Morgunblaðið - Sunnudagur - 29.06.2014, Blaðsíða 48

Úttekt
48 MORGUNBLAÐIÐ SUNNUDAGUR 29.6. 2014
Ísland
á Ebay
Á EINUM STÆRSTA UPPBOÐSVEF HEIMSINS, EBAY.COM, SELJA ÍSLEND-
INGAR OG ÚTLENDINGAR MUNI SEM Á EINN EÐA ANNAN HÁTT TENGJ-
AST ÍSLANDI. GRIPIRNIR SKIPTA ÞÚSUNDUM OG HÆGT ER AÐ EYÐA VIK-
UM Í AÐ GRAMSA Í DÓTINU MEÐ ÞVÍ AÐ PRÓFA AÐ SLÁ INN HIN OG
ÞESSI LEITARORÐ. VIÐ NÁNARI SKOÐUN ER AÐ FINNA ALLS KYNS NÝTI-
LEGA, FALLEGA, DÝRA, ÓDÝRA OG SKONDNA HLUTI SEM MINNA Á
GAMLA TÍMA OG NÝRRI. EINNIG MÁ FINNA MINNA FYNDNA HLUTI SEM
ÓPRÚTTNIR AÐILAR FREISTA AÐ KOMA Í VERÐ OG SVO ER EINFALDLEGA
FÓLK SEM VEIT EKKI BETUR OG STUNDAR ÓLÖGLEGT ATHÆFI. ÞVÍ ÞAÐ
MÁ EKKI SELJA ALLT SEM FINNST Í GEYMSLUNNI.
Júlía Margrét Alexandersdóttir julia@mbl.is
Þennan ágæta 10.000 kr. seðil fékk Íslendingur
í banka um daginn en nú er hann til sölu á Ebay
á hvorki meira né minna en 42.000 kr. Ástæð-
an fyrir því er einföld – á seðlinum er sjaldgæfur
galli, nánar tiltekið á hægri jaðri hans sem er
óskorinn. Lítur því út fyrir
að seðillinn sé
rifinn en svo er alls ekki. Þar sem
gallar á nýjum peningaseðlum eru afar sjald-
gæfir í seinni tíð eru þeir eftirsóknarverðir í
heimi safnara. Nútímatæknin leyfir engum
gallagripum að sleppa í gegn. Það er Safn-
aramiðstöðin sem auglýsir seðilinn til sölu á
Ebay.
Svo eru það hinir gömlu og góðu peninga-
seðlar sem flestum finnst þeir hafa notað í gær en
eru farnir úr umferð fyrir mörgum árum þótt
misstutt sé eftir seðlum. Þá má alla fá á Ebay og
kosta þeir örfáa hundrað kalla.
10.000 KR. SEÐILLINN Á 42.000 KR
Á Ebay hafa fuglsegg verið auglýst til sölu og selj-
endur hafa auglýst að eggin hafi fundist á Íslandi. Í
vikunni seldist lundaegg en búið er að blása úr egginu.
14 tilboð bárust í eggið sem fór að lokum á 17.000 kr.
Samkvæmt lögum er bannað að flytja fugla, egg,
eggjaskurn og hreiður úr landi nema með undanþágu
frá umhverfisráðuneytinu en bannið tekur þó hvorki til
rjúpna né alifugla.
Engu að síður hefur mátt sjá egg músarrindils,
skógarþrastar, starra og jafnvel sílamávs auglýst til sölu á Ebay.
Ævar Petersen fuglafræðingur sagði í samtali við Sunnudagsblað Morgunblaðsins að sala
eggja úr landi væri eitt af þeim málum sem hefðu nýlega komið upp og tengdust meðal annars
vefsölum eins og Ebay. „Markaðir eru að opnast í krafti netsins sem gerir slíka sölu auðveld-
ari,“ segir Ævar.
Ævar staðfesti að verið væri að skoða þessi mál og Fuglaverndarfélagið væri að skoða frek-
ari skref og málið væri komið inn á borð lögreglu. Elís Kjartansson, lögreglufulltrúi hjá lög-
reglunni á Selfossi, staðfesti að þeir væru með eggjasölu á Ebay inni á sínu borði.
„Það er búið að benda okkur á eggjasöluna og við erum með málið í skoðun. Fyrst var okkur
bent á síðuna en síðan var maður staðinn að verki í votlendinu fyrir ofan Eyrarbakka, í frið-
landinu þar, þar sem hann var að tína egg ofan í bakpoka. Þá
var farið í húsleit heim til hans og fundust þar fleiri egg og
náttúrufræðingur var fenginn til að skoða hvaða egg þetta
væru en við erum að bíða greiningar frá honum,“ segir Elís.
Jóhann Óli Hilmarsson, formaður Fuglaverndarfélags Ís-
lands, segir að einn og sami aðili hafi um langan tíma selt egg
frá Íslandi, bæði egg friðaðra og ófriðaðra fugla, en á síðunni sé
hægt að skoða þakkarbréf frá ánægðum viðskiptavinum um
víða veröld. „Það er tilviljun að þessi maður á Selfossi var grip-
inn við eggjatínsluna í vikunni en athugull vegfarandi sá hann
vera að sniglast þar með bakpoka. Þetta er auðvitað alvarlegt í
alla staði og sérstaklega þegar um er að ræða friðaða fugla en
það eru ekki nema örfáar tegundir sem eru ófriðaðar. En
þeirra egg er engu að síður líka ólöglegt að selja úr landi nema
með sérstakri undanþágu.“
Eggjasölumál á Ebay
á borði lögreglu
Það er ótrúlegur fjöldi hluta á Ebay er
tengjast flugfélaginu Loftleiðum sem
stofnað var árið 1944 en sameinaðist svo
Flugfélagi Íslands árið 1973 undir nafninu
Flugleiðir.
Á 7. áratug 20. aldar varð félagið fyrst í
heimi með lággjaldaflug milli Bandaríkj-
anna og Evrópu. Harðnandi samkeppni
leiddi til þess að félagið sameinaðist Flug-
félagi Íslands árið 1973 undir nafninu
Flugleiðir sem var myndað úr nöfnum
flugfélaganna tveggja. Til hægri má sjá
ljósmynd vegfaranda sem hann tók af flug-
vél Loftleiða árið 1975 en staðsetningar er
ekki getið. Mikið er um ljósmyndir sem
almenningur hefur tekið af ýmsu sem
tengist Íslandi og fást þær á Ebay í alls
kyns slæmum gæðum en oft eru þær
nokkuð skondnar. Þessi ljósmynd fæst
fyrir litlar 600 kr.
Nokkuð fallegri myndir prýða póstkort
að neðan þar sem sjá má Keflavíkur-
flugvöll og flugvél Loftleiða en það seld-
ist fyrir nokkrum dögum á rúmlega 600
kr.
Að lokum er gaman að sjá að nokkrar
nafnanælur áhafnarmeðlima Loftleiða eru til
sölu á Ebay og meðal annars spjald Ingu nokk-
urrar. Viðmiðunarverð á því er 17.400 kr.
LOFTLEIÐIR SÉRKAFLI