Morgunblaðið - Sunnudagur - 24.08.2014, Síða 32

Hann er ekki stór miðað við Samsung S5 en stór miðaðvið iPhone: 146,3x74,6x8,9 mm að stærð og 149 g aðþyngd. Við fyrstu sýn er eins og boddíið á honum sé
úr málmblöndu en þegar maður er kominn með símann í
hendurnar kemur hið sanna í ljós – hann er úr plasti með
málmkanti. Eitt sem tók smá tíma að venjast við G2 var að
hnapparnir til að hækka/lækka og kveikja/læsa voru aftan á
símanum. Þeir eru þar enn á G3, en betur útfærðir, auðveld-
ara að finna þá þegar maður rennir fingrinum eftir bakinu og
í raun einkar skemmtilega útfærðir. Þetta er náttúrlega gert
til að hægt sé að hafa símann nettari og venst þó að það sé
ankannalegt til að byrja með.
Í auglýsingum fyrir símann er
mikið látið með skjáinn á honum,
enda ein mesta, ef ekki mesta,
upplausn sem fáanleg er á síma-
skjá. Þar beina LG-bændur sjón-
um að Apple, enda hefur Apple
haldið því á lofti að upplausnin í
Retina-skjám fyrirtækisins sé það
mikil að augað greini ekki díla við
venjulega notkun og er þá miðað
við um það bil 300 díla á tommu. Þetta er þó ekki nákvæm
lýsing, því sumir skjáir sem Apple kallar Retina eru með
minna en 300 díla á tommu, á iPhone 4-5 og á iPad mini er
dílaþéttleiki 326 PPI, en 264 á iPad Air, svo dæmi sé tekið, en
Apple-bændur reikna einnig með fjarlægð frá skjá og gefur
augaleið að farsími er alla jafna nær auganu en spjaldtölva.
Ýmsir hafa dregið staðhæfingar Apple í efa hvað varðar
Retina-skjái, þó að það sé eðlilega fyrst og fremst markaðs-
hugtak en ekki vísindalegt fyrirbæri, og þar á meðal eru
tæknimenn LG sem bentu á það þegar G3-síminn var kynntur
að raunveruleg Retina-upplausn á farsíma ætti að vera 540
dílar á tommu, en ekki um 300. Í framhaldi af því stærðu þeir
sig svo af því að LG G3 væri með 534 díla á tommu, sem er
það hæsta sem ég hef séð á farsíma og kallast XXHDPI,
eXtra eXtra High Density (á iPhone 4-5 er þá XHDPI-skjár)
þó að LG kalli hann Quad HD (og sjónvarpsframleiðendur
kalli 4K). Skjárinn er annars 5,5" og upplausnin 1.440 x 2.560
dílar, sem telst True HD.
Á pappírnum er hér því kominn öflugasti skjár á farsíma
sem um getur, hérlendis í það minnsta, en á móti kemur
náttúrlega að til þess að njóta mikillar upplausnar verður efn-
ið sem skoðað er að vera í hárri upplausn. BlueRay-rip af
The Secret Life of Walter Mitty var þannig framúrskarandi
flott á skjánum en YouTube-myndskeið lakari, nema hvað. Að
þessu sögðu gefur uppfærsla á símanum kost á því að sjá
YouTube-vídeó í upplausninni 1.440 p, sem er umtalsvert
meira en það besta sem annars er í boði (mest 1.040 p). Þetta
er þó sýnd veiði en ekki gefin, enn sem komið er, því þótt
þessi uppfærsla sé fáanleg ytra náði ég ekki að uppfæra sím-
ann.
Eitt af því sem framleiðendur hafa notað til að skera sig úr
í samkeppninni er að eiga við staðlaða notendaviðmótið á
Android, samanber Samsung TouchWiz, HTC Sense og LG
Optimus UI. Segja má að þær breytingar hafi náð hámarki á
Samsung Galaxy S4, þar sem svo miklu var bætt við að það
tók mann nokkra daga að kynnar sér allar nýjungar og
nokkrar vikur að átta sig á að maður vildi ekki nota þær
(flestar). Viðmótið á LG G2 var aftur á móti nokkuð þægi-
legra og einfaldara að eiga við, en þó full snúið. Þegar kveikt
er á G3 blasir aftur á móti við nýtt viðmót og verulega endur-
bætt útlit á val- og táknmyndum. Notendaskilin sjálf eru
einkar skemmtileg og auðvelt að sýsla með þau og þó að vél-
búnaður í símanum sé verulega endurbættur finnst mér
endurbætt og einfölduð notendaskil og viðmót allt mesta bylt-
ingin. Dæmi um þetta er til að mynda að hægt er að fjar-
lægja þau forrit sem fylgja með símanum (það er ekki hægt á
Samsung-símum) og annað dæmi hve einfalt það er að taka
ljósmynd, bara beina símanum að því sem á að mynda og um
leið og fókus er valinn með því að smella á skjáinn tekur sím-
inn mynd.
Þó að einfaldleikinn sé aðall símans er líka sitthvað nýtt í
boði, misgagnlegt eins og gengur. Eitt af því er að hægt er
að nota bank til að opna símann, þ.e. maður býr til mynstur
sem síðan er slegið á bak símans til að aflæsa honum. Annað
sem mér finnst snjallt er að í hulstri fyrir símann sem LG
framleiðir er hringlaga op á lokinu og hægt er að sýsla með
forrit í gegnum opið án þess að opna símann (síminn velur
sjálfur þau sex forrit sem maður notar mest og raðar þeim í
opið).
Örgjörvinn er fjögurra kjarna 2,5 GHz Snapdragon 801
með Adreno 330 grafíkörgjörva. Gagnaminni í símanum er 16
GB eða 32 GB, en vinnsluminni 2 GB. Það er líka á honum
rauf fyrir microSD-minniskort og má vera allt að 128 GB.
Rafhlaðan er 3.000 milliamper, sem hljómar vel á pappírnum,
en skjárinn heimtar sitt svo að rafhlöðuending er miðlungi
góð, nógu góð sem sagt, en ekki meira en það. Fyrir ein-
hverjar sakir er hann þó fljótari að hlaða sig en ég átti von á.
LG G3 er fáanlegur í þremur litum, svartur (dökkgrár),
gylltur og hvítur. Hann er ýmist 32 GB eða 16 GB. Fyrri
gerðin kostar 119.900 hjá Símanum og sú seinni 109.900. Hjá
Nova og Vodafone kosta símarnir 90 kr. meira.
FLAGGSKIP FARSÍMANNA
SAMKEPPNIN Á FARSÍMAMARKAÐNUM ER KAPP-
HLAUP ÞAR SEM MENN SKIPTAST Á AÐ HAFA
FORYSTU; NÝTT FLAGSKIP SKÁKAR ÖLLUM SEM
FYRIR ERU Á MARKAÐI OG ER ÞVÍ BEST – ÞAR
TIL ÖÐRU ER HLEYPT AF STOKKUNUM. SVO ER
ÞVÍ FARIÐ MEÐ LG – G3 ER BESTI ANDROID-
FARSÍMI Á MARKAÐI Í DAG OG REYNDAR BESTI
FARSÍMINN ÞVÍ HANN SNÝTIR IPHONE LÍKA.
* Eins og getið er þá er skjárinn 5,5 tommur,sem er býsna stórt, eða svo fannst manni þegar
fyrstu farsímarnir fóru yfir fimm tommurnar. Að
því sögðu fer síminn einkar vel i hendi,
rúnnaðir kantar sjá til þess, svo vel
að manni finnst hann eiginlega ekki
vera stór – en kannski er ég bara
búinn að venjast svo stórum farsím-
um.
* Myndavélin er býsna öflug, tekur13 MP myndir, sem gefur upplausn upp
á 4.160x3.120 díla. Hún er með leysi-
sýrða skerpu (fókus), hristivörn í linsu og
2 LED leifturljós meðal annars. Hann tekur
2.160 p vídeó á 30 römmum á sekúndu, með
hristivörn, HDR-stillingu og stereóupptöku á
hljóði. Myndavélin á framhlið er 2,1 MP.
* Síminn styður líka þráðlausa hleðslu, eins ogallir almennilegir símar munu gera í framtíðinni, en
hleðslutæki fylgir ekki – það þarf að kaupa sér, en ég
mæli eindregið með því. Ólíkt mörgum þráðlausum
hleðslutækjum er LG-græjan þannig að síminn stendur
nánast uppréttur í henni og því er hægt að hafa auga
með honum ef maður vill.
Græjan
ÁRNI
MATTHÍASSON
Græjur
og tækni
Hægt að skoða Ísland ókeypis
*Tæknirisinn Google hefur nú bætt nokkrumnáttúruperlum Íslands inn í götukort sitt,Street View, þar sem er hægt að skoða ognjóta fegurðar landsins við tölvuskjáinn meðaðeins nokkrum smellum. Þarna má sjá meðal annars gullna hringinn,Gullfoss, Geysi og Þingvelli, tjaldstæðið við
Skaftafell og Vatnajökul í allri sinni dýrð, sem
og Kerið í Grímsnesi.
Opnari markaðir og aukin lífsgæði
kalla á aukna orkunotkun mann-
kynsins. Á hverju ári eykst orku-
þörfin, sem að miklu leyti er mætt
með olíu-, kola- eða gasorkuver-
um. Til lengdar er þessi þróun
ekki talin æskileg og nauðsynlegt
að finna umhverfisvænni leiðir til
að beisla orku til almennra nota.
Vatnsfallsvirkjanir, vindorkuver og
sólarorka hafa sótt í sig veðrið á
undanförnum áratugum en það er
engan veginn nóg.
Vísindamenn við Sheffield-
háskóla telja sig vera komna með
vísi að lausn sem gæti aukið notk-
un sólarorku til muna, en hingað
til hefur hvort tveggja í senn mikill
kostnaður og takmörkuð nýting
verið helsta hindrun í vegi sól-
arorku. Til að yfirvinna vankantana
hafa vísindamenn skólans horft til
þess að nýta steinefnið perovskite,
sem fyrst var uppgötvað fyrir 150
árum. Steinefnið er mjög algengt
og því ódýrt að nota það í hvers
konar framleiðslu, en þar að auki
er talið að það sé betra en sílíkon
við vinnslu á sólarorku í rafmagn.
Þó svo að nýtingin sé enn ekki jafn
góð og með sílikoni eru þeir sem
standa að rannsókninni bjartsýnir á
að hún eigi eftir að aukast. Auk
þess að efnið er ódýrara í fram-
leiðslu er jafnframt vonast til þess
að vinna úða sem hægt væri að
sprauta á yfirborð efnis til að safna
raforku úr sólarljósi.
ORKUFRAMLEIÐSLA VERÐUR AÐ VERA UMHVERFISVÆNNI
Sólarorka alls staðar
Verður sólarorka uppistaða orkusöfnunar mannkynsins í framtíðinni? Nú spyrja sérfræðingar stórra spurninga. Hér
má sjá turnana þrjá í Mojave eyðimörkinni í Bandaríkjunum en þeir eru stærstu sólarorkuver í heimi.
AFP