Morgunblaðið - 25.11.2014, Page 2

2 FRÉTTIRInnlent
MORGUNBLAÐIÐ ÞRIÐJUDAGUR 25. NÓVEMBER 2014
Þorbjörg Finnsdóttir
Náttúruleg lausn við liðverkjum
„Þessar dásamlegu perlur hafa bjargað mér og minni
heilsu. Ég vakna án stirðleika á morgnana, er ekki
með bjúg lengur og mig langar að dansa allan daginn!“
Kynntu þér málið á regenovex.is Fæst í apótekum
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Samninganefndir sveitarfélaganna
og Félags tónlistarskólakennara
sátu enn á maraþonfundi hjá ríkis-
sáttasemjara þegar Morgunblaðið
fór í prentun í gærkvöldi en fund-
urinn hófst klukkan eitt eftir há-
degi. Þótti þessi langi fundur vís-
bending um að menn væru að reyna
að ná samningum. Magnús Pét-
ursson ríkissáttasemjari sagði á
tólfta tímanum í gærkvöldi að fund-
urinn gæti vel staðið fram á nótt.
„Menn sitja hér enn að og þetta er
orðið nokkuð langur fundur,“ sagði
Magnús.
Tónlistarkennarar eru orðnir
langþreyttir á verkfallinu sem stað-
ið hefur í tæpar fimm vikur. Af því
tilefni fóru þeir í „sorgargöngu“ í
miðborginni í gær. Gengið var frá
Lýðveldisgarðinum að Ráðhúsi
Reykjavíkur þar sem fram fór stutt
athöfn. Borin var líkkista og
sorgarmars Chopins leikinn auk
þess sem sálmar voru sungnir. Yfir-
skrift göngunnar var: Ætlið þið að
kviksetja tónlistarkennsluna á ykk-
ar vakt, ráðamenn Reykjavíkur?
vidar@mbl.is
Maraþon-
fundur í
deilunni
Tónlistarskólakennarar fluttu líkkistu að Ráðhúsinu og spiluðu sorgarmars
Morgunblaðið/Árni Sæberg
Tónlistarkennarar með gjörning Tónlistarkennarar fluttu líkkistu og léku sorgarmars Chopins í „sorgargöngu“ í miðborginni í gær.
Baldur Arnarson
baldura@mbl.is
Marktækur munur er á sölu nýrra
bíla til einstaklinga fyrir og eftir að
niðurstöður skuldaleiðréttingar
ríkisstjórnarinnar voru kynntar
mánudaginn 10. nóvember, fyrsta
virka daginn í 46. viku ársins.
Þetta er mat Egils Jóhannssonar,
forstjóra Brimborgar, sem vísar til
sölutalna máli sínu til stuðnings.
Sala nýrra bíla í vikum 46 og 47
hafi þannig verið rúmlega 86% meiri
en sömu vikur í fyrra. Til saman-
burðar hafi sala nýrra bíla aukist um
18% frá ársbyrjun til og með viku 47.
„Vöxtinn í sölu nýrra bíla til ein-
staklinga undanfarnar 16 vikur má
rekja til bætts efnahagsumhverfis,
sterkari krónu, aukins kaupmáttar
og meiri bjartsýni einstaklinga. Þá
er almennt komin mikil þörf á endur-
nýjun bílaflotans. Vöxturinn breytt-
ist síðan í samdrátt vikurnar tvær
fyrir leiðréttingu,“ segir Egill en
eins og sjá má hér til hliðar varð tæp-
lega 2% samdráttur í sölu nýrra bíla
til einstaklinga í vikum 44 og 45.
Snýst við í leiðréttingarvikunni
„Þróunin snýst síðan alveg við í
leiðréttingarvikunni og vikunni þar á
eftir. Allar aðrar breytur, svo sem
óvissa um efnahagsmál, deilur á
launamarkaði og verkföll, virðast
óbreyttar. Það sem hefur breyst er
að endanleg niðurstaða er komin í
leiðréttinguna,“ segir Egill.
Benedikt Eyjólfsson, eigandi Bíla-
búðar Benna, bendir aðspurður á að
það taki tíma að afgreiða nýja bíla.
Því beri að forðast að draga of miklar
ályktanir af sölu nýrra bíla í vikum
46 og 47. Sala nýrra bíla til almenn-
ings hafi aukist um tæp 20% í ár.
„Það sem við finnum hins vegar er
að það hefur skapast mikil þörf fyrir
endurnýjun bíla. Auðvitað léttir leið-
réttingin á fólki. Hún getur aukið
ráðstöfunarfé fólks til að kaupa nýj-
an bíl, sem t.d. eyðir minna og er í
ábyrgð. Allir svona hlutir hafa sitt að
segja. Sumir trúðu því ekki að það
yrði af leiðréttingunni.
Öll jákvæð merki í þjóðfélaginu
hafa áhrif þegar fólk er að fjárfesta.
Við höfum séð þetta gerast í gegnum
árin. Það þarf oft ekki mikið til að ýta
fólki af stað,“ segir Benedikt og
bendir jafnframt á að lánafyrirtæki
bjóði nú hagstæðari vexti af bílalán-
um en áður. Það hafi líka áhrif.
Leiðréttingin eykur bílasölu
 Sala nýrra bíla til einstaklinga var ríflega 86% meiri í vikum 46 og 47 en í fyrra
 Eigandi Bílabúðar Benna segir leiðréttinguna hafa örvandi áhrif í hagkerfinu
Sala nýrra fólksbíla og
pallbíla til einstaklinga
Fjöldi seldra eintaka fyrir og eftir
að leiðréttingin var kynnt í viku 46
2013 2014 Breyting
Vikur 44 og 45
Vikur 46 og 47
Síðustu 16 vikur
Síðustu 12 vikur
Síðustu 8 vikur
Síðustu 4 vikur
176
81
1.109
805
548
257
173
151
1.451
1.074
707
324
-1,7%
86,4%
30,8%
33,4%
29,0%
26,1%
Heimild: Greining Brimborgar
Ágúst Ingi Jónsson
aij@mbl.is
Evrópusambandið, Noregur og
Færeyjar hafa samið sín á milli um
skiptingu makrílkvóta á næsta ári.
Þar er miðað við að heildaraflinn
verði 1.054 þúsund tonn og skipta
þjóðirnar á milli sín um 890 þúsund
tonnum.
Eftir eru skilin 15,6% eða 164.424
tonn fyrir aðra, þ.e. Íslendinga,
Grænlendinga og Rússa, sem eru
utan samkomulags um veiðarnar.
Afli Íslendinga einna í ár var lítið
eitt lægri en það sem skilið er eftir
fyrir þjóðirnar þrjár á næsta ári.
Væntanlega munu Íslendingar,
Grænlendingar og Rússar hverjir
fyrir sig tilkynna á næstu mánuðum
um aflamark viðkomandi þjóða. Á
þessu ári ákvað Sigurður Ingi Jó-
hannsson sjávarútvegsráðherra að
miða við að hlutur Íslands yrði
16,6% af ráðgjöf Alþjóðahafrann-
sóknaráðsins, ICES.
Innan sjálfbærnimarka
ICES lagði í haust til að afla-
mark í makríl á næsta ári yrði 906
þúsund tonn og byggist sú ráðgjöf
á gildandi aflareglu. Í frétt um
samkomulagið segir hins vegar að
veiðar á 1.054 þúsund tonnum séu
innan sjálfbærnimarka og varúðar-
sjónarmiða, að mati ICES. Á veg-
um ráðsins er, að beiðni samnings-
ríkjanna þriggja, unnið að endur-
mati á nýtingarstefnu makríls til
lengri tíma. Reiknað er með að
þeirri vinnu ljúki í febrúar og verði
rædd á fundi í marsmánuði.
Á næsta ári koma 520 þúsund
tonn í hlut Evrópusambandsins
samkvæmt samningi þjóðanna
þriggja, Noregur fær 237 þúsund
tonn og aflamark Færeyinga verð-
ur 133 þúsund tonn. Heildarmakríl-
veiði þessa árs varð um 1.400 þús-
und tonn, en eftir endurskoðun
endaði ráðgjöf um veiðar í ár í rúm-
lega milljón tonnum.
Íslendingar veiddu rúmlega 153
þúsund tonn, afli Rússa varð um
116 þúsund tonn og í grænlenskri
lögsögu veiddust 78 þúsund tonn af
100 þúsund tonna tilraunakvóta.
Semja um makrílkvóta
 ESB, Norðmenn og Færeyingar skipta 890 þúsund
tonnum á milli sín  Aflamarkið hækkað frá fyrri ráðgjöf
Samkvæmt upplýsingum frá
Landspítalanum leiddu verkfalls-
aðgerðir á flæði- og aðgerðasviði
til þess að fresta þurfti 35-40
skipulögðum aðgerðum í gær. Þar
með lengist biðlistinn sem því
nemur. Hins vegar voru gerðar
15-20 bráðaaðgerðir í gær.
Líkt og fyrstu vikuna í nóv-
ember munu verkfallsaðgerðir
hafa áhrif á skurðstofurnar alla
verkfallsdaga vikunnar. Verkfalls-
aðgerðir í dag ná til flæðisviðs, en
undir það falla bráðamóttaka,
endurhæfingardeildir, öldrunar-
deildir o.fl., sem og aðgerðasviðs.
Undir það falla gjörgæsla, skurð-
stofur, speglanir, svæfing, blóð-
banki o.fl.
Geðsvið og skurðlækningasvið
munu hefja verkfallsaðgerðir á
morgun en þeim lýkur á fimmtu-
dag. Engar verkfallsaðgerðir eru
fyrirhugaðar á föstudag eða í
næstu viku.
Enn fjölgar
á biðlistum