Morgunblaðið - 13.08.2014, Blaðsíða 36
36 DÆGRADVÖL
MORGUNBLAÐIÐ MIÐVIKUDAGUR 13. ÁGÚST 2014
Vagnhöfða 11, 110 Reykjavík | S. 577-5177 | linuborun@linuborun.is | www.linuborun.is
Af hverju grafa þegar hægt er að bora?
Reynsla - þekking - við komum og metum
Við notum stýranlegan jarðbor
sem borar undir götur, hús, ár
og vötn.
Umhverfisvænt - ekkert jarðrask•
Meira öryggi á svæðinu•
Sparar bæði tíma og peninga.•
Borum fyrir nýjum síma-, vatns-, rafmagns-
og ljósleiðaralögnum.
Stjörnuspá
21. mars - 19. apríl
Hrútur Það er alveg ástæðulaust að þú sért
að burðast með allar syndir heimsins á
herðunum.
20. apríl - 20. maí
Naut Ef þú ert vel upplýstur geturðu gert
gáfulegar ráðstafanir. Hættu að reyna að
vera allt í öllu fyrir alla. Notaðu tækifærið til
að fanga athygli allra nú þegar röðin kemur
loksins að þér.
21. maí - 20. júní
Tvíburar Eins oft og þú hefur verið varaður
við því að sóa ekki dýrmætum tíma er ljóst
að tíminn rennur þér úr greipum í dag. Lífs-
gleði þín um þessar mundir heimtar að þú
dragir þetta fram.
21. júní - 22. júlí
Krabbi Það fer ekki alltaf saman að það
sem mann langar til sé það sem manni er
fyrir bestu. Taktu þér tíma í að gera hana
endanlega upp. Nú væri upplagt að gera sér
glaðan dag í góðra vina hópi.
23. júlí - 22. ágúst
Ljón Þú átt gott með að umgangast aðra
svo að þú skalt nýta þér þann hæfileika sem
best þú getur. Allir þurfa endrum og eins að
fá að vera óþekkir og nú er þinn tími kom-
inn.
23. ágúst - 22. sept.
Meyja Þú vanmetur verðleika þína. Kannski
vildir þú helst fá staðgreitt en það sem þú
gerir úr þessu tækfiæri skilur milli örbirgðar
og allsnægta, eða þannig.
23. sept. - 22. okt.
Vog Sagan sem útlitið segir er ekki öll sag-
an. Og mundu að aðrir vita það ekki. Við-
vörun: Það er fólk sem mun mjólka þig eins
og það getur.
23. okt. - 21. nóv.
Sporðdreki Það skiptir ekki máli hversu
lengi þú þarft að vinna, gættu þess að eyða
tíma með fjölskyldunni. Hugsaðu um eigin
velferð.
22. nóv. - 21. des.
Bogmaður Leggðu þig alla/n fram um að
sýna börnum þínum og maka þolinmæði í
dag. Sinntu starfinu af kostgæfni og einka-
málunum utan þess.
22. des. - 19. janúar
Steingeit Reyndu að sýna lipurð þegar þú
vinnur málstað þínum framgang. Stattu fast
á þínu og treystu eigin dómgreind.
20. jan. - 18. febr.
Vatnsberi Augu þeirra sem eru í kringum
þig eru að opnast fyrir þeim hæfileikum
sem þú ert gæddur. Ef þú einbeitir þér að
viðtökunum eyðileggur það fyrir tjáningunni.
19. feb. - 20. mars
Fiskar Láttu ekkert hnika þér af leið heldur
haltu þínu striki hvað sem á dynur. Eitthvað
er að gerjast djúpt inni í þér.
Konan að heiman,“ er yfirskriftlimru Þorleifs Konráðssonar á
Boðnarmiði:
Einveruna illa þekki,
eða húmsins myrku hrekki,
húllum hæ
hæ og bæ
einn ég sit og sauma ekki!
Helga Björnssyni var boðin líf-
trygging og varð það honum efni í
hugleiðingu:
Líf sem Guð mér lét í té
leið er stundum byrði.
Núna er mér sagt það sé
sex milljóna virði.
Hjálmar Freysteinsson bregður á
leik í limru:
Þorfinnur þögli frá Mó
af þögninni loksins fékk nóg.
Þá sagð’ann: Jæja!
Það lét hann nægja,
og þagði svo þar til hann dó.
Gunnar Kr. Sigurjónsson tekur
gleði sína:
Nú er gleði um byggð og ból,
bjartur lyftist andi.
Loksins aftur sást í sól,
á sunnanverðu landi.
Sigurlín Hermannsdóttir segir
útlit fyrir lélega eða að minnsta
kosti síðbúna berjasprettu í sum-
arlandinu:
Ég leitaði blárra berja
en bara fann þá tvö.
Kannski er meira um krækiber
því komin nú eru sjö.
Samt gat ég ei annað en glaðst við
hvern grænjaxl, þótt sé smár
því ef til vill verður einhver þeirra
einhvern tíma blár.
Ingólfur Ómar Ármannsson yrk-
ir á heimaslóðum í Skagafirði:
Glaður arka grund og mó
gamlar slóðir kunnar.
Til að finna frið og ró
í faðmi náttúrunnar.
Þegar birtu var tekið að bregða
29. júlí arkaði hann með félaga sín-
um upp Esjuna:
Degi hallar húmar að
hulduvættir kalla,
Ómar og Helgi arka af stað
upp til hárra fjalla.
Pétur Blöndal
p.blondal@gmail.com
Vísnahorn
Af einveru, líftryggingu
og Þorfinni þögla
Í klípu
„OF MIKIÐ KAFFI,
EINA FERÐINA ENN?“
eftir Mike Baldwin eftir Jim Unger
„ÉG ER AÐ SAFNA FYRIR
VELFERÐARSAMTÖK AFBROTAMANNA.“
Hermann
Ferdinand
Hrólfur hræðilegi
Grettir
... þar sem þú
finnur hana.
VEGTOLLUR 500 KR.AÐALBANKINN
MÉR FINNST RÉTT AÐ
STANDA LÝÐRÆÐISLEGA
AÐ ÞESSU ...
SVO HVER VILL TAKA AÐ SÉR
AÐ SKIPTA RÁNSFENGNUM Á
MILLI OKKAR?
ÉG SKAL!
ÉG SKAL!
TIL FORNA TRÚÐI FÓLK ÞVÍ
AÐ KETTIR BOÐUÐU GÆFU.
EN ÞAU
DÓU ÖLL.
HVER GEFUR
ÞÁ KÖTTUNUM
AÐ ÉTA?!
Víkverji hlustaði á sínum yngri ár-um mikið á hljómsveitina The
Doors. Einhvern tímann kom hann í
Pere Lachaise kirkjugarðinn í París
þar sem Jim Morrison, forkólfur
hljómsveitarinnar, liggur grafinn.
Leiði ýmissa annarra stórmenna er
að finna í garðinum og má þar nefna
Mariu Callas, Chopin og Marcel
Proust. Víkverji fékk samt á tilfinn-
inguna að flestir kæmu til að sjá leiði
rokkstjörnunnar og höfðu einhverjir
meira að segja krotað örvar á veggi
og kanta til að vísa veginn að hinsta
hvílustað hans.
x x x
Breska söngkonan Marianne Fait-hfull er eins og stríðskempa,
sem heldur reisn og virðingu eftir að
hafa marga hildi háð. Hún er
kannski ekki þekktasta stjarna
rokksögunnar, en kemur þar víða
við og hefur frá ýmsu að segja. Við-
tal við hana í tímaritinu Mojo hefur
vakið athygli vegna þess að þar segir
hún að kærasti sinn hafi í ógáti drep-
ið Jim Morrison, söngvara hljóm-
sveitarinnar The Doors, fyrir 43 ár-
um.
x x x
Morrison fannst látinn í baðher-bergi íbúðar sinnar í París í júlí
1971, aðeins 27 ára gamall. Lík hans
var aldrei krufið. Faithfull segir í
viðtalinu að kærasti hennar á þeim
tíma, Jean de Breteuil, sem var
þekktur fyrir að selja stjörnunum
heróín, hafi í ógáti drepið Morrison
með því að láta hann hafa of sterk
eiturlyf.
x x x
Parið hafði ferðast til Parísar ogvið komuna sagðist de Breteuil
þurfa að heimsækja Morrison í íbúð
hans. Faithfull varð eftir á hótelher-
bergi. „Ég fann á mér að vandræði
voru í aðsigi,“ sagði hún í viðtalinu.
„Ég ákvað að taka nokkrar Tuinal
(deyfilyf) og vera ekki á staðnum.
Hann fór að hitta Jim Morrison og
drap hann. Ég er viss um að það var
slys. Aumingja ræfillinn. Var heróín-
ið of sterkt? Já. Og hann dó … allir
sem tengjast dauða þessa aumingja
manns eru nú dánir. Nema ég.“
De Breteuil fannst sjálfur látinn í
Marokkó nokkrum vikum eftir and-
lát Morrisons. víkverji@mbl.is
Víkverji
Ég er góði hirðirinn. Góði hirðirinn
leggur líf sitt í sölurnar fyrir sauðina.
(Jóhannesarguðspjall 10:11)
mbl.is