Morgunblaðið - Sunnudagur - 15.06.2014, Blaðsíða 32
32 MORGUNBLAÐIÐ SUNNUDAGUR 15.6. 2014
Matur og drykkir
H
elena Gunnarsdóttir, matarblogg-
ari með meiru, bauð systur sinni,
mági og góðri vinkonu og eig-
inmanni hennar í matarboð kvöld-
ið sem sveitarstjórnarkosningar fóru fram og
úr varð sérdeilis skemmtilegt kvöld.
„Mig langaði að bjóða upp á sumarlegan
mat sem hægt væri að grilla og að ég gæti
gert mest af honum með góðum fyrirvara.
Þetta eru allt miklir sælkerar sem mættu í
matarboðið svo að ég var svolítið með hvert
og eitt þeirra í huga þegar ég skipulagði mat-
seðilinn, sem var mjög skemmtilegt,“ segir
Helena.
Maturinn sló í gegn, en að sögn Helenu
var kjötið og fiskurinn grillað af miklum
meisturum og hráefnið var eldað af full-
komnun.
„Mér finnst næstum vandræðalega gaman
að halda matarboð og hvers kyns veislur
þykja mér almennt afar skemmtilegar, hvort
sem ég er gestur eða gestgjafi. Við erum
þrjú í heimili svo það er alltaf gaman að bæta
í hópinn, búa til góðan mat og hafa gaman og
það þarf ekki alltaf að vera mikil fyrirhöfn.
Það er líka svo gaman að hitta fólk í miðri
viku yfir hversdagsmatnum og eiga notalega
stund.“
Helena nefnir að ef fólki líði vel og finnist
það vera velkomið heima hjá manni verði
matarboðið alltaf gott. Henni finnist alltaf
gaman að bjóða fólki í grillmat, sérstaklega á
sumrin. Það myndist svo góð stemning þegar
grillið sé dregið fram.
Getur Helena nefnt eftirminnileg matar-
boð?
„Ég hugsa að eftirminnilegustu matarboð
sem ég hef haldið og farið í séu matarboð
matarklúbbsins Vino Blanco. Við erum sjö
vinkonur í þeim klúbbi og skiptumst á að
halda matarboð og höfum gert í mörg ár. Þar
hafa margir snilldarréttir verið matreiddir og
gaman að sjá hvernig matarsmekkur hópsins
breytist með árunum. Einu sinni bauð ég upp
á sushi í slíku matarboði, sem ég ákvað að
búa til sjálf frá grunni í fyrsta skipti. Sushi-ið
lukkaðist svona líka vel að gestirnir eru enn
að tala um það nokkrum árum seinna en ég
get ekki hugsað mér að búa sjálf til sushi frá
grunni aftur eftir að hafa eytt, að mér fannst,
endalaust mörgum klukkustundum við hrís-
grjónaþvott og aðra nákvæmnisvinnu. Guði sé
lof fyrir alla dásamlegu veitingastaðina sem
selja tilbúið sushi.“
Helena er mikill
snillingur í eld-
húsinu og heldur
úti síðunni eld-
husperlur.com.
Morgunblaðið/Styrmir Kári
Grillarar
kvöldsins fengu
lof í lófa.
GRILL OG SUMAR
Hafði smekk hvers gests í huga
Gestir frá vinstri; Sunna Björg Birgisdóttir,
Fannar Helgason, Helena Gunnarsdóttir
sjálf, Sigríður Rún Steinarsdóttir, Bergur
Ingi Bergsson og Heimir Hjartarson.
Í KÓPAVOGI BUÐU HELENA GUNNARSDÓTTIR OG EIGINMAÐUR HENNAR GÓÐUM
VINUM HEIM Á KOSNINGAKVÖLD – Í GRILL OG SÆTINDI.
Júlía Margrét Alexandersdóttir julia@mbl.is
500 g bleikja, roðflett og skorin smátt
safi úr 1 sítrónu
safi úr 2 límónum
1 tsk. gróft sjávarsalt
1 lítið hvítlauksrif, smátt saxað eða rifið
2 msk. smátt saxaður skalottlaukur
1 msk. ólífuolía
börkur af 1 límónu, fínt rifinn
2 msk. svört sesamfræ
2-3 msk. ferskur kóríander, smátt sax-
aður
1 avókadó, ekki mjög þroskað og smátt
skorið
Setjið smátt skorna bleikjuna í skál og
kreistið sítrónu- og límónusafann yfir. Blandið
saman og látið liggja í leginum í ísskáp 4-8 klst.
Hrærið af og til í blöndunni. Sigtið sítrónu- og
límónusafann frá. Blandið restinni af hráefn-
unum saman við bleikjuna og smakkið til með
sjávarsalti, límónusafa og kóríander þar til
bragðið er eins og þið viljið hafa. Berið fram
ískalt með djúpsteiktum won ton-kökum,
pappadums-kökum eða góðum tortillaflögum.
Bleikju-ceviche
800 g skötuselur
1 dl ólífuolía
2 hvítlauksrif, smátt söxuð
1 msk. smátt saxað ferskt rósmarín
1 tsk. sjávarsalt
nýmalaður svartur pipar
börkur af 1 sítrónu, rifinn
Snyrtið skötuselinn og skerið í bita, nógu
stóra til að hægt sé að þræða þá upp á spjót.
Blandið öllu hráefninu í maríneringuna sam-
an í skál og hellið yfir fiskinn. Geymið í ísskáp
í 2-4 klst. Grillið við háan hita þar til fiskurinn
er eldaður í gegn en varist að ofelda.
Grilluð
skötuselsspjót