Morgunblaðið - Sunnudagur - 01.09.2013, Qupperneq 47

1.9. 2013 MORGUNBLAÐIÐ SUNNUDAGUR 47
niðurstöðu Ingjalds um mannkynið sem
hann hefur lagt það á sig að ferðast heil-
mikið einn síns liðs, eða hvað? „Ég kann
ágætlega við að ferðast einn og geta ráðið
mér sjálfur. Þar að auki þekki ég engan sem
hefur áhuga á að fara til allra þessara landa.
Ég er nokkuð viss um að ég þekki engan
sem hefur áhuga á að fara til þeirra tíu
landa sem eftir eru hjá mér enda iða ekki
margir í skinninu yfir því að fara Afganist-
ans og Íraks,“ segir Ingjaldur sem á auk
þeirra eftir að heimsækja Sádi-Arabíu, Nárú
(fámennustu þjóð Sameinuðu þjóðanna með
15 þús. íbúa) og Afríkuríkin Mið-Afríku-
lýðveldið, Miðbaugs-Gíneu, Saó Tomé og
Prinsípe, Benín, Níger og Búrkína Fasó.
Markmið Ingjalds er að heimsækja löndin
tíu fyrir lok árs 2014. Hann telur óhætt að
fara til Íraks og Afganistans, jafnvel þótt
ríkin birtist okkur fyrst og fremst í fréttum
af átökum og hörmungum. „Hins vegar er
borgarastyrjöld í Mið-Afríkulýðveldinu í
augnablikinu en það er að vísu byrjað að
fljúga þangað aftur eftir eitthvert hlé,“ bætir
Ingjaldur við, vongóður um að ná markmiði
sínu á tilsettum tíma.
Eins og gefur að skilja reynist Ingjaldi
ómögulegt að tilnefna einn stað sem uppá-
haldsstað sinn í heiminum. „Uppáhaldslandið
mitt er Ísland en uppáhaldsborgin mín er
New York. Ef við tölum hins vegar um
fossa, þá eru það Iguazu í Suður-Ameríku,
Niagara í Norður-Ameríku og Viktoríufossar
í Afríku. Ef við tökum fyrir fornminjar
finnst mér Egyptaland standa upp úr en ef
við miðum við dýralíf finnst mér Kenía hafa
vinninginn. Svo hef ég áhuga á óperum og í
þeim efnum eru Bregenz og Salzburg í
Austurríki, Verona á Ítalíu, Sydney, Berlín
og New York topparnir.“
Nær markmiðinu á næsta ári
Sem prófessor við viðskiptafræðideild hefur
ferðareynsla Ingjalds nýst honum vel þegar
kemur að því að kenna alþjóðaviðskipti.
Ferðareynslan hefur þó einkum og sér í lagi
haft áhrif á sjónarhorn hans á heimaslóð-
irnar. „Íslendingar gera sér ekki grein fyrir
því hvað þeir hafa það gott og ættu eig-
inlega að skammast sín fyrir að kvarta.
Maður dáist að því þegar maður er í fátæk-
ari löndum heims hvað fólkið þar hefur þó
mikla sjálfsvirðingu. Það er yfirleitt í hrein-
um fötum og ber sig vel þó að það sé sárafá-
tækt. Þegar verið er að tala um fátækt á Ís-
landi er það ekki raunveruleg fátækt. Maður
verður þakklátari fyrir það sem maður hefur
eftir að hafa heimsótt alla þessa staði.“
Nái Ingjaldur að heimsækja löndin tíu
sem eftir eru af markmiðalistanum hefur
hann heimsótt 193 ríki, en hefur hann
áformað að fagna áfanganum sérstaklega?
„Mér þætti alveg við hæfi að opna kampa-
vínsflösku á síðasta áfangastaðnum en því
miður lítur út fyrir að það verði Írak, Afg-
anistan eða Sádi-Arabía sem eru auðvitað al-
veg þurr,“ svarar hann hlæjandi en bætir
við: „Reyndar er mögulegt að löndunum inn-
an Sameinuðu þjóðanna fjölgi um eitt á
næsta ári því Kósóvó gæti bæst í hópinn,“
bætir Ingjaldur við, en það er þó einlæg von
blaðamanns að þjóðunum fjölgi ekki mikið
örar eftir það, einfaldlega svo ferðasaga
Ingjalds endi ekki sem sagan endalausa.
Á skrifstofu Ingjalds er að
finna heimskort sem sýnir alla
183 viðkomustaði hans til
þessa með rauðum límmiðum
Morgunblaðið/Ómar
Ingjaldur bar górillunum
í Afríku vel söguna.Við leiðtogastytt-
urnar í Pyongyang,
Norður-Kóreu.
Afganistan
Benín
Búrkína Fasó
Írak
Mið-Afríkulýðveldið
Miðbaugs-Gínea
Nárú
Níger
Saó Tomé og Prinsípe
Sádi-Arabía
LÖNDIN
SEM VANTAR
UPP Á
* „Þegar verið er að talaum fátækt á Íslandi erþað ekki raunveruleg fátækt.
Maður verður þakkláttari
fyrir það sem maður hefur
eftir að hafa heimsótt alla
þessa staði.“