Morgunblaðið - Sunnudagur - 01.09.2013, Page 16

*Þegar Arnar Freyr og Heiðdís ferðast vilja þau kynnast framandi slóðum og nýrri menningu »18Ferðalög og flakk
Loksins erum við farin að sjá fallegt sólsetur aftur hér á Svalbarða eftir
fjóra og hálfan mánuð af birtu allan sólarhringinn. Eftir um tvo mánuði
verður aftur á móti algjört myrkur á ný í fjóra og hálfan mánuð. Þetta
millibilstímabil er minn uppáhaldstími, bæði á vorin og á haustin, en þá
eru dagur og nótt nokkuð „eðlileg“. Við tilvonandi eiginmaður minn
höfum búið hér í um tvö ár. Hann vinnur sem jarðfræðingur fyrir kola-
námufyrirtæki og ég vinn á ferðaskrifstofu sem sérhæfir sig í ýmiskonar
báta-, kajak-, hundasleða- og gönguferðum o.fl. Við erum búin að stofna
eflaust minnsta Íslendingafélag í heiminum, þ.e. íslensku mafíuna í
Longyearbyen. Það telur á milli fimm og tíu manns. Flestir eru jarð- eða
líffræðingar eða vinna í ferðaþjónustu og er þetta mjög samheldin og
góður hópur, sérstaklega núna eftir að við fjárfestum í heitum potti.
Anna Mjöll Guðmundsdóttir og Bjarki Friis Íslenska mafían í Longyearbyen fundar.
Í pottinum góða, þeim eina á
svæðinu.
Heitur pottur á Svalbarða
Foreldrar Önnu við viðvör-
unarskilti. Riffill er alltaf með.
PÓSTKORT F
RÁ LONGYE
ARBYEN
N
otting Hill er á meðal þekkt-
ustu hverfa Lundúnaborgar
í dag. Svæðið hlaut heims-
frægð í samnefndri kvik-
mynd heimamannsins Richards Curtis,
sem kom út árið 1999. Fram að þeim
tíma hafði hverfið öðru fremur verið
þekkt fyrir áhrif karabískra innflytjenda
frá fyrrverandi nýlendum Breta sem þar
gætti. Reisuleg húsin og byggingarnar
voru þó þegar farin að laða til sín efna-
fólk þegar myndin kom út, enda svæðið
einstaklega vel staðsett í borginni, og
hefur lítið lát verið á vinsældum þess
síðan. Verðmiði húsanna þar hleypur nú-
orðið á milljónum punda og því ekki að
undra að í hópi íbúa megi finna mörg
þekkt nöfn úr fjölmiðlum, stjórnmálum
og listalífi Breta. Engu að síður gætir
enn mikillar grósku í Notting Hill en
finna má fjöldann allan af galleríum,
menningarmiðstöðvum og verslunum á
svæðinu, að ekki sé talað um góða veit-
ingastaði, suma hverja fjarri alfaraleið-
um.
Lífæð Notting Hill er sem fyrr hinn
þekkti Portobello-markaður. Nær hann
hámarki um helgar þegar forngripasalar
og tískuhönnuðir, sem og vintage-
fatasalar, bætast í hóp veitingasala, og
allt bókstaflega iðar af lífi. Ófáar vin-
tage- og fornmunaverslanir liggja einnig
við veginn fræga, þ.á m. verslunin One
of a Kind, þar sem dömur á borð við
Kate Moss og Naomi Campbell hafa
ósjaldan fundið á sig gersemar.
Það væri til að æra óstöðugan að leit-
ast við að telja upp alla áhugaverðu veit-
ingastaðina á svæðinu. Á meðal þeirra
má annars nefna The Electric Diner,
sem stendur við hlið samnefnds sögu-
frægs kvikmyndahúss á sjálfum Porto-
bello Road. Þarna er ávallt mikið líf og
ekki ólíklegt að sjá þekkt andlit gæða
sér á kræklingi eða hamborgara í af-
slöppuðu umhverfi. Skammt frá má
finna ódýran en engu að síður frábæran
taílenskan stað, The Market Thai Res-
taurant. Leynist hann uppi á 2. hæð
húss á horni Portobello en gengið er inn
um hliðarinngang. Samsíða markaðs-
götunni liggur síðan Kensington Park
Road, þar sem einnig má finna aragrúa
góðra veitingastaða, ekki síst ítalskra,
auk hins sívinsæla asíska E&O. Sæki
fólk í rómantík er hins vegar vel þess
virði að leggja á sig örlítinni göngutúr
vestar og finna staðinn Julie’s sem ligg-
ur við lítið torg inn á milli íbúðargatna.
Hefur staðnum oft brugðið fyrir í kvik-
myndum, m.a. Match Point Woody Al-
lens, en þarna ræður enska eldhúsið
ríkjum. Heilli hins vegar góð steik á
fínni gastro-krá er ekki úr vegi að
bregða sér á Bumpkin, örlítið austan við
Portobello. Mikið er lagt upp úr brak-
andi fersku hráefni hér, beint úr ensku
sveitinni, og þreytast matargagnrýn-
endur seint á að mæra hann þennan.
Eitt er víst: engum þarf að leiðast eða
verða svangur í Notting Hill, þótt hér sé
aðeins tæpt á fáu. Bara að ganga um
hverfið og virða fyrir sér litrík húsin
færir lífinu lit.
Í NOTTING HILL
Matur, tíska
og menning
KARNEVALIÐ Í NOTTING HILL-HVERFINU Í LUNDÚNUM FÓR FRAM
Á DÖGUNUM. ÞAÐ ER ÞÓ LANGT Í FRÁ AÐ ÞAR MEÐ SÉ ÞAÐ
UPPTALIÐ SEM VERT ER AÐ KYNNA SÉR Í ÞESSU ÞEKKTA HVERFI.
Gunnhildur Ásta Guðmundsdóttir gunnhildur@mbl.is
Gaman er að kanna
hvað leynist í forn-
munaversluninni Alice.
Pastellit húsin eru einkennandi fyrir Notting Hill.
Verslanir með vintage fatnað
er víða að finna í hverfinu.
Þessi er t.d. fræg.
Persóna Hugh Grant bjó á
miðjum Portobello Road í
kvikmyndinni Notting Hill.
Fjölda góðra veitingastaða og
matkráa er að finna í hverf-
inu, ekki síst í hliðargötum.