Morgunblaðið - 09.04.2014, Blaðsíða 14
VIÐTAL
Björn Jóhann Björnsson
bjb@mbl.is
„Þetta hefur gríðarlega þýðingu fyrir
Lionshreyfinguna á Íslandi og er
mikill heiður fyrir hana,“ segir Ástr-
alinn Barry J. Palmer, alþjóðaforseti
Lions, í viðtali við Morgunblaðið en
hann er staddur hér á landi vegna
undirbúnings fyrir Alþjóðlega sjón-
verndardaginn 14. október nk. Lions-
hreyfingin á Íslandi mun þá í fyrsta
sinn halda þennan dag sem er árlegur
heimsviðburður innan alþjóða-
samtaka Lions.
Palmer átti fund í gær með Ólafi
Ragnari Grímssyni, forseta Íslands,
skoðaði sig um í Hörpu, gróðursetti
tré og móttaka var í gærkvöldi fyrir
Lionsfélaga í Lionsheimilinu, Sóltúni.
Í dag mun alþjóðaforsetinn funda
með forystumönnum hreyfingarinnar
á Íslandi og heimsækja dvalarheim-
ilið Eirhamar, fyrirtækið Ístex og
Reykjalund í Mosfellsbæ.
Ferðalög um heiminn eru stór hluti
af starfi alþjóðaforsetans en Palmer
segist hafa náð tólf dögum heima hjá
sér í Ástralíu síðan hann tók við emb-
ættinu um mitt síðasta ár. Hann hef-
ur langa og mikla reynslu innan
Lions, bæði í Ástralíu og á heimsvísu,
allt frá árinu 1975.
Tækjakaup fyrir Landspítalann
Sjónvernd er stærsta verkefni al-
þjóðahjálparsjóðs Lions, LCIF, og
Alþjóðlegi sjónverndardagurinn er
stærsti viðburður sjóðsins. Eitt meg-
inmarkmið þessa dags er að styðja
við fólk í fátækum löndum og að það
geti öðlast sjón með einföldum að-
gerðum. Einnig hefur verið stutt við
tækjakaup víða um heim, m.a. hér á
landi, og í haust stendur til að styrkja
augndeild Landspítalans með tækja-
kaupum fyrir um 10 milljónir króna.
Aðaldagskrá sjónverndardagsins
fer fram í Reykjavík á þriðjudeginum
14. október og búist við að fjöldi
Lionsfélaga af öllu landinu komi til að
taka þátt. Sérstök athöfn verður á
Landspítalanum, sýning um sjón-
vernd opnuð fyrir almenning og há-
tíðardagskrá um kvöldið. Helgina á
undan eru Lionsklúbbar einnig að
undirbúa dagskrá og viðburði í
tengslum við sjónverndardaginn.
Stuðla að fjölgun í Lions
Lionshreyfingin, sem hóf formlega
starfsemi árið 1917, er stærsta sjálf-
boðaliðahreyfing líknarfélaga í heim-
inum með um 1,4 milljónir fé-
lagsmanna. Í dag eru starfandi yfir 45
þúsund klúbbar í 206 þjóðlöndum og
Palmer segir að hreyfingin hafi aldrei
verið sterkari en nú. Árlega bætist nú
við um 35 þúsund félagsmenn um
heim allan, sér í lagi í Asíu. Þó
að einhver fækkun hafi orð-
ið í Evrópu og Bandaríkj-
unum hafi tekist að snúa
þeirri þróun við.
„Alþjóðasamtökin
leggja mikla áherslu núna
á að fjölga félagsmönnum
þar sem hver einasti
Lionsfélagi er
virkjaður. Við
leggjum mikið upp
úr því að fá fleiri
konur til liðs við
okkur og ungt fólk almennt. Því fleiri
hendur því léttara er að sinna þeim
fjölmörgu verkefnum sem við tökum
að okkur,“ segir Palmer og nefnir
nokkur ný verkefni sem Lions hefur
unnið að, t.d. stuðning við frumkvöðla
og lítil fyrirtæki í fátækum löndum.
Einnig hyggst Lions verja um 28
milljónum dollara, um 3 milljörðum
króna, í baráttuna gegn mislingum, í
samstarfi við GAVI-sjóðinn og líkn-
arstofnun hjónanna Bill og Melindu
Gates.
„Lionshreyfingin hefur í gegnum
tíðina aðlagast breyttum aðstæðum
og tekist á við nýjar áskoranir. Þörfin
fyrir svona samtök er enn til staðar
en er breytileg eftir heimshlutum,“
segir Palmer.
Hvergi fleiri en á Íslandi
Hér á landi var fyrsti Lionsklúbb-
urinn stofnaður í Reykjavík árið 1951.
Í dag eru starfandi um 90 klúbbar í
tveimur umdæmum, með alls um
2.300 félagsmenn. Barry Palmer
bendir einmitt á að hvergi í heiminum
séu Lionsfélagar hlutfallslega jafn-
margir og á Íslandi.
„Það var því ekki erfið ákvörðun að
velja Ísland til að halda Alþjóðlega
sjónverndardaginn. Félagar okkar
hafa staðið sig mjög vel í þeim verk-
efnum sem þeim hafa verið falin og
þetta verkefni núna er í góðum hönd-
um. Ég er eingöngu kominn hingað
til að vekja athygli á deginum, heim-
sækja félaga mína og þetta einstaka
land,“ segir Palmer en síðasti sjón-
verndardagurinn var haldinn á hans
heimaslóðum, í Ástralíu, og tókst að
hans sögn mjög vel.
„Við reynum að velja lönd sem
aldrei hafa séð um svona verkefni áð-
ur. Við í Ástralíu höfðum aldrei gert
þetta áður og ekki heldur Íslend-
ingar. Lions á Íslandi hefur margt
fram að færa, bæði fyrir hreyfinguna
og landsmenn, en með þessu verkefni
eykst vegsemd hennar og virðing enn
frekar,“ segir Palmer en hann lætur
af störfum sem forseti í sumar. Joe
Preston tekur við af honum og verður
viðstaddur Alþjóðlega sjónvernd-
ardaginn í haust.
Heiður fyrir Lions á Íslandi
Lions á Íslandi heldur Alþjóðlegan sjónverndardag í haust Heimsviðburður
innan Lions Alþjóðaforsetinn segir hreyfinguna aldrei hafa verið sterkari
Morgunblaðið/Þórður
Alþjóðaforseti Barry J. Palmer, alþjóðaforseti Lions, er staddur hér á
landi vegna undirbúnings fyrir Alþjóðlega sjónverndardaginn 14. október.
14 FRÉTTIRInnlent
MORGUNBLAÐIÐ MIÐVIKUDAGUR 9. APRÍL 2014
Full búð
af nýjum vörum Íbúasamtökin Betra Breiðholt boðatil fundar með frambjóðendum til
borgarstjórnarkosninga í Gerðu-
bergi miðvikudaginn 9. apríl kl.
19:30.
Íbúasamtökin Betra Breiðholt
hafa staðið fyrir kosningafundum
síðan samtökin voru stofnuð 2006.
Íbúar geta spurt frambjóðendur
spurninga en í upphafi fundar
munu frambjóðendur svara sex
spurningum sem þeir hafa fengið
sendar til sín fyrirfram. Þessar
spurningar lúta að ýmsum fram-
kvæmdum í hverfinu.
Þeir frambjóðendur sem mæta
eru: Sjálfstæðisflokkur: Halldór
Halldórsson. Samfylking: Dagur B.
Eggertsson. Píratar: Halldór Auðar
Sveinsson. Vinstri-græn: Sóley
Tómasdóttir. Framsókn: Guð-
laugur G. Sverrisson. Björt framtíð:
S. Björn Blöndal. Dögun: Þorleifur
Gunnlaugsson.
Fundurinn verður sýndur beint á
slóðinni netsamfélag.is.
Frambjóðendur á
fundi í Gerðubergi
Sæunn Kjart-
ansdóttir hjúkr-
unarfræðingur
verður gestur
Rótarinnar á um-
ræðukvöldi mið-
vikudaginn 9.
apríl kl. 20
kvennaheimilinu
Hallveigar-
stöðum, Túngötu
14, Reykjavík.
Sæunn starfar m.a. hjá Miðstöð
foreldra og barna. Hún hefur gefið
út nokkrar bækur þar sem hún
skoðar m.a. hugsanlegar sálrænar
orsakir ofneyslu en hér á landi hef-
ur sjúkdómskenningin verið alls-
ráðandi í fíknimeðferð og umræðu.
Allir eru velkomnir á umræðukvöld
Rótarinnar.
Ræðir um sálrænar
orsakir ofneyslu
Sæunn
Kjartansdóttir
Á Hrafnaþingi miðvikudaginn 9.
apríl kl. 15:15 mun Ágústa Helga-
dóttir flytja erindið „Vöktun mosa-
þembugróðurs við Hellisheiðar-
virkjun og Nesjavallavirkjun“.
Nánari upplýsingar um erindið er
að finna á vef Náttúrufræðistofn-
unar Íslands.
Hrafnaþing er haldið í húsakynn-
um Náttúrufræðistofnunar, Urr-
iðaholtsstræti 6-8 í Garðabæ, í
Krummasölum á 3. hæð.
Fjallar um vöktun
mosaþembugróðurs
STUTT
Anna Margrét Sigurðardóttir var
kjörin formaður Heimilis og skóla –
landssamtaka foreldra, á aðalfundi
7. apríl sl. Hún
tekur við af Katli
B. Magnússyni,
sem hefur verið
formaður frá
2011. Anna Mar-
grét er fyrsti for-
maður samtak-
anna af lands-
byggðinni en hún
býr í Neskaup-
stað.
Anna Margrét
fæddist 6. maí 1967 og er gift Gunn-
þóri Ingvasyni framkvæmdastjóra.
Þau eiga fimm syni og einn son-
arson. Anna Margrét hefur setið í
stjórn Heimilis og skóla frá árinu
2010. Hún sat í stjórn foreldra-
félags Seyðisfjarðarskóla árin
2000-2003 og hefur verið formaður
foreldrafélags Nesskóla í Neskaup-
stað frá árinu 2005.
Nýja stjórn skipa nú auk Önnu
Margrétar: Gísli Hildibrandur Guð-
laugsson, Hafnarfirði, Hlíf Böðv-
arsdóttir, Garðabæ, Hrafndís Tekla
Pétursdóttir, Seltjarnarnesi, Jenný
Ingudóttir, Reykjavík, Sigrún Edda
Eðvarðsdóttir, Álftanesi, og Þröst-
ur Jónasson, Kópavogi.
Kjörin nýr formaður
Heimilis og skóla
Anna Margrét
Sigurðardóttir
Næstkomandi föstudag, 11. apríl,
stendur til að halda Laugardals-
leika sem er keppni skipulögð af
unglingunum í Langholtsskóla,
Laugalækjarskóla og Vogaskóla í
samstarfi við skólana, félagsmið-
stöðvarnar og frjálsíþróttadeild Ár-
manns.
Keppnin verður haldin í frjáls-
íþróttasal Laugardalshallarinnar
frá kl. 11-14 og keppt verður í ýms-
um greinum og þrautum, meðal
annars boðhlaupi, kúluvarpi, lang-
stökki, sippukeppni, reiptogi og
fótbolta.
Búist er við því um 500 ungling-
um á svæðinu, þegar mest verður.
Um kvöldið, frá 19.30-22.00,
verður svo haldið ball í Langholts-
skóla fyrir unglingana. Þar verður
dansað við tónlist plötusnúða úr öll-
um þremur skólunum og sigurveg-
ari Laugardalsleikanna krýndur.
Unglingar halda
Laugardalsleika
Guðrún Björt Yngvadóttir, fv. al-
þjóðastjórnarmaður Lions, sér
um undirbúning Alþjóðlega
sjónverndardagsins á Íslandi.
Hún tekur undir með Barry Pal-
mer að það sé mikill heiður fyrir
Lions á Íslandi að fá að halda
þennan dag. Um flókið og stórt
verkefni sé að ræða sem fjöl-
margir Lionsfélagar komi að
með einum eða öðrum hætti.
„Alþjóðastjórn Lions treystir
okkur fyrir verkefninu og það
er hvatning fyrir okkur til að
halda áfram að vinna vel. Aug-
un munu beinast að Íslandi í
haust og þetta er einn-
ig mjög mikilvægt fyr-
ir augnlækningar á
Landspítalanum,“
segir Guðrún Björt.
Augun beinast
að Íslandi
STÓRT VERKEFNI
Guðrún
Björt
Yngvadóttir