Morgunblaðið - 13.08.2014, Blaðsíða 16
BAKSVIÐ
Kristinn Ingi Jónsson
kij@mbl.is
Bókfært virði eignarhlutar Arion
banka í Bakkavör Group var tæpir
7,3 milljarðar króna í lok seinasta
árs. Bankinn á rúman fjórðungshlut
í félaginu sem til stendur að selja.
Viðræður standa nú yfir við ráð-
gjafa, þar á meðal breska bankann
Barclays, sem gætu komið að sölunni
og fundið áhugasama kaupendur.
Lífeyrissjóður verslunarmanna og
Gildi – lífeyrissjóður hafa jafnframt í
hyggju að selja hluti sína í Bakkavör.
Lífeyrissjóðirnir tveir eiga um 12%
hlut í félaginu sem er metinn á um
3,1 milljarð króna. Árni Guðmunds-
son, framkvæmdastjóri Gildis, segir
í samtali við Morgunblaðið að það
hafi aldrei verið leyndarmál að sjóð-
urinn hafi hug á að selja hlut sinn, fá-
ist viðunandi verð fyrir hann. Eitt-
hvað hafi verið um þreifingar og
fyrirspurnir frá áhugasömum fjár-
festum en ekkert sé enn fast í hendi.
Beðið sé eftir rétta tímapunktinum.
Aðspurður segir Þórhallur B.
Jósepsson, upplýsingafulltrúi Líf-
eyrissjóðs verslunarmanna, að reynt
hafi verið að selja hlut lífeyrissjóðs-
ins í félaginu um nokkurt skeið.
Hann segist ekki geta tjáð sig um
hugsanlegt söluverð en bendir á að í
fyrra hafi sala strandað á því að ekki
hafi fengist nógu hátt verð fyrir hlut-
inn, að mati seljenda.
Haraldur Guðni Eiðsson,
forstöðumaður samskiptasviðs
Arion banka, vildi ekki tjá sig um
málið.
Arion banki á 62% hlut í samlags-
hlutafélaginu BG12, sem heldur utan
um 46% eignarhlut í Bakkavör. Fé-
lagið var stofnað í fyrra af bankanum
og nokkrum lífeyrissjóðum og fjár-
festingarsjóðum. Lífeyrissjóður
verslunarmanna á tæpan 15% hlut í
félaginu og Gildi tæpan 12% hlut.
Bakkabræður enn stærstir
Lýður og Ágúst Guðmundssynir,
stofnendur Bakkavarar, eru enn sem
áður stærstu einstöku hluthafar fé-
lagsins með um 40% hlut, að því er
segir í frétt Sky. Þeir bættu við sig
eignarhlutum hratt árið 2012, en þá
keyptu þeir hluti af fyrrverandi
kröfuhöfum sínum sem breyttu
skuldum Bakkavarar í nýtt hlutafé.
Á meðal þeirra voru Lífeyrissjóður
starfsmanna ríkisins, þrotabú
Glitnis, sjóðsstýringarfyrirtæki í
eigu Íslandsbanka og MP banki.
Fram kom í fjölmiðlum á þeim
tíma, um haustið 2012, að blokk ann-
arra kröfuhafa, þar sem Arion banki,
Lífeyrissjóður verslunarmanna og
Gildi fóru fremstir í flokki, hefði
neitað að selja þeim bræðrum
eignarhluti sína.
Eins og Morgunblaðið hefur
greint ítarlega frá hafa félög í eigu
bræðranna komið með milljarða
króna í gegnum fjárfestingarleið
Seðlabanka Íslands undanfarin ár.
Bakkavör tapaði 1,2 milljónum
punda, jafnvirði um 234 milljóna
króna, á fyrsta fjórðungi ársins.
Hagnaður síðasta árs nam hins
vegar 115 milljónum punda.
Hluturinn metinn á 7,3 milljarða
Arion banki hefur í hyggju að selja fjórðungshlut sinn í Bakkavör Group Bókfært virði hlutarins er
rúmir sjö milljarðar króna Lífeyrissjóðir hafa fengið fyrirspurnir frá áhugasömum fjárfestum
Lýður
Guðmundsson
Ágúst
Guðmundsson
16 FRÉTTIRViðskipti | Atvinnulíf
MORGUNBLAÐIÐ MIÐVIKUDAGUR 13. ÁGÚST 2014
Frakkland var
vinsælasti
áfangastaður
ferðamanna í
fyrra, en tæp-
lega 85 milljón
ferðamenn sóttu
landið heim.
Ferðamönnum
fjölgaði um 2%
frá árinu 2012 og
munar þar mestu
um fjölgun kínverskra ferðamanna.
Fjórðungi fleiri Kínverjar ferð-
uðust til Frakklands í fyrra en árið
áður, að því er segir í frétt AFP.
Næstflestir komu til Bandaríkj-
anna, eða tæplega sjötíu milljón
ferðamenn, og tæplega 61 milljón
lagði leið sína til Spánar.
Tekjur af hverjum og einum
ferðamanni hafa dregist saman og
gista nú jafnframt færri á hótelum
en áður. Meðalferðamaðurinn hef-
ur einnig lengt dvöl sína erlendis
og dvelur að jafnaði í sjö daga.
Flestir til
Frakklands
85 milljónir heim-
sóttu Frakkland.
Ísland er eina ríkið á Norðurlöndum
sem hefur ekki innleitt lög sem ætl-
að er að bæta umhverfi erlendra sér-
fræðinga. Skattaumgjörð þeirra er
óhagstæðari hér á landi en víða ann-
ars staðar og afgreiðsla dvalar- og
atvinnuleyfa tekur jafnframt lengri
tíma.
Engir hvatar eru fyrir erlenda
sérfræðinga til að vinna fyrir íslensk
fyrirtæki sem þarfnast starfskrafta
þeirra.
Þetta er meðal þess sem kemur
fram í nýrri skoðun Viðskiptaráðs
Íslands.
Viðskiptaráð leggur áherslu á að
samræma skattalega hvata við
grannríkin til þess að standast betur
samkeppni um sérhæft erlent vinnu-
afl. „Á öðrum Norðurlöndum njóti
erlendir sérfræðingar hagstæðari
skattakjara en innlendir aðilar en
hér á landi séu engir skattalegir
hvatar til staðar fyrir erlenda sér-
fræðinga,“ er bent á í umfjöllun Við-
skiptaráðs.
Ísland stendur höllum fæti
Í skoðuninni segir enn fremur að
með aukinni alþjóðavæðingu sækist
fyrirtæki í auknum mæli eftir að
ráða erlenda sérfræðinga. Ísland
standi höllum fæti í samkeppni um
sérhæft starfsfólk, meðal annars
vegna gjaldeyrishafta og takmark-
aðs framboðs alþjóðlegra skóla.
Viðskiptaráð telur nauðsynlegt að
bæta umhverfi erlendra sérfræðinga
hér á landi til að alþjóðleg atvinnu-
starfsemi geti vaxið hér.
„Aukið innflæði slíkra starfs-
krafta myndi styðja við uppbygg-
ingu alþjóðlegra fyrirtækja hér-
lendis, fjölga störfum í
þekkingartengdum greinum og auka
útflutningstekjur þjóðarbúsins.
Hægt er að bæta úr þessum mál-
um strax í dag. Skattaumgjörð í
samræmi við önnur Norðurlönd,
skjótari afgreiðsla atvinnu- og
dvalarleyfa, aukið framboð á al-
þjóðlegri menntun og lögbundin
undanþága frá gjaldeyrishöftum eru
hlutir sem skipta þar sköpum. Slíkar
umbætur myndu styrkja stoðir al-
þjóðlegrar starfsemi fyrirtækja hér-
lendis og leiða þannig til bættra lífs-
kjara,“ segir í skoðuninni. kij@mbl.is
Morgunblaðið/Eggert
Alþjóðavæðing Frosti Ólafsson, framkvæmdastjóri Viðskiptaráðs Íslands.
Ráðið telur mikilvægt að bæta umhverfi erlendra sérfræðinga hérlendis.
Telur mikilvægt að bæta um-
hverfi erlendra sérfræðinga
fi p y j g p
C p i ð lh kl lme va netu-vinaigrette og ettasa ati Grafið lam
Villibráðar-paté prikmeð pa
Bruchetta tarsmeð tvíreyktu hangikjöti, balsamrauðlauk og piparró
Bruchetta með hráskinku, balsam nmog grill uðu Miðjarðarhafsgræ
- salat skufer
ðbo
arðameð Miðj
kjRisa-ræ
með peppadew iluS
ajónmeð japönsku m
het
Hörpuskeljar má, 3 s
Frönsk súkkulaðikaka skum/rjóma og fer
Vanillufylltar vatnsdeigsbollur arbSúkkulaðiskeljar með jarð
Kjúklingur-satay á spjóti með ídýfu Teryaki-lamb á spjóti R
ahörpuskel maríneruð á pinna Túnfiskur í sesamhjúp á spjóti mSími 511 8090 • www.yndisauki.is
Veitingar fyrir öll tækifæri,
stór og smá, fyrir einstaklinga
og fyrirtæki.
Markmið okkar er alltaf það
sama, glæsilegar veitingar
og ómótstæðilegt bragð.
Persónuleg og góð þjónusta.
HEILSA OG LÍFSTÍLL
SÉRBLAÐ
PÖNTUNARTÍMI AUGLÝSINGA:
Fyrir kl. 16, mánudaginn 18. ágúst
Í blaðinu verður
kynnt fullt af þeim
möguleikum sem í
boði eru fyrir þá sem
stefna á heilsuátak
og lífstílsbreytingu
haustið 2014.
–– Meira fyrir lesendur
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
Morgunblaðið
gefur út
sérblað um
heilsu og lífstíl
föstudaginn
22. ágúst.