Morgunblaðið - 03.05.2014, Síða 11

Morgunblaðið/Eggert
Umhverfismeðvituð Viktoría „Ég hjóla allan ársins hring og get ekki hugsað mér lífið án þess. Þar með tak-
marka ég notkun mína á eldsneyti eins og kostur er og fæ að auki mjög mikla og góða hreyfingu.“
að halda náttúrunni í sína besta
formi. Ég fæ mikið út úr því að nýta
allt til hins ýtrasta og mér leiðist
ekkert meira en sóun. Ég leitast við
að kaupa lífrænan mat og vörur þar
sem framleiðslan er rekjanleg og
sanngirnisvottuð, Fair Trade. Það er
þó ekki alltaf í boði; ég á til dæmis
erfitt með að finna góðan útivistar-
fatnað í hjólreiðarnar sem samræm-
ist þessari hugmyndafræði. Ég á tvo
ketti, Mána sex ára og Depil tæplega
eins árs, og þeir eru að hluta til á líf-
rænu hráfæði sem ég útbý handa
þeim. Öll bætiefnin í fóðrinu eru líf-
ræn en kjötið er það ekki alltaf. Þessi
breyting á mataræði kisustrákanna
minna hefur haft mjög jákvæð áhrif
á þá. Þeir fara nú lítið sem ekkert úr
hárum og ég hef einnig tekið eftir
bættri hegðun. Máni var farinn að
þyngjast en eftir breytinguna hefur
hann haldist í kjörþyngd.“
Stíf klósettþjálfun
Viktoría kveðst lengi hafa velt
því fyrir sér að kenna köttunum að
nota salernið og lét svo verða af því
um síðustu jól. Hún las sér til á net-
inu og pantaði sérstakan kennslu-
búnað frá Bandaríkjunum. „Þjálf-
unin gekk ágætlega en hún tók
lengri tíma en ég bjóst við. Núna eru
báðir kettir duglegir að nota salernið
og láta mig vita að því loknu, enda er
ég enn að verðlauna þá. Þetta er
sáraeinfalt, ég skil setuna alltaf eftir
uppi og þeir fara þegar þeim er mál.
Ég er mjög ánægð með að hafa drifið
í þessu því kostirnir eru miklir, bæði
í fjárhagslegu tilliti og út frá
umhverfisverndarsjónarmiðum. Ég
er hætt að eyða peningum í dýran
kattasand, sem inniheldur alls kyns
kemísk efni og er að auki innfluttur,
það er ekki lengur sandur út um allt
á baðherberginu þar sem kattakló-
settið var áður, engin lykt og meira
pláss.“
Hugum að mannréttindum
Viktóría er þeirrar skoðunar að
við séum ekki nógu langt komin á Ís-
landi í umhverfisvernd, borið saman
við nágrannaþjóðir okkar. „Við
mættum standa mun framar en ég er
bjartsýn á að við munum taka okkur
tak í þessum efnum. Ef við ætlum að
reyna að lifa í sátt við umhverfið þá
þurfum við ekki aðeins að leggja höf-
uðáherslu á að draga úr mengun og
vernda lífríki jarðar, heldur þurfum
við jafnframt að gera mannrétt-
indum hærra undir höfði. Mér finnst
við verða að hugsa út í framleiðslu
þeirrar vöru sem við höfum áhuga á
að kaupa. Spyrja okkur mikilvægra
spurninga, til dæmis hvort vinnsla
vörunnar sé umhverfisvæn, hvort
hægt sé að rekja sögu hennar,
hvernig vinnuafl hafi verið notað við
framleiðsluna og þar fram eftir göt-
unum.“
Sjálfbær ræktun
„Mér finnst gaman að ræða við
erlenda vini og heyra hversu meðvit-
aðir þeir eru um umhverfismál. Þeir
eru mun nýtnari en við Íslendingar
og miklu sparsamari á vatnið til
dæmis, við látum kranavatnið renna
án þess að velta því fyrir okkur hvað-
an það kemur eða hvert það fer. Get-
um við endalaust litið á vatnið sem
sjálfsagðan hlut? Vegna smæðar
okkar, staðsetningar og tækifæra
sem náttúran býður upp á gætum við
orðið fyrirmynd í heiminum í sjálf-
bærri þróun og lífsstíl. Við ættum að
láta af öllum hugmyndum um olíu-
vinnslu og eyðingu náttúruperlna
vegna stóriðju og einblína frekar á
umhverfisvænar lausnir, þar liggja
tækifærin. Gott dæmi þar um er ný
og skemmtileg hugmynd sem verið
er að kynna, Edengarðar, þar sem
lögð er áhersla á sjálfbærni í ræktun
á grænmeti og ávöxtum. Mér finnst
ég verða vör við aukna umhverfisvit-
und á Íslandi en þó má alltaf gera
betur, við stöndum okkur til dæmis
ekki nógu vel í landvernd. Við þurf-
um að breyta hugsunarhættinum.
Hætta að líta á Ísland sem orkuauð-
lind sem eigi að tæma og horfa frek-
ar á landið sem dýrmæta auðlind
sem beri að hlúa að og vernda. Við
ættum hvert og eitt okkar að bera
meiri virðingu fyrir okkur sjálfum og
vera vakandi fyrir því hvað við setj-
um ofan í okkur og á. Okkur er alltof
oft sagt hvað við „viljum“ með skýr-
um skilaboðum í auglýsingum, tón-
listarmyndböndum, kvikmyndum og
öðrum miðlum. Það er í lagi að
spyrna við fótum og vera gagnrýn-
inn.“Kisustrákar Máni og Depill eru ljúflingar sem una hag sínum vel úti í garði.
Við látum kranavatnið
renna án þess að velta
því fyrir okkur hvaðan
það kemur eða hvert
það fer. Getum við enda-
laust litið á vatnið sem
sjálfsagðan hlut?
DAGLEGT LÍF 11
MORGUNBLAÐIÐ LAUGARDAGUR 3. MAÍ 2014
www.fi.is
FERÐAFÉLAG ÍSLANDS | Mörkinni 6 | 108 Reykjavík | S: 568 2533 | fi@fi.is | www.fi.is Skráðu þig inn – drífðu þig út
Morgungöngur Ferðafélags Íslands og VÍS 5. – 9. maí
Árlegar morgungöngur FÍ og VÍS eru nú haldnar 10. árið í röð. Fátt er betra en að byrja góðan dag með fjallgöngu og fylla lungun af
fjallalofti fyrir verkefni dagsins. Ýmis fróðleikur og skemmtun í hverri göngu, auk morgunleikfimi. Göngurnar taka 2-3 klst.
Mánudagur 5. maí: Helgafell við Hafnarfjörð. Gangan hefst við Kaldársel.
Þriðjudagur 6. maí: Mosfell í Mosfellsdal. Gangan hefst við kirkjuna á Mosfelli.
Miðvikudagur 7. maí: Helgafell, Mosfellsdal. Frá bílastæði við gatnamótin í Mosfellsdal.
Fimmtudagur 8. maí: Vífilsfell við Sandskeið. Gangan hefst í malarnámi við rætur fjallsins.
Föstudagur 9. maí: Úlfarsfell. Frá bílastæði sunnan fellsins, við veg sem liggur upp á það.
Brottför: Kl. 6 á einkabílum frá skrifstofu FÍ, Mörkinni 6. Hægt er að mæta beint á upphafsstað göngu.
Þátttaka ókeypis – allir velkomnir
Fararstjórar: Páll Guðmundsson og Auður Kjartansdóttir.
Á fjöll við fyrsta
hanagal
Upplifðu náttúru
Íslands