Morgunblaðið - Sunnudagur - 29.06.2014, Blaðsíða 20

MATUR OG DRYKKUR
T
il Kaupmannahafnar er stutt að fara, menningarleg og söguleg
tengsl Íslands við borgina eru margskonar og margir eiga þar
vini og ættingja sem þeir sækja heim. Svo er þar líka svo ótal
margt skemmtilegt í boði; Tívolí, dýragarðurinn, söfnin, tónleik-
arnir og allur góði maturinn, en Kaupmannahöfn státar af ekki færri en
15 Michelin-veitingastöðum og urmul annarra gæðastaða.
Listinn er langur, en allt kostar þetta skildinginn og buddan getur ver-
ið býsna fljót að tæmast. Ekki síst fyrir Íslendinga eftir gengisfall ís-
lensku krónunnar. Fram að því var gengi þeirrar dönsku lengi vel á bilinu
10-12 íslenskar krónur, en hefur undanfarið verið á bilinu 20-22.
Reyndar er borgin ekki bara dýr fyrir Íslendinga, því samkvæmt ný-
legri úttekt ferðasíðunnar Trip Advisor er hún sú fjórða dýrasta í heimi
fyrir ferðamenn. Engin ástæða er þó til að láta hugfallast, því með und-
irbúningi og nokkurri fyrirhyggju er vel hægt að skemmta sér þar dátt,
sækja heim áhugaverða staði, borða fyrirtaks mat og gera sér glaðan dag
án mikilla fjárútláta, því fjölmargt er í boði í þessari gömlu höfuðborg Ís-
lands sem kostar lítinn sem engan pening.
FERÐALÖG ÞURFA EKKI ALLTAF AÐ VERA DÝR
Ódýrt og
ókeypis í Kaup-
mannahöfn
KAUPMANNAHÖFN ER EINN VINSÆLASTI VIÐKOMU-
STAÐUR ÍSLENDINGA Á LENGRI OG SKEMMRI
FERÐALÖGUM, EN JAFNFRAMT EIN DÝRASTA BORG
HEIMS. MEÐ ÚTSJÓNARSEMI MÁ ÞÓ VEL NJÓTA
LÍFSINS Í BORGINNI VIÐ SUNDIÐ.
Anna Lilja Þórisdóttir annalilja@mbl.is
Flestir sælkerar ættu að fá eitthvað fyrir
sinn snúð í Kaupmannahöfn, en þar eru
fjölmargir úrvals veitingastaðir, t.d.
skarta hvorki meira né minna en 15
þeirra einni eða fleiri Michelin-
stjörnum. En góður matur þarf ekki að
kosta mikið. Vefsíðan aok.dk velur á
hverju ári besta ódýra veitingastaðinn í
borginni. Í ár hlaut franski veitingastað-
urinn Mon Amour á Skindergade þá nafn-
bót. Aðrir staðir sem voru tilnefndir voru
m.a. Madklubben Vesterbro og Manfreds &
Vin.
Ef pantað er borð í gegnum vefsíðuna Foodie (aok.dk/foodie)
fæst þriðjungs afsláttur á völdum veitingastöðum og á vefsíðunum
earlybird.dk og justhalfprice.dk fást veglegir afslættir. Annars þarf
ekki að borða á veitingastað í hvert mál, hvernig væri t.d. að ná
sér í samloku eða salatbox í næstu búð? Jafnvel hið víðfræga
danska smørrebrød? Fá sér síðan snæðing á bekk eða í almenn-
ingsgarði og horfa á mannlífið blómstra um leið.
20 MORGUNBLAÐIÐ SUNNUDAGUR 29.6. 2014
Ferðalög og flakk
Hélstu að það væri dýrt að njóta menningar og lista? Það er
mesti misskilningur, því vel er hægt að vera hinn mesti menning-
arviti í Kóngsins Köben og borga lítið sem ekki neitt. Mörg af
söfnum borgarinnar eru með einn ókeypis dag í hverri viku og í
sum þeirra þarf aldrei að greiða aðgangseyri. Til dæmis er alltaf
frítt í Þjóðminjasafnið, sömuleiðis í Þjóðarlistasafnið, Statens
Museum for Kunst ,en reyndar þarf að greiða þar aðgangseyri
inn á sérsýningar. Þá kostar ekkert inn á hið undurfagra safn
Glyptotek á sunnudögum, ekki þarf að opna budduna þegar
Thorvaldsenssafnið er heimsótt á miðvikudögum og það sama
gildir um Tøjhusmuseet, sem er bráðskemmtilegt hergagnasafn
með fallbyssum og gömlum herbúningum. Á föstudögum er svo
frítt inn í Kaupmannahafnarsafnið við Vesterbrogade, en þar er
saga borgarinnar rakin á áhugaverðan hátt.
FYRIR MENNINGARVITA OG FLEIRA FÓLK
Langar þig í útibíó? Hvað segirðu um ókeypis
útibíó? Í sumar stendur sjónvarpsstöðin Zulu
fyrir útisýningum mynda á borð við The Wolf
of Wall Street og Gravity í Fælledparken og í
Østre Anlæg, sem eru almenningsgarðar í
austurhluta Kaupmannahafnar, skammt frá
miðborginni.
DFI, danska kvikmyndastofnunin, verður
sömuleiðis með útibíósýningar í sumar. Þær
verða í Kongens Have sem er garðurinn um-
hverfis Rósenborgarhöll, örskammt frá mið-
borginni. Þær eru þó ekki fyrir viðkvæma, því
mynd Stanleys Kubricks, The Shining með
Jack Nicholson, verður m.a. þar á dagskrá.
Farðu með teppi og nesti og komdu þér vel
fyrir. Upplýsingar um kvikmyndir og sýning-
artíma eru á vefsíðu dönsku kvikmyndastofn-
unarinnar; dfi.dk og á vefsíðu Zulu: zulu.dk.
ÓKEYPIS ÚTIBÍÓ Í
GRÆNUM GARÐI
„Hundurinn minn var búinn að
vera í meðferðum hjá dýralækni
í heilt ár vegna húðvandamála
og kláða, þessu fylgdi mikið
hárlos. Hann var búinn að vera
á sterum án árangus. Reynt
var að skipta um fæði sem bar
heldur ekki árangur. Eina sem
hefur dugað er Polarolje fyrir
hunda. Eftir að hann byrjaði að
taka Polarolje fyrir hunda hefur
heilsa hans tekið stakkaskiptum.
Einkennin eru horfin og hann er
laus við kláðann og feldurinn
orðinn fallegur.“
Sigurlín Birgisdóttir, hundaeigandi
Sími 698 7999 og 699 7887
Náttúruolía sem
hundar elska
Við Hárlosi
Mýkir liðina
Betri næringarupptaka
Fyrirbyggir exem
Betri og sterkari fætur
NIKITA
hundaolía
Selolía fyrir
hunda