Morgunblaðið - Sunnudagur - 22.06.2014, Blaðsíða 44

Fjármál
heimilanna
Ágæt landsframleiðsla
*Þó að ástandið mætti og gæti verið betra erlandsframleiðsla á Íslandi samt með því hæstasem þekkist. Ef marka má tölur AGS er lands-framleiðsla á mann hérlendis sú 16. hæsta íheiminum, mitt á milli Írlands og Belgíu og hærrien í Þýskalandi, Frakklandi og Bretlandi. Lands-framleiðsla á mann á Íslandi er tvöfalt hærri en
hjá Grikklandi, fjórfalt hærri en hjá Argentínu og
meira en tífalt hærri en hjá Úkraínu.
Það mæðir á Lárusi Halldóri Grímssyni á
sumrin enda er hann stjórnandi Lúðrasveitar
Reykjavíkur og ófár skrúðgöngurnar þar sem
halda þarf uppi fjörinu.
Hvað eruð þið mörg í heimili?
Við erum 2-4 í heimili. Á sumrin allt upp í 6
manns, þegar synir mínir eru á landinu.
Hvað áttu alltaf til í ísskápnum?
Ég er úr sveit, á því mjólk, ostinn Skagfirskan
sveitabita, reyktan silung og allskonar nýgræð-
ing. Á líka alltaf vestfirskan harðfisk og viðbit,
skola þessari tvennu niður með Sól appels-
ínusafa og sódavatni blönduðu 50/50.
Hvað fer fjölskyldan með í mat og
hreinlætisvörur á viku?
Góð spurning, sem ég hef aldrei velt sér-
staklega mikið fyrir mér. Við erum allavega
ekki svo dýr í rekstri.
Hvar kaupirðu helst inn?
Í Vesturbænum er óvenju góð flóra af smáum
og stórum verslunum, allt til staðar nema
Kaupfélag Skagfirðinga. Þeir ætla að opna
útibú á Fiskislóð fyrir næstu jól, það verður
örugglega fullt út úr dyrum hjá þeim. Ég þarf
oft að fara í margar búðir í sömu ferð ef mig
vantar t.d. ferskan kóríander og enda gjarnan
svoleiðis innkaupaferðir í Melabúðini. Þar fæst
allt, villtur lax, öll fersku kryddin og allt á grill-
ið, sem sagt allt!
Hvað freistar helst í matvörubúð-
inni?
Heitur sviðakjammi úr hitaofninum í Mela-
búðini, ekkert toppar það. Ég er sko úr sveit
eins og fram hefur komið.
Hvernig sparar þú í heimilishaldinu?
Sendi sambýliskonuna út í búð, það þræl-
virkar.
Hvað vantar helst
á heimilið?
Stærri frysti fyrir fiskinn sem ég veiði á sumrin
í Veiðivötnum, á Arnarvatnsheiði og norður í
Fljótum.
Eyðir þú í sparnað?
Já, Sönnlæf o.fl.
Skothelt sparnaðarráð?
Hér er eitt skothelt, fyrir íslenska ólofaða
karlmenn. Ég hitti gamlan félaga fyrir 10 árum.
Hann var nýgiftur, kominn með góða og glæsi-
lega konu frá Filippseyjum plús tvö börn henn-
ar. Hann sagði mér að hún sæi um öll mat-
arinnkaup, það væru í mesta lagi 5000 kr. á
viku sem færu í matinn fyrir 4 á heimilinu.
Framreiknað á verðlagi dagsins í dag eru það
þrjár 12 tommu pizzur á viku, borðleggjandi
dæmi!
Koma svo, strákar!
LÁRUS HALLDÓR GRÍMSSON LÚÐRASVEITARSTJÓRI
Blandar appelsínusafa við sódavatn
Lárus segir að sig vanti stærri frysti undir allan
fiskinn sem hann veiðir á sumrin.
Morgunblaðið/Eggert
Aurapúkinn veit að það er gott
að eiga smá varabirgðir af
geymsluþolnum mat. Nokkrar
dósir af súpu, niðursoðnir ávext-
ir og núðlupakkar geta komið
sér vel þegar þröngt er í búi eða
ef tímann skortir til að kaupa í
matinn.
Púkinn hefur hins vegar brennt
sig á að sumt það sem hann
kaupir í þessum tilgangi langar
hann svo ekkert að borða þegar
á hólminn er komið. Vara-
matarbirgðirnar þurfa að vera
ljúffengar ef þær
eiga að gera
sitt gagn.
Til að
grisja eld-
hússkápana
reynir Púk-
inn að gera
hreinsunarátak
með reglulegu
millibili. Hann
tekur allt fram og
setur á eldhús-
borðið og saxar svo smám sam-
an á staflann. Það sem klárast
síðast, eða hreyfist jafnvel ekki
neitt, er matur sem má sleppa
því að kaupa framvegis, sama
hversu gott verð er í boði úti í
stórmarkaðinum.
Þessar restar má svo losna við
í gegnum matarbýttahópinn á
Facebook, gefa nágrönnum, ætt-
ingjum eða vinum, og njóta þess
síðan að hefa meira rými í skáp-
unum.
púkinn
Aura-
Skáparnir
grisjaðirH
ver kannast ekki við þá
upplifun að standa fyr-
ir framan fullan ísskáp-
inn en finnast samt
ekki neitt vera til, til að snæða?
Allar skúffur og skápar eru stút-
full af hráefni sem virðist samt
einhvern veginn ekki passa saman
og eitthvað vantar til að hægt sé
að matbúa.
Þeir sem standa í þessum spor-
um, og líka þeir sem vilja einfald-
lega spara sér ferð út í búð og
elda eitthvað gott úr því sem til
er, ættu að fara rakleiðis á netið
því þar má finna fjölda vefsíðna
sem nota má til að leita að upp-
skriftum eftir því hvaða hráefni er
þegar til.
Veislumatur úr litlu
Einn mjög notendavænn vefur af
þessu tagi er Supercook (www.su-
percook.com). Þar er ýmist hægt
að velja af lista eða skrifa beint
inn, á ensku, hvað er til í búrinu.
Forritið kemur jafnóðum með til-
lögur að uppskriftum og spyr
hvort til er fleira hráefni sem
gæti víkkað uppskriftaúrvalið enn
frekar.
Eftir því sem fleira hráefni rat-
ar inn á listann því fjölbreyttari
og flóknari uppskriftir birtast. Síð-
an má flokka uppskriftirnar eftir
matargerðarhefð, til að finna bet-
ur það bragð sem heimilismeð-
limir eru í skapi fyrir þá stundina.
Ekki síður mikilvægur fítus á
Supercook er að hægt er að úti-
loka uppskriftir sem innihalda t.d.
hnetur, skelfisk, glúten eða kjöt.
Síðan kemur vandlega fram í upp-
skriftunum hversu flóknar og
tímafrekar þær eru, og hversu
marga matargesti þær metta.
Næringarinnihaldið á hreinu
Annar ágætur vefur er My Fridge
Food (www.myfridgefood.com).
Viðmótið er ögn öðruvísi en hjá
Supercook en innihaldið að mestu
það sama. Notandinn einfaldlega
hakar við stuttan (eða langan)
lista af hráefni til að gefa til
kynna hvað er þegar til. Upp-
skriftirnar eru myndskreyttar og
skýrar og tekið fram á greinilegan
hátt hvert hitaeininga- og næring-
arinnihaldið er, og hvort eitthvert
tiltekið hráefni vanti til að hægt
sé að byrja að elda.
Ef ætlunin er t.d. að hreinsa úr
skápunum er upplagt að nota My
Fridge Food, skjótast svo út í búð
(eða yfir til nágrannans) eftir ein-
hverju einu eða tvennu smávægi-
legu sem vantar til að gera freist-
andi rétt. Kannski vantar ekki
nema klípu af smjöri eða flís af
osti til að galdra fram veislumat.
Önnur ágæt uppskrifta-leitarvél
til að hreinsa úr skápunum er Re-
cipematcher.com. Viðmótið er ögn
óþjálla en niðurstöðurnar eru hins
vegar mjög skýrar og auðlæsileg-
ar um hvað vantar mögulega uppá
til að vera með allt sem þarf í
ljúffenga uppskrift.
Eldað með Google
Síðast en ekki síst verður að
nefna leitarvélina Google. Það get-
ur verið vel þess virði að einfald-
lega slá inn heitið á því hráefni
sem til er á heimilinu, og bæta
við orðinu „uppskrift“ ef leitað er
á íslensku en „recipe“ ef leitað er
á ensku. Þannig má stundum
ramba á uppskriftir bæði frá mat-
reiðsluvefsíðum og matarsíðum
áhugamanna.
ERU SKÁPARNIR FULLIR AF ENGU?
Eldað úr því sem til er
MEÐ HJÁLP NETSINS ER LÉTTUR LEIKUR AÐ FINNA UPPSKRIFTIR SEM NÝTA ÞAÐ HRÁEFNI
SEM ÞEGAR ER AÐ FINNA Í ELDHÚSINU
Ásgeir Ingvarsson ai@mbl.is
Nokkrar góðar vefsíður geta vísað veginn að spennandi uppskriftum sem nýta það hráefni sem þegar er í skápum
og skúffum eldhússins. Það má meira að segja nota leitarvélina Google til að þefa uppi uppskriftir eftir innihaldi.
Morgunblaðið/Ernir