Morgunblaðið - Sunnudagur - 15.06.2014, Blaðsíða 20

20 MORGUNBLAÐIÐ SUNNUDAGUR 15.6. 2014
Ferðalög og flakk
T
ölvufræðingarnir Krist-
ján Vilhjálmsson og
Elvar Þór Ásgeirsson
hafa veitt mikið saman,
bæði hér heima og er-
lendis. Hafa meðal annars farið til
Grænlands, í tvígang til Noregs og
jafnoft til Rússlands. Það var eftir
seinni Noregsferðina í fyrra að þeir
sammæltust um að gera eitthvað
alveg nýtt næst, eins og að veiða á
stuttbuxum til tilbreytingar. Til-
efnið var heldur ekki lítið, fimm-
tugsafmæli Kristjáns á árinu og
fertugsafmæli Elvars.
Þeir leituðu ráða hjá Justin Max-
well Stuart, breskum veiðimanni og
eiganda WhereWiseMenFish-
veiðileyfasölu, sem þeir kynntust í
Rússlandi, og kom þá á daginn að
hann var á leiðinni með hóp til
Kúbu í fluguveiði í sjó í byrjun maí
og svo skemmtilega vildi til að tvær
stangir voru lausar. Kristján og
Elvar létu ekki segja sér það tvisv-
ar og skráðu sig í ferðina.
Félagarnir flugu til Havana,
höfuðborgar Kúbu, gegnum Frank-
furt. Þaðan var flogið daginn eftir
til næststærstu eyjar landsins,
Ungeyjar (Isla de la Juventud).
Tveir úr hópnum, Justin Maxwell
Stuart og Þjóðverjinn Thorsten
Strüben, voru svo ólánsamir að far-
angur þeirra skilaði sér ekki á leið-
arenda. „Það fór ekki vel í þá,“ seg-
ir Kristján, „Kúba er líklega síðasta
landið í heiminum, fyrir utan Norð-
ur-Kóreu, þar sem þú vilt týna far-
angrinum þínum.“
Hann glottir.
Maður kaupir
ekkert þarna
Þetta kom sér raunar illa fyrir
Kristján og Elvar líka, en Justin
hafði ætlað að lána þeim búnað til
veiðanna. Veitt er á mun sterkara
girni þar syðra, auk þess sem veiði-
hjólin eru „tröllvaxin“, eins og
Kristján orðar það. Gömlu góðu ís-
lensku stangirnar urðu því að duga.
„Maður kaupir ekkert þarna.
Ekki einu sinni vindla, varla bjór
og alls ekki tannkrem,“ segir Krist-
ján og Elvar bætir við að þeir hafi
fengið eina klósettrúllu og eitt
sápustykki hvor á hótelinu sem
duga átti vikuna. „Ég gleymdi
sjampói og fullnýtti því sápustykkið
mitt,“ segir Kristján brosandi.
„Þetta var besta hótelið á eynni
en næði varla stjörnu í alþjóðlegum
samanburði. Á móti kemur að ör-
yggið er algjört. Engu er stolið,
það er ekkert mál að skilja eftir
tölvur og síma á herbergjunum eða
hreinlega á barnum. Það tekur
þetta ekki nokkur maður,“ segir
Elvar.
Gott símasamband var í eynni en
vonlaust að komast á netið. „Það
var bara fínt fyrir okkur tölvukarl-
ana. Við vorum í fríi,“ segir Elvar.
Þrjátíu gráðu heitur sjór
Dagurinn var tekinn snemma í
veiðinni. Siglt út á Karíbahafið um
áttaleytið á 17-18 feta þunnbotna
bátum. Tveir veiðimenn og einn
skipstjóri sem jafnframt er leið-
sögumaður. Sjórinn er um þrjátíu
gráðu heitur á þessu svæði og loft-
hiti sjaldan undir 35 gráðum. Fyrir
vikið þurfa menn að klæðast sér-
stökum veiðibúningi, frá hvirfli til
ilja. Til að skaðbrenna ekki.
Leiðsögumaður siglir í leit að
fiski, aðallega tarpon á þessum
tíma árs. Ekki er kastað nema fisk-
ur sé sjáanlegur. Veitt er á flugu.
Tarpon er stór fiskur, getur orðið
allt að 200 pund en stærsti fisk-
urinn sem hópurinn fékk var um
100 pund. Veitt var á sjö stangir.
Stærsti fiskurinn sem Kristján
veiddi var 65 pund. Tarpon er óæt-
ur fiskur og því er veiðinni sleppt
aftur í hafið.
Fjölmargar tegundir af fiski eru í
sjónum við Kúbu, allt frá smá-
fiskum upp í hákarla. Spurðir hvort
þeir hafi lagt til atlögu við þá ill-
ræmdu skepnu hrista félagarnir
höfuðið. „Maður reynir ekki að
veiða þriggja metra hákarl á flugu-
stöng.“
Eini fiskurinn sem Kristján og
Elvar héldu var snapper, sem þeir
færðu leiðsögumanni sínum í
Kristján sigri hrósandi með 65 punda tarpon sem hann dró úr sjó. Veiðinni er sleppt aftur í sjóinn enda tarpon óætur. Leiðsögumaðurinn að störfum.
Loftfimleikar
dauðans
VEIÐIFÉLAGARNIR KRISTJÁN VILHJÁLMSSON OG ELVAR ÞÓR ÁSGEIRS-
SON HAFA GERT VÍÐREIST SAMAN. Í TILEFNI AF STÓRAFMÆLUM SÍN-
UM Á ÞESSU ÁRI ÁKVÁÐU ÞEIR AÐ PRÓFA EITTHVAÐ ALVEG NÝTT
OG ENDUÐU VIÐ FLUGUVEIÐI Í SJÓ ÚTI FYRIR STRÖNDUM KÚBU.
VEIÐIN STÓÐ FYLLILEGA UNDIR VÆNTINGUM, AUK ÞESS SEM EYJAR-
SKEGGJAR Í UNGEY HEILLUÐU ÞÁ UPP ÚR SKÓNUM.
Orri Páll Ormarsson orri@mbl.is