Morgunblaðið - 06.05.2014, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 6. MAÍ 2014
Skútuvogi 6 - Sími 568 6755
plankaparket
Verðdæmi:
190 mm Eik Rustik burstuð
mattlökkuð 7990.- m2
● Huang Nubo
hyggst fjárfesta í
Noregi á næstu fimm
til tíu árum fyrir 80
milljónir evra, um
12,4 milljarða ís-
lenskra króna. Í sam-
tali við AFP-frétta-
stofuna segist hann
ekki hafa hætt við
áform sín á Íslandi þótt þar gangi málin
hægt. Huang segir það skipta máli fyrir
sig að fjárfesta í löndum sem eigi góð
samskipti við Kína, því að öðrum kosti
myndu kínversk stjórnvöld ekki veita
samþykki fyrir viðskiptunum.
Huang vill fjárfesta fyrir
12,4 milljarða í Noregi
Huang
Nubo
BAKSVIÐ
Hörður Ægisson
hordur@mbl.is
Í lánasamningum sem Lýsing gerði
við vogunarsjóðinn Burlington Loan
Management sl. haust um endurfjár-
mögnun á skuldum fyrirtækisins er
ákvæði um niðurfærslu skulda við til-
tekin skilyrði sem eiga að tryggja að
eiginfjárhlutfall Lýsingar verði yfir
lögbundnum lágmarkskröfum þrátt
fyrir möguleg áföll. Felst niðurfærsl-
an í því að hluti af kröfu Burlington,
allt að 7 milljarðar króna, verður ekki
innheimtur nema að því marki að eig-
infjárhlutfall Lýsingar verði ávallt
umfram 8% lágmarkskröfur að við-
bættum 3%.
Þetta kemur fram í skýringu í árs-
reikningi Lýsingar fyrir árið 2013. Er
það mat stjórnenda fjármögnunarfyr-
irtækisins að þessi samningur tryggi
rekstrarhæfi Lýsingar verði tjón
vegna svonefndra fullnaðarkvittana í
tengslum við dóma Hæstaréttar um
endurútreikning ólögmætra gengis-
bundinna lána umfram þær varúðar-
færslur sem félagið hefur þegar gert.
Á árinu 2013 tók Lýsing tillit til laga-
óvissu með því að gjaldfæra varúðar-
niðurfærslu að fjárhæð 4,7 milljarðar.
Eiginfjárhlutfall hækkar í 33%
Hagnaður Lýsingar 2013 nam 715
milljónum króna og jókst um tæplega
270 milljónir frá fyrra ári. Eigið fé fé-
lagsins var 9,7 milljarðar í lok árs
2013 og eiginfjárhlutfall 33%. Það er
talsvert hærra en árið áður þegar
hlutfallið var 19% og skýrist af því að
efnahagsreikningur félagsins dróst
saman um þriðjung á sama tíma og
eigið fé hélst nánast óbreytt. Í árslok
2013 námu eignir 27,3 milljörðum en
skuldir 17,6 milljörðum.
Í október á síðasta ári var gjaldeyr-
isskuld Peru, dótturfélags Lýsingar,
við þýska stórbankann Deutsche
Bank greidd upp með lántöku frá
móðurfélaginu sem var fjármögnuð af
Burlington Loan Management. Fram
kemur í ársreikningnum að Pera hafi
þegar greitt lánið frá móðurfélaginu
meðal annars með afhendingu eigna.
Að sögn stjórnenda Lýsingar hefur
endurfjármögnunin haft jákvæð áhrif
á rekstur félagsins en til viðbótar við
umtalsvert hagræði vegna einföldun-
ar á rekstraruppbyggingu var láns-
tími erlendra skulda lengdur.
Eignir veðsettar Straumi
Auk þess að vera stærsti kröfuhafi
Lýsingar á Burlington um 20% hlut í
Klakka sem er eigandi Lýsingar. Aðr-
ir hluthafar Klakka eru slitabú Kaup-
þings, Arion banki og íslenskir lífeyr-
issjóðir. Burlington Loan
Management er í eigu bandaríska
vogunarsjóðsins Davidson Kempner.
Sjóðir á vegum Davidson Kempner
eru sem kunnugt er langstærstu ein-
stöku kröfuhafar í bú Glitnis, meðal
þeirra stærstu í Kaupþingi, eiga um-
talsverðar kröfur á gamla Lands-
bankann og eignarhluti í Bakkavör.
Í lánasamningi Lýsingar við Burl-
ington voru öll réttindi og fjárkröfur
vegna leigu- og lánasamninga félags-
ins veðsettar Straumi fjárfestinga-
banka sem veðgæsluaðila lánveitand-
ans. Samtals nam virði þessara eigna
tæplega 13,7 milljörðum króna í árs-
lok 2013 en Davidson Kempner er
einnig á meðal eigenda Straums.
Skuldir Lýsingar færðar
niður við möguleg áföll
Morgunblaðið/Eggert
Nýtt húsnæði Lýsing hagnaðist um 715 milljónir 2013 og stjórnendur segja félagið nú betur í stakk búið til sóknar.
 Allt að 7 milljarða krafa Burlington ekki innheimt fari eiginfjárhlutfall undir 11%
Greiðsluuppgjör fyrir ríkissjóð á
fyrsta fjórðungi ársins gefur til kynna
að möguleiki sé á að ríkissjóður skili
afgangi sem nemur á annan tug millj-
arða króna á þessu ári, samkvæmt
Markaðspunktum Arion banka.
Þyngst vegur að arðgreiðsla Lands-
bankans, sem greidd var út undir lok
fjórðungsins, var 13,3 milljörðum
króna umfram forsendur fjárlaga.
Auk þess voru skatttekjur og trygg-
ingagjöld um 6,5% yfir áætlun.
Á móti vega breytingar útgjalda-
megin, meðal annars varðandi vaxta-
kostnað í tengslum við skuldabréf
sem gefið var út til styrkingar á eigin
fé Seðlabankans. Þá megi vænta
kostnaðarauka af kjarasamningi við
framhaldsskólakennara, auk þess
sem tekjur ríkissjóðs af veiðigjöldum
verða minni á árinu en áætlað er í
gildandi fjárlögum.
Þegar allt er tekið saman telur
Arion banki líkur á því að afgangur af
rekstri ríkissjóðs geti orðið töluvert
umfram fjárlög eða í kringum 11
milljarðar króna á árinu.
Horfur á góð-
um afgangi
● Bjarni Benediktsson, fjármála- og
efnahagsráðherra, hefur skipað nefnd
um heildarendurskoðun laga um Seðla-
banka Íslands. Í nefndinni sitja Ólöf
Nordal, lögfræðingur, sem er formaður
hennar, dr. Friðrik Már Baldursson, hag-
fræðingur og Þráinn Eggertsson, hag-
fræðingur.
Nefndin skal skila ráðherra frumvarpi
til nýrra laga um Seðlabankann eigi síð-
ar en 31. desember 2014. Hún getur
jafnframt gert tillögu til ráðherra um
breytingar á einstaka ákvæðum áður en
heildarendurskoðun er lokið.
Nefndin skal gaumgæfa þróun á
starfsemi annarra seðlabanka og lög-
gjöf á sviði peningamála og efnahags-
stjórnunar og einnig skoða hvort
ástæða sé til að gera breytingar á
skipulagi fjármálamarkaðar og Fjár-
málaeftirlitsins, í því skyni að efla sam-
starf og skýra verkaskiptingu milli Fjár-
málaeftirlitsins og Seðlabankans.
Ráðherra skipar nefnd
um endurskoðun laga
um Seðlabanka Íslands
STUTTAR FRÉTTIR
 


   
  
   
  

 




 
  

 !

"#
#
!
!!$
 $
!"#
%%%"
&'()* (+(

 
 
,-&.&+/0 -'+(1(23& 45+(2/5
%"
%
%
!
$ #
!
!$
 #
!#
%"$

$

!
!"
!$
!"
 $"
!#$
%%
%#"#!
Skannaðu kóð-
ann til að sjá
gengið eins og
það er núna á
Starfsemi Lýsingar árið 2013 ein-
kenndist af úrvinnslu mála vegna
gengishruns krónunnar og dómum
Hæstaréttar um ólögmæti geng-
istryggðra lána, en í lok síðasta
árs ríkti enn óvissa um verðmæti
útlánasafns félagsins. Stjórnendur
Lýsingar segja að þótt gert sé ráð
fyrir að svo verði einnig á þessu ári
þá standi vonir einnig til þess að
fjöldi nýrra viðskiptasamninga
muni aukast á árinu. Í mars keypti
Lýsing Lykil af MP banka.
Í skýringu með ársreikningnum
er rifjaður upp dómur Hæstaréttar
15. febrúar 2012 þar sem staðfest
var sú meginregla að samninga
með ólögmætri gengistryggingu
ætti að endurreikna með lægstu
vöxtum Seðlabankans frá stofn-
degi kröfu og að kröfuhafi ætti
rétt á greiðslu frá skuldara á því
sem hefði verið vangreitt. Dóm-
urinn hafi hins vegar byggst á und-
antekningu um að fullnaðarkvittun
kröfuhafa gæti, að vissum skil-
yrðum uppfylltum, valdið því að
hann glataði frekari kröfu.
Lýsing nefnir að nokkrir dómar
hafi frá þeim tíma fallið sem varpi
skýrara ljósi á það hvenær skuldari
telst hafa fullnaðarkvittun og við
hvaða aðstæður hún víki til hliðar
meginreglunni um fullar efndir.
Vegna þessarar lagaóvissu gjald-
færir Lýsing 4,7 milljarða var-
úðarniðurfærslu en einnig hafa
aðrar ráðstafanir verið gerðar,
m.a. að leggja inn á vörslureikning
greiðslur viðskiptamanna eftir 15.
febrúar 2012 á mögulega upp-
greiddum samningum.
4,7 milljarða varúðarfærsla
ENN ÓVISSA UM VIRÐI ÚTLÁNASAFNS LÝSINGAR