Morgunblaðið - 09.04.2014, Side 40

40 MENNING
MORGUNBLAÐIÐ MIÐVIKUDAGUR 9. APRÍL 2014
Biblíusögur með sveiflu
Morgunblaðið/Árni Sæberg
Jesús og skáldið Megas og Magga Stína fluttu sautján fyrstu Passíusálmana í Grafarvogskirkju á fimmtudaginn, studd frábærum hljóðfæraleikurum og
brosmildum kórstúlkum. Í kvöld leikur hljómsveitin Moses Hightower í öðrum hluta verksins og kórinn Vox Populi syngur.
AF LISTUM
Einar Falur Ingólfsson
efi@mbl.is
Upp, upp mín sál …“ sungu brosmildarstúlkurnar hárri og skærri röddu, lík-astar englum – fjórtán í hvítum kjólum
og þrjár í rauðum; Megas tók svo við og sálma-
veislan hófst.
Fyrir rúmlega fjórum áratugum samdi Meg-
as lög við alla fimmtíu Passíusálma Hallgríms
Péturssonar og hefur flutt úrval þeirra við nokk-
ur tækifæri gegnum tíðina, meðal annars í kirkj-
unum sem nefndar eru eftir sálmaskáldinu, í
Saurbæ og á Skólavörðuholti. En nú flytur hann
loksins öll fimmtíu lögin, á þrennum tónleikum í
Grafarvogskirkju, með nýjum söngvurum og
hljóðfæraleikurum í hvert sinn. Ef tónleikarnir í
kvöld og á föstudaginn langa verða eitthvað í lík-
ingu við þá fyrstu í liðinni viku eigum við gest-
irnir von á góðu.
  
Á fimmtudaginn var flutti Megas sautjánfyrstu sálmana ásamt Möggu Stínu, sem
söng Jesú sinni hrífandi og skæru röddu, fanta-
góðri hrynsveit sem skipuð var þeim Agnari Má
Magnússyni á píanó, Gunnari Hrafnssyni bassa-
leikara og trymblinum Kjartani Guðnasyni; Ca-
put-hópnum, sem var að þessu sinni skipaður níu
landskunnum hljóðfæraleikurum; og fyrr-
nefndum ungmeyjakór. Guðni Franzson stjórn-
aði flutningnum af snerpu en listrænn stjórnandi
viðburðanna allra er organistinn og kórstjórinn
– og Þeysbassaleikarinn fyrrverandi – Hilmar
Örn Agnarsson.
Sannkölluð fjölskyldustemning ríkti á tón-
leikunum, þar sem áhorfendur sátu alveg upp að
flytjendunum og Þórður Magnússon tónskáld,
sonur Megasar, hafði verið fenginn til að útsetja
alla sálmana, en margir minnast athyglisverðra
útsetninga hans á lögum föður síns fyrir
strengjasveit sem fluttar voru fyrir nokkru.
Honum tókst ekki síður vel upp við þetta verk. Í
samtali okkar á dögunum lýsti Megas lögunum
sem „sixtísmúsík“ og rokki, og tilgreindi nokkra
áhrifavalda. Þórður hefur unnið með hljóma-
heim hvers lags á áhugaverðan og hrífandi hátt
og efast ég um að þau hafi fengið jafn fagran og
hrífandi búning, þótt vissulega hafi þau verið vel
flutt áður.
„Upp, upp, mín sál og allt mitt geð …“ söng
Megas í fyrsta sálminum, skýrri og ákveðinni
röddu, og hrynsveitin rauk af stað með sveiflu
og yfir allt flæddu strengirnir, kappsamir en
kankvísir, og auðsjáanlegt hvað allir flytjend-
urnir skemmtu sér vel að baki meistaranum.
  
Hvert lagið rak annað. Næst á dagskrá varsálmurinn „Um Kristí kvöl í grasagarð-
inum“, þar sem treginn tók völdin með flautut-
rillum og angurværri klarínettu hvar Jesú upp-
lifði sína „grátlegu grasgarðspín“. Í fjórða sálmi
tók sjarmi Möggu Stínu yfir, þegar sveiflan varð
draumkenndari í samtali Krists við lærisvein-
ana. Gunnar Hrafnsson var þá búinn að leggja
kontrabassanum fyrir þann rafmagnaða og
stemningin farin að minna á seventís-kvik-
myndatónlist. Þá tók við grúví rokk í fimmta
sálmi, með kórnum í glæsilegu klímaxi, og í lög-
unum þar á eftir hver frábæra útsetningin af
annarri. Sífellt báru söngvararnir okkur lengra
inn þessa harmsögu alla og svik Júdasar; í pré-
dikun Krists yfir gyðingum var komið í hryn-
þungan blús og Agnari Má sleppt lausum á flyg-
ilinn. Í „Um flótta lærisveinanna“ tók fönk í anda
James Brown völdin; aftur var það treginn í 11.
sálmi sem endar með línu sem unnendur Megas-
ar þekkja, í næstum þessari mynd: „Sút flaug í
brjóstið inn.“ Og svo var keyrt af kappi á iðrun
Júdasar, sem „… mjög sér flýtti, / og hengdi
sjálfan sig“.
  
Flutningur allra sem þátt tóku í þessumfyrsta hluta flutnings Passíusálmanna var
ástríðufullur og hrífandi. Útsetningar Þórðar
sannkallað afbragð, ferskar en þó agaðar,
ómstríðar og ljóðrænar í senn. Og Magnús og
Magga Stína fluttu textann á lifandi og hrífandi
hátt.
Það er vel til fundið hjá aðstandendum að
búa svo um hnútana að ólíkir flytjendur koma að
öllum þrennum tónleikunum, ef þau Magga
Stína og Megas eru undanskilin. Í kvöld verða
sálmar 18 til 33 fluttir, af hljómsveitinni Moses
Hightower og kórnum Vox Populi sem skipaður
er 17 söngvurum. Lokahlutinn verður síðan
fluttur á föstudaginn langa, af Píslarsveitinni og
Söngfjelaginu, sem skipað er um 60 söngvurum.
Ég hlakka til að heyra hvora tveggju tónleikana
– ef þeir verða eitthvað í líkingu við þá fyrstu er
ég strax farinn að vorkenna þeim sem missa af
þessum einstaka flutningi á Passíusálmunum.
» Sífellt báru söngvararnirokkur lengra inn í þessa
harmsögu alla og svik Júdasar;
í prédikun Krists yfir gyðingum
var komið í hrynþungan blús
og Agnari Má sleppt lausum
á flygilinn.
Hljómsveitin GusGus hefur sent frá
sér nýtt lag, „Crossfade“, sem verð-
ur á væntanlegri breiðskífu sveit-
arinnar, Mexico, sem kemur út um
miðjan júní. Verður það áttunda
breiðskífa GusGus en sú síðasta,
Arabian Horse, naut mikilla vin-
sælda bæði hér á landi og erlendis
og hlaut lofsamlega dóma. Mexico
er nk. framhald Arabian Horse, að
því er fram kemur í tilkynningu frá
útgefanda, Senu. Hægt er að hlusta
á „Crossfade“ á vefnum YouTube.
GusGus-ari Högni Egilsson á tónleikum
GusGus á Sónar í Hörpu í febrúar sl.
Mexico með Gus-
Gus gefin út í júní
Morgunblaðið/Eggert
Léttsveit Reykjavíkur heldur vor-
tónleika í Norðurljósasal Hörpu í
kvöld kl. 20. Sérstakir gestir verða
hljómsveitin Ylja og Kolbrún
Völkudóttir sem syngja mun ein-
söng á táknmáli. Aðalheiður Þor-
steinsdóttir stjórnar hljómsveitinni
sem skipuð er þeim Tómasi R. Ein-
arssyni á bassa, Kjartani Guðnasyni
á slagverk og Erni Arnarsyni á gít-
ar og Aðalheiður leikur á píanó.
Léttsveitin mun syngja íslensk
lög og á efnisskránni verða m.a.
„Svarthvíta hetjan mín“ og
„Mamma þarf að djamma“. Gísli
Magna stýrir Léttsveit Reykjavíkur
sem er kór 125 kvenna og hafa
sumar hverjar verið í kórnum frá
upphafi en kórinn fagnar 20 ára af-
mæli á næsta ári.
Miðasala fer fram á midi.is,
harpa.is og við inngang salarins.
Stjórnendur Gísli Magna og Aðalheiður
Þorsteinsdóttir verða við stjórnvölinn.
Kvennafjöld í
Norðurljósasal
Djassklúbburinn Múlinn blæs til
tónleika í kvöld kl. 21 í Björtu-
loftum í Hörpu. Á þeim leikur ný-
stofnaður kvintett, ANNES, skip-
aður þungavigtarmönnum úr
íslensku djasslífi, eins og því er lýst
í tilkynningu. Efnisskráin er frum-
samin af liðsmönnum kvintettssins
en þeir eru Ari Bragi Kárason sem
leikur á trompet, Jóel Pálsson saxó-
fónleikari, Eyþór Gunnarsson sem
leikur á píanó og hljómborð, Guð-
mundur Pétursson sem leikur á gít-
ar og trommuleikarinn Einar
Scheving. Múlinn er samstarfsverk-
efni Félags íslenskra hljómlistar-
manna og Jazzvakningar og heitir í
höfuðið á Jóni Múla Árnasyni sem
jafnframt var heiðursfélagi og
verndari Múlans.
Miðasala fer fram í Hörpu og á
vef hennar, harpa.is og midi.is.
Þungavigt Liðsmenn ANNES.
Djasskvintettinn
ANNES í Múlanum
Tökum að okkur trjáklippingar,
trjáfellingar og stubbatætingu.
Vandvirk og snögg þjónusta.
Sími 571 2000
www.hreinirgardar.is