Morgunblaðið - 24.10.2014, Blaðsíða 38

38 MENNING
MORGUNBLAÐIÐ FÖSTUDAGUR 24. OKTÓBER 2014
STOFNAÐ1987
einstakt
eitthvað alveg
Ú r v a l e i n s t a k r a m á l v e r k a o g l i s t m u n a e f t i r í s l e n s k a l i s t a m e n n S k i p h o l t 5 0 a | S í m i 5 8 1 4 0 2 0 | w w w . g a l l e r i l i s t . i s
M
ál
ve
rk
:
Si
g
u
rb
jö
rn
Jó
n
ss
o
n
Helgi Snær Sigurðsson
helgisnaer@mbl.is
Bandaríski grínistinn Jim Breuer
er einn þeirra sem kitla munu hlát-
urtaugar gesta á alþjóðlegu grínhá-
tíðinni Reykjavík Comedy Festival
sem haldin verður í Hörpu um
helgina. Hátíðin hefst í kvöld kl. 20
með uppistandi breska grínhópsins
Best of Fest og Sögu Garð-
arsdóttur en þekktustu grínistar
hátíðarinnar, þ.e.a.s. utan land-
steinanna, eru án efa Breuer og
Stephen Merchant, samstarfsmaður
Ricky Gervais til margra ára og
einn af höfundum gamanþáttanna
The Office.
Breuer er frægur grínisti í
heimalandi sínu og sló í gegn í
gamanþáttunum Saturday Night
Live sem hann samdi gamanefni
fyrir og lék í á árunum 1995-8.
Grínsjónvarpsstöðin Comedy Cent-
ral telur Breuer einn af 100 bestu
uppistöndurum allra tíma og er það
býsna gott í ljósi harðrar sam-
keppni í þeirri grein í Bandaríkj-
unum.
Fagrar konur og frábært fólk
Breuer hóf fyrir viku uppistands-
ferð um Evrópu og sló blaðamaður
á þráðinn til hans í fyrradag, þegar
grínistinn var staddur í Kaup-
mannahöfn. Að sjálfsögðu var hann
fyrst spurður að því hvað hann
vissi um Ísland og kom svarið ekki
á óvart: „Eftirfarandi er allt sem
mér hefur verið sagt um landið:
Ákveðinn hluti þess lítur út eins og
tunglið, konurnar eru þær fegurstu
í heimi og landsmenn allir eru stór-
kostlegir.“ Blaðamaður bendir á að
þetta séu eintómar klisjur og Breu-
er segist hafa heyrt það líka. Hann
hafi verið kvæntur í 20 ár og græði
því ekkert á því að landið sé fullt af
fögrum konum. Hann geti hins veg-
ar notið fegurðarinnar sem áhorf-
andi, eins og gestur á listasafni.
– Ég er ekki viss um að Íslend-
ingar kannist við þig, þó að þú sért
frægur í heimalandinu …
„Líklega ekki, ekki frekar en
Evrópubúar almennt. Góðu frétt-
irnar eru þær að ég hef lokið öllum
sýningum með dynjandi lófataki og
fagnaðarlátum gesta þannig að ég
er nokkuð viss um að eftir tvær eða
þrjár ferðir munu Íslendingar og
allir aðrir sem ég hef látið finna
fyrir því vita hver Jim Breuer er,“
svarar Breuer sposkur. Fleiri grín-
ferðir séu fyrirhugaðar þar sem
hann sé að safna efni í sjónvarps-
þætti sem sýndir verða á sjón-
varpsveitunni Netflix.
Steve Martin kveikti áhugann
Breuer segir áhuga sinn fyrir
uppistandi hafa kviknað þegar hann
var tíu ára og bróðir hans lék fyrir
hann hljómplötu með gamanmálum
leikarans Steve Martin. „Ég hafði
aldrei áður heyrt fólk hlæja á plötu
og ég varð yfir mig hrifinn. Ég fór
svo að hlusta á fleiri grínplötur og
fylgjast með uppistandi. Ég hef
alltaf verið áhugasamur um grín og
fjölskylda mín er mjög fyndin sem
og allir vinir mínir,“ segir Breuer.
Breuer segir árin í Saturday
Night Live hafa verið lærdómsrík
en erfið. Blaðamaður spyr hvort
ekki megi líkja því við herþjálfun
(e. boot camp) fyrir grínista að
vinna við þættina. „Nákvæmlega,
þú lýsir því hárrétt. Þetta er her-
þjálfun og það er ekkert rökrétt
við það sem gerist þar. Þú veist
kannski að þú ert með besta
gríninnslagið en þeir sem ráða
gefa því ekki pláss í þættinum.
Það er mikið um stjórnmál í þátt-
unum, þetta er erfiðisvinna og
mikill spuni með tilheyrandi
áhættu. Þú stritar frá mánudegi til
laugardags linnulaust,“ segir Breu-
er og endurtekur orðið „linnulaust“
þrisvar sinnum. – Og hugmyndum
þínum eða bröndurum er vænt-
anlega slátrað hvað eftir annað?
„Linnulaust!“ segir Breuer, enn
og aftur. „Það er svo sem allt í lagi
að hugmyndir manns hljóti ekki
brautargengi en það er erfiðara
þegar þú veist að þær eru lang-
bestar. Í því liggur pirringurinn.“
„Ertu Ítali?“
– Þú hlýtur að hafa leikið með
fjölda þekktra leikara í þáttunum?
„Já, drottinn minn dýri og þeir
bestu voru Tom Hanks, Kevin Spa-
cey, Jack Nicholson, Robert De
Niro, Joe Pesci … fyrsti sjónvarps-
þátturinn í beinni sem De Niro lék
í á ferli sínum var þátturinn sem ég
lék í með honum. „Stóri“ þátturinn
var þátturinn þegar Pesci og De
Niro birtust óvænt,“ segir Breuer.
– Þú gerðir einmitt mikið grín að
Pesci, lékst hann í innslögum sem
nefndust The Joe Pesci Show þar
sem hann var spjallþáttastjórnandi.
„Ég hermdi bara eftir honum og
það féll honum illa í geð í fyrstu.
Hann vildi hitta mig áður en hann
kom með De Niro og lét mig fá það
óþvegið. Þetta var eins og atriði í
Goodfellas og þá er ég ekki að grín-
ast,“ segir Breuer og á þar við
kvikmyndina Goodfellas eftir Mart-
in Scorsese þar sem De Niro og
Pesci leika kaldrifjaða mafíósa. Og
nú bregður Breuer sér í hlutverk
Pesci og engu líkara en Pesci sjálf-
ur sé í símanum. „Hann sagði:
„Ertu Ítali?“ og ég svaraði: „Nei en
ég ólst upp með Ítölum“. Þá segir
hann: „Ég spurði þig ekki með
hverjum þú hefðir alist upp heldur
hvort þú værir Ítali.“ Ég sagðist
ekki vera Ítali og þá segir hann:
„Hvar fékkstu þá leyfi til að nota
orð eins og „ginny“ og „wop“ í
gríninnslögunum þínum og láta mig
segja þau? Truflar það þig ekkert?
Það fer í taugarnar á mér.“ Ég
trúði því varla að þetta væri að
gerast,“ segir Breuer („ginny“ og
„wop“ eru niðrandi slanguryrði yfir
ítalskættaða Bandaríkjamenn).
– Þú endaðir þó ekki dauð-
ur í skottinu á Cadillac …
„Nei, guði sé lof!
Ég hugleiddi
það hvort ég ætti að gefa honum á
hann og flýja land,“ segir Breuer
og hlær. Pesci hafi skotið honum
skelk í bringu.
Enginn dónaskapur
– Hvernig verður sýningin þín á
Íslandi? Ferðu eftir handriti eða
leikurðu meira af fingrum fram?
„Ég byrja hana yfirleitt á spuna
til að meta andrúmsloftið í salnum
og svo flyt ég hefðbundna dagskrá
sem ég hef notað á uppistands-
ferðum mínum. Hún er þó ekki nið-
urnegld, ég er með ákveðna fasta
liði sem ég vinn út frá, sé hvað
virkar og hvað ekki. Það sem ég
hef verið að gera að undaförnu hef-
ur virkað mjög vel á áhorfendur,“
segir Breuer og líkir uppistandi
sínu við Bill Cosby klæddan í Me-
tallica-jakka. Hann segi margar
sögur og þá m.a. af fjölskyldu sinni.
Uppistandið muni því ekki að fara
fyrir brjóstið á neinum. „Fólk á að
geta tengt við allt sem ég fjalla
um,“ segir Breuer.
Fyrir sex árum fór Breuer í
uppistandsferð um Bandaríkin,
Breuniversity Tour og var hún fest
á filmu. Faðir hans var með í för,
85 ára að aldri og var ferðin gefin
út á mynddiski, The Jim Breuer
Road Journals. Tilgangurinn var að
sýna hvernig það væri fyrir grín-
ista að fara í uppistandsferð með
föður sínum. Heimildarmynd var
einnig gerð úr efninu, More Than
Me, sem sýnd var á kvikmyndahá-
tíðinni í Montreal árið 2009.
Blaðamaður spyr hvers vegna
faðir Breuers hafi farið með hon-
um. Breuer segir föður sinn iðulega
hafa farið með honum í uppistands-
ferðir. „Við skemmtum okkur vel í
þessum ferðum og hann var stjarn-
an í þeim,“ segir hann. Fólk hafi
auk þess fengið aðra mynd af hon-
um sem grínista, komið að máli við
hann og deilt því með honum
hversu fallegt því þætti samband
þeirra feðga. Breuer segist hafa
ákveðið að taka ferðina upp til að
sýna fólki fram á að það væri í fínu
lagi að verja meiri tíma með for-
eldrum sínum, njóta lífsins með
þeim og óttast ekki dauðann. Hann
hafi grunað að faðir hans ætti ekki
mörg ár eftir og þeir hafi verið afar
nánir. „Hann dó í fanginu á mér 25.
ágúst síðastliðinn,“ segir Breuer.
Uppistand Breuer á Reykjavík
Comedy Festival fer fram í Silf-
urbergi annað kvöld kl. 22.30 og
verður jafnframt það síðasta í grín-
ferð hans um Evrópu.
„Eins og atriði í Goodfellas“
 Grínistinn Jim Breuer verður með uppistand á Reykjavík Comedy Festival í Hörpu  Joe Pesci
ósáttur við að hann væri að herma eftir honum í Saturday Night Live  Fjölskylduvænt grín
L
jó
sm
yn
d/
G
re
g
P
al
la
nt
e
Stórhættulegir Pesci og De Niro í kvikmyndinni Goodfellas.
Vefsíða Reykjavík Comedy
Festival: rcf.is.
Vefsíða Jim Breuer:
officialjimbreuer.com.
Orkubolti Jim
Breuer bregður á
leik fyrir ljós-
myndara. Breuer
þykir einn af
bestu uppistönd-
urum Bandaríkj-
anna og frábær
eftirherma.