Morgunblaðið - Sunnudagur - 29.06.2014, Blaðsíða 44
Fjármál
heimilanna
AFP
AFP
*Skólagjöld háskólanna vestanhafs geta verið æðihá og hefð er fyrir því að foreldrar leggi fyrir til aðhjálpa unglingunum sínum að mennta sig. Núvirðist þetta vera að breytast og greinir CNN fráað í ár segjast 77% foreldra hyggjast hjálpa til viðnámskostnaðinn, en voru 81% fyrir ári. Helstaástæðan fyrir lækkuninni er að þrengra er í búi en
áður. Þá segjast 15% foreldra á þeirri skoðun að
börnin þeirra eigi að borga námið alfarið sjálf.
Síður viljugir að borga námið
Birkir Snær Mánason er bankamaður á dag-
inn en tónlistarhetja á kvöldin. Um þessar
mundir vinnur hann hörðum höndum að
skipulagningu útgáfutónleika hljómsveitar
sinnar, Mercy Buckets, sem fram fara á
Gauknum föstudaginn 4. júlí.
Hvað eruð þið mörg í heimili?
Ég er piparsveinn og leigi í Kópavogi með
æskuvini mínum Arnari Guðna Kárasyni.
Hvað áttu alltaf til í ísskápnum?
Gervirjóma og malt. Aðallega vegna þess að
hvorugur okkar nennir að baka vöfflur og
maltið er útrunnið.
Hvað fer fjölskyldan með í mat og
hreinlætisvörur á viku?
Minna en mikið og meira en ekkert. Það er
erfitt að svara þessu nákvæmlega. Ég er dug-
legur að borða í vinnunni og því eru mat-
arinnkaupin ekki mikil hjá mér.
Hvar kaupirðu helst inn?
Í langflestum tilvikum versla ég í Bónus
Smáratorgi en örsjaldan sést ég (á nammi-
barnum) í Hagkaupum Garðabæ.
Hvað freistar helst í
matvörubúðinni?
Ég er lúmskur nammigrís og þarf því að
hlaupa fram hjá nammi- og kexhillunni til að
falla ekki í freistingar.
Hvernig sparar þú í
heimilishaldinu?
Ég borða í mötuneytinu í vinnunni á daginn
og fæ mér oftast skyr og brauð í kvöldmat-
inn. Ég drekk ekki gos og reyni að takmarka
eyðslu í allskyns vitleysu.
Hvað vantar helst á heimilið?
Við erum með grill á svölunum en okkur
vantar sárlega nýjan gaskút til þess að detta í
grillgírinn í sumar. Einnig langar mig í öflugri
tölvu til þess að vinna myndir og klippa
myndbönd en sú gamla er ekki látin enn,
þannig að ég ætla að bíða aðeins með það.
Eyðir þú í sparnað?
Ég er nýskriðinn úr skóla og hef því ekki lagt
mikið fyrir seinustu árin. Ég stefni þó á að
kaupa mína fyrstu íbúð á næstu árum og er
að byrja að leggja til hliðar fyrir því.
Skothelt sparnaðarráð?
Pabbi gamli sagði einu sinni við mig: „Mundu
bara að eiga meira en þú skuldar.“ Mikil ein-
földun en engu að síður klassískt ráð.
Einnig að sleppa gosinu og drekka vatn
með mat. Alveg skothelt.
BIRKIR SNÆR MÁNASON Í MERCY BUCKETS
Duglegur að borða í vinnunni
Birkir segist þurfa að hlaupa framhjá nammi- og
kexhillum verslana til að falla ekki i freistni.
Aurapúkinn lét það eftir sér á dög-
unum að kaupa PlayStation 4 leikja-
tölvu. Púkinn er á þeirri skoðun að
leikjatölvur séu bráðgóð fjárfesting
enda leitun á þeim miðli sem veitir
fleiri og betri afþreyingarstundir á
hverja krónu en góður tölvuleikur.
Ekki nóg með það heldur eru
leikjatölvur í dag nettengdar af-
þreyingarmiðstöðvar sem geta
gert ótrúlegustu hluti. Þannig upp-
götvaði Púkinn t.d. á dögunum að
hann getur opnað YouTube í vafra
leikjatölvunnar, og samstillt við
snjallsímann eða fartölvuna, og
stýrt þaðan því YouTube-efni sem
spilast á sjónvarpsskjánum.
Núna lætur Púkinn myndböndin
rúlla við hvert tækifæri, nýtur
góðrar tónlistar á færibandi í gegn-
um heimabíókerfið, horfir á fyr-
irlestra, umræðu- og skemmtiþætti
eins og honum hugnast hverju
sinni, sinn eigin útvarps- og sjón-
varpsstjóri.
púkinn
Aura-
Mikið fæst úr
leikjatölvunni
O
ft má gera mjög góð kaup í erlend-
um netverslunum, jafnvel þó að of-
an á verðið bætist sendingarkostn-
aður og óteljandi skattar og
opinber gjöld þegar varan berst til landsins.
Að rápa um netverslanir eins og Amazon-
.com, eða bresku útgáfuna Amazon.co.uk getur
hreinlega verið hin besta skemmtun, svo auð-
velt er að skoða úrvalið, gera verðsamanburð
og leita uppi afslætti. Eru þá ótaldar ýmsar
aðrar skemmtilegar netverslanir, ýmist sér-
hæfðar í tiltekinni vöru eins og gæludýravarn-
ingi, tölvuleikjum, raftækjum eða tískufatnaði.
En vissirðu, lesandi góður, að hægt er að
beita ýmsum brögðum til að fá enn betra verð
á netinu? Með smá útsjónarsemi, þolinmæði og
heppni má oft ramba á tilboð sem annars ber
ekki á, eða jafnvel knýja fram viðbótarafslátt
frá seljandanum.
Kíkt á marga staði
Fyrsta reglan er að gera samanburð á milli
verslana. Þar koma til bjargar vefsíður eins og
Google Shopping (www.google.com/shopping) og
PriceGrabber (wwwp.pricegrabber.com). Eftir
að hafa fundið það sem þig langar að kaupa í
uppáhaldsnetbúðinni er gott að fara á þessa
staði, slá inn heiti vörunnar og sjá hvort betra
verð kemur upp hjá öðrum seljanda.
Blaðamaður Huffington Post bendir á að þeir
sem eru sérlega duglegir að versla á netinu
ættu jafnvel að skoða þann möguleika að hlaða
inn smáforriti í vafrann, eins og PriceBlink
(www.priceblink.com) eða Invisible Hand
(www.getinvisiblehand.com), sem greinir það
sjálfkrafa þegar verið er að skoða netverslun
og leitar um leið að betra verði fyrir sömu vöru
annars staðar.
Verð á vörum getur líka breyst mikið eftir
árstíma. Árstíðabundin útsala gæti verið alveg
á næsta leiti og ekki gaman að vera nýbúinn að
panta vöruna til þess eins að sjá verðið lækka
næsta dag. Þess vegna er sniðugt að kíkja á
síður eins og Camelcamelcamel.com og Keepa-
.com. Þar má slá inn slóðina á vöruna í net-
versluninni, eða vöruheitið og fá yfirlit yfir
breytingar í verði langt aftur í tímann. Þetta
yfirlit gæti sýnt að verðið á það til að lækka og
hækka með reglubundnum hætti svo að borgar
sig að bíða ögn með að gera kaupin. Þessar
vefsíður geta líka sent sjálfvirka meldingu þeg-
ar varan fer niður fyrir óskaverð notandans.
Svo má ekki gleyma að skoða síður eins og
Retailmenot.com, sem safna saman á einn stað
afsláttarkóðum. Sláðu inn heiti vörunnar sem á
að kaupa og sjáðu hvort ekki kemur upp af-
sláttur upp á 5-15%.
Seljandinn píndur með biðinni
Síðasta bragð útsjónarsamra neytenda á netinu
er um leið það lymskulegasta: Að setja vörur í
„körfuna“ en bíða með að kaupa. Margar net-
verslanir vakta mjög nákvæmlega allar slíkar
hreyfingar og túlka sem svo að kaupandinn sé
tvístígandi. Gerist það þá stundum að seljand-
inn liðkar fyrir viðskiptunum með því að senda
afsláttarkóða í tölvupósti eftir nokkurra daga
bið. Aðrir seljendur, eins og Amazon, láta vita
ef það gerist að varan í körfunni lækkar í
verði.
TILBOÐIN ÞEFUÐ UPPI
Verslað af mikilli
útsjónarsemi á netinu
NOKKUR EINFÖLD BRÖGÐ OG HJÁLP-
LEGAR VEFSÍÐUR GETA SKILAÐ
RÍFLEGUM AFSLÆTTI Á ÞVÍ SEM FINNA
MÁ HJÁ NETVERSLUNUNUM
Ásgeir Ingvarsson ai@mbl.is
Með því að fylgja einföldum ráðum má oft fá mjög góðan afslátt þegar verslað er á netinu í stóru er-
lendu netbúðunum, eins og Amazon.com.
AFP