Morgunblaðið - 26.07.2013, Blaðsíða 11

Morgunblaðið/Rósa Braga
Vinir Félagarnir Emmsjé Gauti og Davíð Arnar standa á bak við netþættina Og hvað sem notið hafa vinsælda.
tíma,“ segir Davíð Arnar, en hann
segir fleiri útgáfur vera til af viðkom-
andi íþrótt.
„Síðan má yfirfæra sportið í að
vera bara á snjóbrettinu á óhefð-
bundnum stöðum. Við fórum til að
mynda í Smáralindina og ég renndi
mér niður stóra rúllustigann þar.
Fólk hópaðist að til að sjá hvað væri
um að vera. Ég hef gert þetta einu
sinni áður og þetta vakti þá svipuð
viðbrögð. Það er kannski ekki á
hverjum degi sem einhver fer þarna
niður á snjóbretti,“ segir Davíð Arn-
ar sposkur en hann segir verðina í
Smáralindinni ekki hafa haft afskipti
af sér í þetta skiptið en þeir hefðu
víst leitað mikið að honum eftir fyrri
ferðina.
„Áhorfið á youtube rokkar frá
svona sex til átta þúsund á hvert
myndband, nýjustu myndböndin eru
náttúrlega með aðeins minna áhorf
en við erum bara sáttir með þetta.
Stefnan er engu að síður sett á meira
áhorf og ég væri til í að vera með
svona tíu þúsund á hvert myndband,“
segir hann.
Tóku upp fallhlífastökk
„Við erum báðir mjög frjóir og
hugmyndaríkir og svo fær maður
líka svolítið hugmyndir frá öðrum
sjónvarpsþáttum, þá fáum við ein-
hverjar hugmyndir en setjum þær al-
gjörlega í okkar búning. Oft eru
þessar hugmyndir mjög fáránlegar
þegar maður hugsar út í þær en þær
hafa oftar en ekki virkað mjög vel og
komið skemmtilega út á filmu,“ segir
Davíð Arnar.
„Ég hafði til að mynda samband
við strákana í FFF, Fallhlífastökks-
félagið frjálst fall, og þeir leyfðu okk-
ur Gauta að koma í stökk hjá sér.
Það var mög gott veður og þetta var
rosalega skemmtilegt, þetta var
fyrsta stökkið hans Gauta og mitt
annað stökk. Ég vissi því svona
nokkurn veginn út á hvað þetta gekk
en Gauti var mjög spenntur. Þetta
eru gríðarlegir fagmenn þarna í
FFF og ég mæli með því að allir
prófi þetta einhvern tímann á lífs-
leiðinni,“ segir hann, en þess má geta
að þátturinn þar sem fallhlífastökkið
var sýnt kom einmitt út í gær.
Fyrir fólk á öllum aldri
„Fólk á öllum aldri hefur rosa-
lega gaman að þessu. Það eru krakk-
ar, kannski mest á aldrinum þrettán
til átján ára, að koma upp að manni
og hrósa manni fyrir þessi mynd-
bönd. Það gerist þó líka með eldra
fólk sem maður hittir kannski þegar
maður er á djamminu. Svo eru líka
kunningjar og ættingjar sem eru
komnir yfir fertugsaldurinn að hlæja
mikið að þessu, þannig að þetta er
held ég bara fyrir alla þá sem hafa
gaman að hlæja aðeins að ein-
hverjum vitleysingjum. Við erum
ekkert að taka okkur of alvarlega,“
segir Davíð Arnar.
„Við Gauti höfum verið kunn-
ingjar í langan tíma en fyrir svona
ári fórum við að hanga meira saman
og þá byrjaði þetta að rúlla. Gauti
var með mér í því að skipuleggja
ýmsa viðburði og síðasta vetur héld-
um við snjóbretta- og tónlistar-
viðburð í miðbæ Reykjavíkur og það
vakti mikla lukku. Við tókum þá snjó
úr Bláfjöllum, settum í miðbæinn og
lokuðum götum. Þegar ég held snjó-
brettakeppnir í Bláfjöllum þá fæ ég
hann líka oft til þess að koma þangað
sem plötusnúður,“ segir Davíð Arn-
ar, en hann starfrækir einnig snjó-
brettaskóla í Bláfjöllum á veturna.
Vilja komast í sjónvarpið
„Við ætlum að fara á fullt í það
að sjá til þess að þessir þættir lifi og
vonumst eftir því að geta gert aðra
seríu. Það er bara spurning um hver
vill vera með okkur í þessu og hver
vill birta þetta. Við erum fullir eld-
móðs og ef fólk heldur áfram að hafa
gaman að þessu þá sjáum við ekki
fyrirstöðu í því að geta haldið áfram
að gera þetta. Markmiðið er vissu-
lega að komast í sjónvarp þar sem
við getum mögulega verið með
lengri þætti. Þetta snýst bara í raun-
inni um að halda áfram því sem
manni þykir skemmtilegt að gera.
Þá fyrst verður maður hamingju-
samur,“ segir Davíð Arnar að lok-
um.
DAGLEGT LÍF 11
MORGUNBLAÐIÐ FÖSTUDAGUR 26. JÚLÍ 2013
AloeVera
Húðvörur í 100 ár
Stofnað
aloe
natural
100%
Fæst eingöngu í
Hvað er eiginlega þetta„nú“ sem allir eru aðtala um og það oftastmeð ákveðnum greini,
„núið“? Okkur ber að lifa í núinu,
þannig hljóðar lífsregla sem ég
hef heyrt oftar en ég talið fæ en
samt veit ég satt best að segja
ekki alveg hvað felst í því – eða
öllu heldur hvernig maður fer að
því.
Ég geri ráð fyrir að heilræðið
um núlífið byggist á því að í stað
þess að lifa í eftirsjá og fortíðar-
þrá og einblína á það sem liðið er,
og í stað þess að fara fram úr
sjálfum sér með væntingar um
komandi daga, þá sé það geðheil-
brigðast að lifa algjörlega í núlíð-
andi augnabliki. En er það virki-
lega hægt? Og ef svo er, af hverju
virðist það þá vefjast fyrir svo
mörgum?
Sjálfur er ég annálaður fangi
fortíðarinnar og stend sjálfan mig
alltof oft að því að velta mér upp
úr því sem gerðist áður eða hefði
getað gerst. Að sama skapi festist
ég alltof oft í dagdraumum þar
sem ég hef á fáeinum mín-
útum skipulagt næsta ára-
tug í lífi mínu. Það merki-
lega er hins vegar að
jafnvel þótt mér tækist
að hrista af mér um-
rædda djöfla, fortíðarþrá
og væntingar, þá hugsa
ég að mér væri samt lífs-
ins ómögulegt að lifa í
núinu sökum þess hve
vinsæl umræðuefni
fortíðin og fram-
tíðin eru ein-
mitt í núinu.
Við erum
alltaf að
ræða um og
pæla í hlut-
um sem
ganga hálf-
partinn á
skjön við
þetta nú.
Við vökn-
um á
morgnana
og flettum
dagblaðinu
þar sem farið er í
saumana á fréttum
gærdagsins, mæt-
um til vinnu á
mánudagsmorgni og forvitnumst
um atburði liðinnar helgar hjá
vinnufélögunum og berum veðrið í
sumar saman við veður fyrri
sumra, svo dæmi séu tekin. Að
sama skapi fylgjumst við æst með
veðurspám komandi daga og það
er ekki fyrr kominn þriðjudagur
en vinnufélagarnir byrja að spyrja
hver annan hvernig helgaráformin
líta út, svo ekki sé minnst á
sumaráformin og jafnvel áformin
fyrir næsta haust. Þá er enn
ónefnd spurningin sem maður hef-
ur klórað sér í hausnum yfir frá
blautu barnsbeini; hvað ætlarðu að
verða þegar þú verður stór? Ekki
kalla ég það að lifa í núinu.
Trúlega kann einhverjum að
þykja þessi skrif lykta af orð-
hengilshætti og eflaust felst
það að lifa í núinu í ein-
hverju allt öðru en að
hugsa bókstaflega bara
um það sem skiptir máli
á hverju augnabliki fyrir
sig, en mér er engu að
síður alvara. Ég þarf aug-
ljóslega aðstoð við að kom-
ast upp á lagið með
þessa kúnst, eink-
um ef hún er
lykillinn að
vellíðan.
Það er
nefnilega
snúið, núið,
því reyni
maður að
koma fingri
á það og
mæla nafn
þess, þá er
það búið.
»Það er nefnilega snúið, núið, því
reyni maður að koma
fingri á það og mæla nafn
þess, þá er það búið.
HeimurEinars
Einar Lövdahl
elg@mbl.is
Innipúkinn hefur skipað sér í sess
meðal vinsælustu viðburða versl-
unarmannahelgar síðustu ár. Nú fer
hver að verða síðastur að tryggja sér
miða á hátíðina í ár sem fer fram
dagana 2. til 4. ágúst. Á síðustu árum
hafa þekktar hljómsveitir stigið á
svið á hátíðinni og má þar nefna
bandarísku sveitirnar Cat Power og
Blonde Redhead og íslensku sveitina
Amiinu. Meðal þeirra tónlistarmanna
sem hafa staðfest komu sína í ár eru
Grísalappalísa, Steed Lord, Gísli
Pálmi og Botnleðja. Þetta er í tólfta
skipti sem viðburðurinn er haldinn og
mun hann í ár fara fram á Faktorý,
Kex Hostel og Fellagörðum í Breið-
holti en þar hefur mikið menning-
arlegt uppbyggingarstarf átt sér stað
í sumar.
Botnleðja, Grísalappalísa, Steed Lord og Gísli Pálmi spila
Fjöldi sveita á Innipúkanum
Morgunblaðið/G.Rúnar
Litríkt Meðlimir sveitarinnar Steed Lord verða eflaust hressir á Innipúkanum.