millimetrar að stærð.“
Aldrei rekist á skötusel
Hann segir enn gríðarlega margt á listan-
um sem hann langar að mynda en ekki fengið
tækifæri til. „Ég hef til dæmis aldrei rekist á
skötusel. Ég er alltaf að kíkja eftir sniglateg-
undinni bertálknum, sem er eitt vinsælasta
ljósmyndaefni kafara hvar sem er í heiminum,
enda eru þeir ótrúlega fjölbreytilegir. Ég hef í
áhuga á að ljósmynda allar tegundir bertálkna
sem hafið hefur að geyma í kringum Ísland. Ég
hef rekist á nokkra snigla sem fræðingar hafa
ekki getað borið kennsl á,“ segir Gísli og bætir
við að hann sé eiginlega alveg „týndur“ í þessu,
svo mikill er áhuginn. „Þegar ég keypti
ljósmyndagræjurnar fyrir fimm árum þá fór
ég alveg á kaf í þetta, og hafði ekki tíma fyrir
eitt eða neitt annað. En núna hef ég aðeins
róast, en ég er alltaf með græjurnar með mér
og hoppa út í sjóinn þegar ég get, vinnan og
fjölskyldan þurfa líka sinn tíma.“
Lundinn leikur listir við Grímsey
Gísli tekur að sér að fara með ljósmynd-
ara í lengri kafaratúra í gegnum fyrirtæki sitt
Dive the North. „Ég hef í tvígang farið með
hinn fræga ljósmyndara Alex Mustards í ferðir
um Ísland og myndir hans úr þeim ferðum
vöktu heimsathygli.“ Gísli segir ljósmynda-
græjurnar dýrar sem hann noti neðansjávar.
„Vélarnar sem ég notaðist við í bókinni eru Ni-
kon D200 og Nikon D300, en utan um þær var
ég með álhús. Núna er ég með Nikon D800.“
Gísla finnst gaman að kafa í Garðinum á
Reykjanesi. „Þar er yfirleitt skjól fyrir hafróti
og mjög fjölbreytt dýralíf við höfnina. Mér
finnst líka sérstaklega gaman að kafa við
Grímsey því þar geta kafarar komist í návígi
við fuglalíf, til dæmis er magnað að sjá lunda
sýna listir sínar neðansjávar. Í Grímsey hef ég
líka kafað í þykkum þaraskógi með steinbít.
Ég held upp á Þistilfjörðinn sem kafarasvæði,
þegar þorskurinn sækir upp á grunnið á
hrygningarstöðvar. Sjórinn er mjög tær fyrir
austan og það er tilkomumikið að mæta þús-
undum þorska í sjónum. Ég verð líka að nefna
hverastrýturnar í Eyjafirði, þær eru afar sér-
stakar.“
Gísli segist þakklátur sambýliskonu sinni
og verðandi eiginkonu, Fjólu Ákadóttur, sem
hefur ævinlega verið honum innanhandar við
val á myndum, sérstaklega í bókinni nýút-
komnu.
Kögri Fögur skepna sem gæðir sér hér á hveldýrum. Sprettfiskur Minnir á ál, en er skyldur steinbíti.
Ljósmynd/Dr. Alex Mustard
Undraveröld Gísli að kafa með mynda-
vélina í Stekkjargjá, rétt við Ásbyrgi.
www.marbendill.is
www.flickr.com/photos/gassa
www.divethenorth.is
DAGLEGT LÍF 11
MORGUNBLAÐIÐ MIÐVIKUDAGUR 3. JÚLÍ 2013
Við bjóðum velkomna ítalska hönnun
Natuzzi endurspeglar fullkominn samhljóm og kjarna Ítalskrar hönnunar.
Það er æðislegt að upplifa hlýja og kósý stemningu í Natuzzi umhverfi.
Staður þar sem fólki líður vel.
100% made in Italy
www.natuzzi.com
Skeifunni 8 | sími 588 0640 | casa.is
Komið og upplifið nýja Natuzzi gallerýið okkar