Morgunblaðið - Sunnudagur - 27.07.2014, Blaðsíða 6

6 MORGUNBLAÐIÐ SUNNUDAGUR 27.7. 2014
HEIMURINN
George Harrison en
Að minnsta kosti
Mariya
Putína
Ayelet Shaked segir gagnrýn-
ina á sig að undanförnu
byggða á misskilningi. Runna
undan rifjum „vinstrimask-
ínunnar“ sem noti hvert tæki-
færi til að koma höggi á Ísrael
og kenna ríkinu um stríð sem
það hafi alls ekki óskað eftir. Í
hinni alræmdu fésbókarfærslu
um „litlu snákana“ kveðst
Shaked hafa verið að vitna til
skrifa vinar síns, blaðamanns-
ins Uri Elitzur, fyrir tólf árum.
Hann er nú látinn.
Kjarninn í máli Elitzurs sé
að ráðist eitt ríki á börn ann-
ars ríkis, svo sem Hamas hafi
gert með eldflaugaárásum
sínum á Ísrael, geti börn þess
ríkis ekki lengur verið óhult
heldur.
Hafandi sagt þetta ítrekar
Shaked það sjónarmið að Ha-
mas beri alla ábyrgð á stríðs-
ástandinu og þar af leiðandi
mannfallinu að undanförnu.
„Við viljum gott líf, frið og
velmegun öllum íbúum frá
ánni Jórdan að Miðjarðarhaf-
inu til handa. Blómstri araba-
samfélagið blómstrar gyð-
ingasamfélagið og öfugt. Svo
það sé alveg á hreinu þá for-
dæmi ég allar árásir á
óbreytta borgara, hvort sem
þeir eru gyðingar eða arab-
ar,“ segir hún í The Jerusalem
Post. „En til þess að ná því
markmiði verða þeir [Hamas]
að hætta að skjóta eldflaugum
á okkur.“
FORDÆMIR ÁRÁSIR Á
ÓBREYTTA BORGARA
Sjö ára gömul palestínsk stúlka á spít-
ala eftir loftárásir Ísraelshers í vikunni.
Hún er ung. Hún er falleg.Hún er háskólamenntaðurtölvuverkfræðingur. Hún
er líka ísraelskur þingmaður – og
ástæðan fyrir því að mér er skapi
næst að brenna ísraelska vegabréfið
mitt. Bak við þessi stóru augu,
þetta saklausa andlit býr nefnilega
engill dauðans.“
Á þessum orðum hefst pistill
bresk/ísraelsku blaðakonunnar Miru
Bar Hillel í breska dagblaðinu In-
dependent á dögunum. Konan sem
fær þessa voðalegu einkunn er Aye-
let Shaked sem situr á ísraelska
þinginu, Knesset, fyrir Bayit Ye-
hudi-flokkinn. „Það þýðir að hún er
vel til hægri við Benjamin Net-
anyahu, hafi menn haldið að það
væri ekki mögulegt,“ skrifar Bar
Hillel.
Shaked hefur sætt gagnrýni að
undanförnu vegna harðrar afstöðu
sinnar gegn Palestínumönnum og
hafa fésbókarfærslur hennar farið
fyrir brjóstið á fleirum en Bar Hil-
lel. Þannig líkti Recep Tayyip Er-
dogan, forsætisráðherra Tyrklands,
Shaked nýverið við Adolf Hitler.
„Létu Palestínumenn orð af þessu
tagi falla myndi gjörvöll heims-
byggðin fordæma þá,“ sagði Erdog-
an.
Þar vísaði hann til eftirfarandi
fésbókarfærslu: „Bak við sérhvern
hryðjuverkamann er fjöldinn allur
af körlum og konum sem gera hon-
um kleift að vinna voðaverkin. Þau
eru öll óvinahermenn og blóðið
kemur yfir höfuð þeirra allra [bibl-
íutilvitnun, innsk. blm]. Það á líka
við um mæður píslarvottanna, sem
senda þá til heljar með blómum og
kossum. Þær ættu að fylgja sonum
sínum, það væri hið fullkomna rétt-
læti. Þær eiga að fara, eins heim-
ilin, þar sem snákarnir voru aldir.
Að öðrum kosti vaxa fleiri litlir
snákar úr grasi.“
Spyrjið Palestínumenn
Skömmu áður skrifaði Shaked: „Við
erum ekki í stríði gegn hryðjuverk-
um, ekki í stríði gegn öfgamönnum
og ekki einu sinni í stríði gegn pal-
estínskum stjórnvöldum. Veruleik-
inn er sá að þetta er stríð milli
tveggja þjóða. Hver er óvinurinn?
Palestínska þjóðin. Hvers vegna?
Spyrjið hana, hún kom þessu af
stað.“
Mira Bar Hillel segir þessi orð
Shaked hafa fengið sig til að hugsa
um móðursystur sína, Klöru, og
litlu börnin hennar þrjú sem bjuggu
í Kraká þegar nasistar réðust þang-
að inn árið 1939. „Þeir ákváðu að
gyðingar – allir gyðingar – væru
óvinurinn og þeim yrði að útrýma,
ekki síst konunum og litlu snák-
unum sem þær væru að ala upp.
„Hvers vegna? Spyrjið þær – þær
komu þessu af stað“, eins og nasist-
arnir hefðu væntanlega sagt,“ skrif-
ar Bar Hillel. Hún kynntist Klöru
og börnunum aldrei enda hurfu þau
af yfirborði jarðar árið 1942.
Sömu sögu má segja um föður-
bróður hennar, sem lét lífið í sömu
fangabúðum og Anna Frank.
„Ég veit hvað það er að vera
bjargarlaust fórnarlamb, að lifa og
deyja undir oki rasískra kúgara,“
skrifar Bar Hillel. „Ég veit líka að
Ísraelsmenn eru ekki lengur fórn-
arlömbin, heldur illvirkjarnir í
hörmungunum sem nú ganga yfir.
Hamas eru sannarlega ömurlegir
morðingjar, belgfullir af hatri, sem
myndu glaðir uppræta Ísraelsríki
væru þeir þess megnugir. Stað-
reyndin er á hinn bóginn sú að það
er Ísrael sem býr að skriðdrekum,
eldflaugum, fallbyssum, kjarnaodd-
um og vörnum Golíats, meðan
óbreyttir Gazabúar áttu ekkert fyr-
ir viku og ennþá minna í dag eftir
að sjúkrahús og skólar hafa verið
sprengd í loft upp.“
Bar Hillel hryllir við því að fjöldi
ísraelskra ungmenna hafi tekið und-
ir málflutning Shaked upp á síð-
kastið og vitnar til fésbókarfærslna
á borð við þessa: „Arabar, megið
þið lamast og deyja kvalafullum
dauða!“
Bar Hillel furðar sig líka á því að
ungmennin séu hvergi bangin við
að hengja ljósmyndir af sjálfum sér
við færslurnar. Með bros á vör.
„Þegar ég sé þessar englaásjónur
hvetja kinnroðalaust til þjóðar-
morðs gríp ég til ísraelska vega-
bréfsins míns og eldspýtna. Ekki í
mínu nafni, gott fólk. Ekki í mínu
nafni!“
Hvað býr bak
við augun?
ÍSRAELSKA ÞINGKONAN AYELET SHAKED HEFUR SÆTT
HARÐRI GAGNRÝNI AÐ UNDANFÖRNU VEGNA MÁL-
FLUTNINGS SEM ÞYKIR ALA Á HATRI Í GARÐ PALEST-
ÍNUMANNA, EKKI SÍST KVENNA OG BARNA. HEFUR HENNI
MEÐAL ANNARS VERIÐ LÍKT VIÐ ADOLF HITLER. SHAKED
SEGIR GAGNRÝNINA BYGGÐA Á MISSKILNINGI.
Ayelet Shaked er 38 ára gömul þingkona í Ísrael. Hún er gift og á tvö börn.
* Ég veit hvað það er að vera bjargarlaust fórnarlamb,að lifa og deyja undir oki rasískra kúgara.Blaðakonan Mira Bar Hillel.AlþjóðamálORRI PÁLL ORMARSSON
orri@mbl.is