Morgunblaðið - 08.03.2014, Síða 52

52 MENNING
MORGUNBLAÐIÐ LAUGARDAGUR 8. MARS 2014
Síðasti sýningardagur sýning-
arinnar Þitt er valið í Hafnarborg
er á morgun, sunnudag. Á sýning-
unni eru verk úr safneign Hafn-
arborgar, valin af almenningi í
gegnum heimasíðuna Sarpur.is,
gagnagrunn safna þar sem meðal
annars má nálgast listaverkaskrá
Hafnarborgar.
Í dag, laugardag, kl. 13 verður
efnt til hringborðsumræðna um
skráningu og miðlun menningar-
arfsins í tengslum við sýninguna. Á
dagskrá eru framsögur og umræð-
ur um miðlun, upplýsingaflæði og
gildi þess að bæta aðgengi að þeim
hluta menningararfs þjóðarinnar
sem varðveittur er á söfnum. Þátt-
takendur í hringborðinu eru Egg-
ert Þór Bernharðsson prófessor í
menningarmiðlun og umsjón-
armaður námsleiðar í hagnýtri
menningarmiðlun við Háskóla Ís-
lands, Ólöf K. Sigurðardóttir for-
stöðumaður Hafnarborgar, Sig-
urður Trausti Traustason fagstjóri
Sarps og Sigurjón Baldur Haf-
steinsson dósent í safnafræði við
Háskóla Íslands og framkvæmda-
stjóri Rannsóknarseturs í safna-
fræðum. Dagskráin er öllum opin
og aðgangur er ókeypis.
Hringborðsumræður í dag
Hafnarborg Boðið verður upp á hringborðsumræður um skráningu og
miðlun menningararfsins í tengslum við sýninguna Þitt er valið.
Listamannaspjall verður haldið í
Ásmundarsafni á morgun, sunnu-
dag, kl. 15 í tengslum við sýninguna
Ég hef aldrei séð fígúratíft raf-
magn sem þar er til sýnis. Þar ræða
Baldur Geir Bragason, Björk
Viggósdóttir og Þór Sigurþórsson
við gesti um verk sín á sýningunni.
„Listamennirnir sem eiga verk á
sýningunni eiga það sameiginlegt
að vinna þrívíð verk eða abstrakt
rýmisverk. Þeir notast gjarnan við
óhefðbundinn efnivið og leyfa efni,
formi og rými að stýra efnistökum
og lokaútkomu verkanna,“ segir
m.a. í tilkynningu frá safninu.
Síðasti sýningardagur er sunnu-
dagurinn 27. apríl nk. en þann dag
fer fram lokalistamannaspjallið.
Aðgangur er 1.300 kr. Frítt er fyrir
handhafa Menningarkortsins.
Listamannaspjall í Ás-
mundarsafni á morgun
Blind Date Verk eftir Þór Sigþórs-
son á sýningunni frá árinu 2013.
Þrátt fyrir vonandi síðustuvetrargusu þessarar ver-tíðar var svo til fullt á ný-liðnum fimmtudags-
tónleikum SÍ í rauðu röðinni
svokölluðu er helguð mun einkum
stórum hljómsveitarverkum.
Efst á blaði var frumflutningur
verks frá 2010 eftir enskættaða að-
setann okkar síðan 1977, Oliver
Kentish, er hann nefndi Glaðsheim
[10’] í höfuðið á glæstustu byggingu
Ásgarðs skv. Gylfaginningu Snorra.
Það var undir rammíslenzkum þjóð-
menningarformerkjum er eigna
hefði mátt Jóni Leifs, og samið í til-
efni af langþráðu tónlistarhúsi
landsmanna við Reykjavíkurhöfn.
M.ö.o. ekki ólíkt Velkomin Harpa
Þorkels Sigurbjörnssonar heitins,
eða, ef aftar er haldið, Die Weihe des
Hauses Beethovens frá 1822.
Verkið var skrifað fyrir stóra
hljómsveit (þrefaldan tréblástur) og
hið líflegasta áheyrnar með örum
senuskiptum milli álfkonukenndrar
dulúðarblíðu og forngermansks
vígamóðs. Það endaði á dúndrandi
Brávallamarsi er glatt hefði Tolkien
í Hringadrottinsham. Jafnvel þótt
upphafstónar meginstefsins með
stækkaðri ferund gætu minnt ögn á
The Simpsons (eða Maria úr West
Side Story), lét postrómantískt
verkið vel í eyrum enda bæði litríkt
og fjölbreytt. Flutningurinn var víð-
feðmur við hæfi; ýmist hvíslandi dul-
úðartær eða logandi snarpur svo
undir tók. Var honum forkunnarvel
tekið.
Hin bandarísk-japanska Midori
Goto (f. 1971) var meðal eftirsótt-
ustu undrabarna 8.-9. áratugar á
fiðlu en hafði aldrei áður hingað
komið. Ólíkt mörgum virtúósakoll-
egum sínum beitir hún sér mjög fyr-
ir útbreiðslu klassískrar tónlistar til
minna megandi ungmenna, og hafði
að sögn komið fram á nokkrum stöð-
um í Reykjavík með leik eða nám-
skeiðshaldi í vikunni sem leið.
Einleikur hennar í Fiðlukonserti
Mendelssohns frá 1844 var í mörgu
sérstæður. [Má í því sambandi
benda fjarstöddum er hugðust eða
hyggjast hlusta á tónleikana í Sarpi
RÚV, að auðkennisorðin „Þetta efni
er ekki aðgengilegt“ vísa að lík-
indum til höfundarréttartakmark-
ana frá útgefendum listamannsins
þó hvergi sé það tekið fram.] Eink-
um sló mig hvað fiðluleikurinn var
fíngerður, ekki sízt að styrkleika,
svo líkja hefði mátt við kammerspil
þegar lægst lét. Jafnvel þótt stjórn-
andinn virtist taka ýtrasta tillit til
þess arna með varfærnislegum sam-
leik, fór ekki hjá því að sumt vildi
týnast í yztu kimum Eldborgarsal-
arins, þrátt fyrir orðspor hans um að
hygla jafnvel lágværustu tónum.
Engu að síður náði Midori að
heilla hlustendur, þó að vökur rú-
bató hennar rásuðu stöku sinni fram
eða aftur úr samleik hljómsveitar.
Og ókynnt aukalag hennar eftir
kröftugt uppklapp, Largo (III. þátt-
ur Þriðju einleikssónötu Bachs),
skildi engan eftir ósnortinn. Hér fór
sannkallaður melónulíkjör í tónum;
mildari en múskatvín Lieschenar í
Kaffikantötunni!
„Örlagasinfónía“ Tsjajkovskíjs
(1877) sem svo hefur verið kölluð var
síðasta atriði kvöldsins. Auknefnið
tengist ævisögulegum raunum sam-
kynhneigða tónskáldsins af skamm-
æju hjónabandi, er Ken Russell
gerði ótæp skil í kvikmyndinni The
Music Lovers (1970), og hratt því að
barmi sjálfsmorðs. En hvað sem því
líður þá stendur tónsmíðin samt eftir
sem ósvikið meistaraverk, óháð öll-
um liðnum aðstæðum. Undir af-
burðagóðri stjórn Aadlands reis hún
hér til hæstu hæða í hreint ógleym-
andi góðri túlkun, er snart innstu
taugar svo eftir sat.
Morgunblaðið/Eggert
Melónulíkjör „Og ókynnt aukalag hennar eftir kröftugt uppklapp, Largo (III. þáttur Þriðju einleikssónötu Bachs),
skildi engan eftir ósnortinn. Hér fór sannkallaður melónulíkjör í tónum; mildari en múskatvín Lieschenar í Kaffi-
kantötunni!“ segir gagnrýnandi m.a. um fiðluleik hinnar japönsku Midori.
Mildari en múskatvín
Eldborg í Hörpu
Sinfóníutónleikarbbbbn
Oliver Kentish: Glaðsheimr (frumfl.).
Mendelssohn: Fiðlukonsert í e-moll.
Tsjajkovskíj: Sinfónía nr. 4. Midori fiðla;
Sinfóníuhljómsveit Íslands. Stjórnandi:
Eivind Aadland. Fimmtudaginn 6. mars
kl. 19.30.
RÍKARÐUR Ö.
PÁLSSON
TÓNLIST
Söfn • Setur • Sýningar
LISTASAFN ÍSLANDS
Sunnudagur 9. mars: Þjóðbúningadagur,
gestir í þjóðbúningum fá ókeypis aðgang
Kl. 14: Dans á vegum Þjóðdansafélagsins
Kl. 15: Leiðsögn um Silfur Íslands með Lilju Árnadóttur
Öskupokar á Torgi
Nýr ratleikur um Silfur Íslands í Bogasal
Betur sjá augu – Ljósmyndun íslenskra kvenna 1872-2013 í Myndasal
Þjóð verður til – Menning og samfélag í 1200 ár - grunnsýning
Safnbúð og kaffihús
Þjóðminjasafn Íslands, Suðurgötu 41, s. 530 2200,
www.thodminjasafn.is • www.facebook.com/thjodminjasafn
Opið alla daga nema mánudaga í Þjóðminjasafni 11-17.
Listasafn Reykjanesbæjar
KRÍA /KLETTUR / MÝ
TERN / CLIFFS / SWARM
Svava Björnsdóttir
25. jan. - 9. mars
Bátasafn Gríms Karlssonar
Byggðasafn Reykjanesbæjar
Opið virka daga 12-17,
helgar 13-17.
Aðgangur ókeypis
reykjanesbaer.is/listasafn
FORM, LITUR, LÍKAMI: HÁSPENNA / LÍFSHÆTTA
Magnús Kjartansson 7.3.-11.5. 2014
SUNNUDAGSLEIÐSÖGN KL. 14, Laufey Helgadóttir sýningarstjóri
og Kolbrún Björgólfsdóttir, Kogga fjalla um sýninguna
GERSEMAR - DÝR Í BÚRI 8.11. - 11.5. 2013
SAFNBÚÐ - Listrænar gjafavörur
KAFFISTOFA - Ljúffengar veitingar
Fríkirkjuvegi 7, 101 Reykjavík, sími 515 9600, www.listasafn.is
Opið daglega kl. 11-17, lokað mánudaga.
SAFN ÁSGRÍMS JÓNSSONAR Bergstaðastræti 74, sími 561 9616, www.listasafn.is
Sýningin, HÚSAFELL ÁSGRÍMS. Opið sunnudaga kl. 14-17.
LISTASAFN SIGURJÓNS ÓLAFSSONAR Laugarnestanga 70, sími 553 2906, www.lso.is
Sýningin, BÖRN AÐ LEIK
Opið laugardaga og sunnudaga kl. 14-17
Þitt er valið
síbreytileg sýning
valin af almenningi
Hringborð um skráningu
og miðlun menningararfs
laugardaginn 8. mars kl. 13
H N I T
Haraldur Jónsson
Tónleikar - Samræða um tákn
sunnudag 9. mars kl. 20
Borgar Magnason og Páll Ivan frá Eiðum
Opið 12-17, fim. 12-21, lokað þri.
www.hafnarborg.is, sími 585 5790
Aðgangur ókeypis
Verið
velkomin
Viðmið
Paradigm
Opið kl. 12-17. Lokað mánud.
Verslunin Kraum í anddyri
Garðatorg 1, Garðabær
www.honnunarsafn.is
Leiðsögn sunnudag kl. 14
Síðasta sýningarhelgi Paradigm
ÞJÓÐMINJASAFN ÍSLANDS