Morgunblaðið - Sunnudagur - 24.08.2014, Blaðsíða 38

Fjármál
heimilanna
Útlandalíf í ellinni
*Væri ekki gaman að verja elliárunum í út-löndum, þar sem veður eru mild og verðlagiðbetra? Þeir sem vilja prufa slíkt ættu að skoðaárlega lista International Living yfir bestustaðina til að setjast í helgan stein. Er þarm.a. tekið tillit til framfærslukostnaðar ogfasteignaverðs, menningar, heilbrigðisþjón-
ustu og veðurfars. Efst trónir Panama, þá
Ecuador, Malasía, Costa Rica og svo Spánn.
Magnús Ingi Magnússon lífgar upp á
Grandagarðinn með veitingastöðum
sínum Texasborgurum og Sjávar-
barnum. Þar stendur hann vaktina í
eldhúsinu og laðar til sín gesti víða að.
Hvað eruð þið
mörg í heimili?
Við erum tvö: ég og konan mín Anal-
isa fra Filipseyjum.
Hvað áttu alltaf til í
ísskápnum?
Pepsí Max, ost, tómata, gúrkur, skyr,
hrökkbrauð, tvíbökur og bollasúpur.
Hvað fer fjölskyldan með í
mat og hreinlætisvörur á
viku?
Um 20.000 kr.
Hvar kaupirðu helst inn?
Í bónus útá Granda hjá Franciscu í
bónus. Hún er frá Afríku, besti og já-
kvæðsat starfmaður sem ég hef
kynnst. Maður fer alltaf í gott skap
við að hitta hana. Ég bíð helst í bið-
röð lengur til að hitta á hana.
Hvað freistar mest í mat-
vörubúðinni?
Lamakjötið. Við eigum best lamkjöt í
heimi. Uppáhalds steikin mín er Ey-
vindur í sparifötum (súpukjöt í ofni)
með grænum orabaunum og rabab-
arasultu. Svo er ég veikur fyrir BBQ-
mat allskonar, Texas-style.
Hvernig sparar þú
í heimilishaldinu?
Erum alltaf í vinnuni á Texasborg-
urum og Sjávarbarnum. Nota
heimilið því lítið, sérstakalega á
sumrinn því þá erum við á vertíð.
Hvað vantar helst
á heimilið?
Málverk eftir Kjartan Ragnarsson.
Ætla að pranga inná hann fiski-
bolludíl. Kjartan var að gerast ná-
granni minn hér á Grandanum,
fékk fyrstu verðbúðina undir
vinnustofu.
Eyðir þú í sparnað?
Nei mað lifir bara einu sinni í
þessu jarðlífi og maður tekur
ekkert með sér yfir móðuna
miklu. Að eyða í sparnað er risa-
stórt samsæri. Það ætti engin að
eyða í sparnað.
MAGNÚS INGI MAGNÚSSON VEITINGAMAÐUR
Enginn ætti að eyða í sparnað
Magnús vill meina að sparnaður sé bara risastórt samsæri.
Nú gengur sá árstími í garð þegar
líkamsræktarstöðvarnar taka fyll-
ast. Haustið er tími háleitra mark-
miða og nú skulu vöðvarnir stæltir
og spikinu brennt áður en nýtt ár
gengur í garð.
Aurapúkin er þeirrar skoðunar
að það megi vel sleppa líkamsrækt-
arstöðvunum. Það hefur reynst
honum vel að einfaldlega gera sínar
æfingar heimafyrir og utandyra.
Púkinn áttaði sig eitt sinn á því
að sá tími sem það tekur að ein-
faldlega fara í ræktina og til baka er
meiri en tekur að hlaupa góðan
hring um hverfið. Lóð og lyft-
ingatæki eru kannski ágæt fyrir
lengra komna en Aurapúkanum
dugar feykivel að gera sínar arm-
beygjur á stofugólfinu.
Púkinn lærði líka að það getur
verið auðvelt að skrópa í ræktinni.
Sveiflur í orkustigi, vinnutíma og
einkalífi koma óreglu á daginn og
verða til þess að þjálfunnni er fórn-
að. Erfiðara er að skrópa þegar lík-
amsræktin felst í þvi einfaldlega að
reima á skóna og halda af stað út
um dyrnar þegar laus stund gefst.
púkinn
Aura-
Hagkvæm og
hentug þjálfun
S
njallsímar eru ekki bara til
að hringja símtöl, taka
myndir og hlusta á tónlist.
Snjallsíminn getur líka verið
gott hjálpartæki til að halda fjárhag
heimilisins á beinu brautinni.
Finna má fjölda snjallsímaforrita
sem gefa notandanum afslætti, að-
stoð við heimilisbókhaldi og bætta
yfirsýn yfir fjármálin.
Með bankann í vasanum
Fyrst má nefna snjallsímaforrit
bankanna. Íslensku bankarnir hafa
allir látið þróa handhæg snjallsíma-
forrit sem eru n.k. gátt inn í heima-
bankann. Þar er hægt að sjá inni-
stæður (eða yfirdrátt) reikninga,
skoða færslur, gera einfaldar milli-
færslur og fá meldingu þegar borg-
að er inn á reikninga. Þessi forrit
eru tilvalin til að vakta stöðuna á
debetkorta-reikningnum frá einum
degi til annars og vita upp á hár
hversu mikið er til ráðstöfunar á
hverjum tímapunkti.
Útgjöldin vöktuð
Viðskiptavinum bankanna stendur
líka til boða að sækja íslenska fjár-
málaforritið Meniga. Þar eru allar
greiðslur flokkaðar sjálfkrafa, hægt
að vakta útgjaldaflokka heimilisins
og betur gæta þess að fara ekki
fram úr áætlun. Ef greitt er með
reiðufé má skrá þau útgjöld inn
handvirkt, svo ekkert á að vanta og
allta nýjustu og nákvæmustu tölur í
bókhaldinu.
Þeir sem reynt hafa að setja sér
mánaðarleg útgjaldamarkmið vita
hvað það getur verið erfitt að halda
utan um allar færslurnar og kvitt-
anirnar, og auðvelt að láta eyðsluna
fara úr böndunum. Meniga leysir
þennan vanda og gott betur.
Peningar fyrir ekkert
Gomobile er annað sniðugt íslenskt
snjallsímaforrit. Þar er á ferðinni af-
sláttarforrit sem tengt er við kred-
itkort notandans. Þegar kortið er
notað fær hann afslátt í formi inn-
eignar í Gomobile-forritinu og kem-
ur afslátturinn jafnóðum þegar
verslað er við samstarfsfyrirtæki
forritsins. Inneignina er svo hægt að
nota til að versla í fjarskitabúð
Gomobile, t.d. til að kaupa flottan
nýjan farsíma eða einfaldlega greiða
símreikninginn. Gomobile unktar
safnast sjálfkrafa hjá 270 sölustöð-
um um land allt og dæmigerður not-
andi getur verið að á bilinu 3.000 til
7.000 kr inneign í mánuði hverjum.
Myndir og óskalisti
Tvö peningasparandi forrit koma
svo með öllum snjallsímum: mynda-
vélin og skrifblokkin.
Áður en haldið er af stað út í búð
getur verið sniðugt að taka mynd af
innihaldi ísskápsins og eldhússkáp-
anna. Þessi brella hjálpar mörgum
við að sjá betur hvað vantar og
hvað vantar ekki. Innkaupin verða
markvisari og minna keypt af
óþarfa.
Skrifblokkina má svo nota til að
hripa niður óskalista. Skrifaðu þar
niður hvað þig langar í eða bráð-
vantar. Þú ert þá með listann hand-
hægan í öllum búðarferðum og gott
að kíkja á þegar þú sérð eitthvað
sem freistar þín. Kannski áttarðu þá
á að betra er að sleppa að kaupa
sætu budduna eða flottu gallabux-
urnar sem þú fannst í búðinni,
spara peninginn og eiga þá fyrr fyr-
ir því sem er á óskalistanum.
SJÁLFVIRKT OG HANDHÆGT
Snjallsímaforrit sem
spara krónurnar
ALLS KYNS FORRIT FYRIR SNJALLSIMANN HJÁLPA TIL VIÐ AÐ HALDA UTAN UM ÚTGJÖLDIN,
HAFA GÓÐA YFIRSÝN YFIR FJÁRMÁLIN OG FÁ AFSLÆTTI
Ásgeir Ingvarsson ai@mbl.is
Snjallsímar eru hin mestu þarfaþing, sér í lagi með rétta fjármálahugbúnaðinum
Morgunblaðið/Ernir