Morgunblaðið - 25.11.2014, Page 19

19
MORGUNBLAÐIÐ ÞRIÐJUDAGUR 25. NÓVEMBER 2014
Veðurblíða Einmuna veðurblíða hefur verið á landinu undanfarið. Margir hafa nýtt dagana vel til útivistar í Grafarvogi líkt og annars staðar því engu er líkara en vorið sé á næsta leiti.
Golli
Jón Steinar Gunn-
laugsson ritaði grein í
Mbl. 22. þessa mán-
aðar, um nýfallinn
dóm Hæstaréttar í
meiðyrðamáli sem
höfðað var til ógild-
ingar ummælanna
„Fuck you rapist
bastard“. Telur hann
að í þeim felist stað-
hæfing um að áfrýj-
andi málsins sé nauðgari, þrátt
fyrir að hann hafi aldrei verið sak-
felldur fyrir slíkt brot.
Ég er Jóni Steinari sammála um
að staðhæfing um að nafngreindur
maður hafi framið refsiverða hátt-
semi sé að öllu jöfnu refsiverð og
að hana beri að
ómerkja. Málið hefur
hins vegar á sér sér-
staka hlið.
Stefndi í málinu
fullyrti aldrei að áfrýj-
andi hefði nauðgað.
Hann lýsti hins vegar
á afdráttarlausan hátt
skoðun sinni á áfrýj-
anda sem hefur í
gegnum árin gengið
fram af fólki og kallað
eftir viðbrögðum.
Áfrýjandi hefur marg-
sinnis gert lítið úr kynferðisofbeldi
gegn konum á opinberum vett-
vangi. Og eins og fram kemur í
dómi meirihluta Hæstaréttar má í
sumum tilvikum skilja orð hans
svo að hann hvetji beinlínis til kyn-
ferðislegs ofbeldis gagnvart kon-
um, bæði nafngreindum og ónafn-
greindum. Ummæli áfrýjanda á
opinberum vettvangi voru innlegg
í þjóðfélagsumræðu um stöðu
kynjanna og kynfrelsi kvenna og
mátti hann búast við því að vera
svarað af hörku og í sömu mynt.
Stefndi ritaði hin umdeildu orð,
ásamt fleiri fúkyrðum á rituðu og
táknrænu formi, á forsíðumynd
tímarits af áfrýjanda. Með því var
stefndi ekki að miðla staðreynd
eða staðhæfingu heldur að úthrópa
áfrýjanda. Þrátt fyrir að hin afbak-
aða mynd og ummælin sem henni
fylgdu hafi vissulega verið
ósmekkleg, eins og Hæstiréttur
bendir á, hafi stefndi verið að tjá
fúkyrði í garð áfrýjanda og að slík
tjáning sé ekki takmörkuð í meið-
yrðalöggjöf.
Í stað þess að lesa hæstarétt-
ardóminn yfirvegað kyrjar Jón
Steinar gamalkunnugt stef þess
efnis að dómurunum sem mynduðu
meirihluta í málinu hafi gengið
eitthvað annarlegt til með nið-
urstöðu sinni, s.s. að hún hafi
stjórnast af óvild í garð áfrýjanda
eða vinskap við hinn málsaðilann
eða einhvern sem tengist honum.
Með öðrum orðum að þeir dómarar
hafi ekki dæmt lögum samkvæmt.
Eins og margoft áður virðist Jóni
Steinari fyrirmunað að ætla öðrum
að vera málefnalegir og lausir við
utanaðkomandi áhrif eins og hann
sjálfur telur sig ætíð vera. Það
þarf hins vegar engan Sókrates til
að sjá hvort sé sennilegra að nið-
urstaða Hæstaréttar hafi ráðist af
framkomu áfrýjanda sjálfs, frekar
en af þeim annarlegu sjónarmiðum
sem hæstaréttardómarinn fyrrver-
andi, heldur fram.
Jón Steinar segir í sjálfsævisögu
sinni að hann sé fljótur að mynda
sér skoðanir en líka tilbúinn að
bakka sé honum vísað á réttan
veg. Vonandi hefur umrædd grein
verið skrifuð í einu slíku fljótfærn-
iskasti.
Eftir Valtý
Sigurðsson » Stefndi ritaði hin
umdeildu orð, ásamt
fleiri fúkyrðum á rituðu
og táknrænu formi, á
forsíðumynd tímarits af
áfrýjanda.
Valtýr Sigurðsson
Jóni Steinari svarað
Höfundur er hæstaréttarlögmaður
sem var lögmaður stefnda
í Hæstarétti.
Þriðjudaginn 18.
nóvember síðastliðinn
var haldinn
borgarstjórnarfundur í
Reykjavík, þar sem
Dagur B. Eggertsson
borgarstjóri lagði fram
til samþykktar sam-
komulag sem und-
irritað var 19. apríl
2013 af þeim Ögmundi
Jónassyni, þáverandi
innanríkisráðherra, og Jóni Gnarr,
þáverandi borgarstjóra. Sam-
komulagið ber heitið „Samkomulag
um endurbætur á aðstöðu fyrir far-
þega og þjónustuaðila á Reykjavík-
urflugvelli“. Það sem er einkar at-
hyglisvert er að samkomulagið var
ekki lagt fyrir borgarráð til sam-
þykkis á sínum tíma eins og gert er
ráð fyrir, heldur var það gert núna 6.
nóvember síðastliðinn, sem er rúm-
um 18 mánuðum seinna.
Þetta finnst okkur í
Framsókn og flugvallar-
vinum ekki ásættanleg
vinnubrögð. Sér-
staklega í ljósi þess að
þáverandi innanrík-
isráðherra, Ögmundur
Jónasson, hefur sjálfur
nýverið skrifað grein
þar sem hann segir að
samkomulagið sé með
öllu ómerkt þar sem
bæði ríki og borg hafi
ítrekað brotið gegn
samkomulaginu. Ögmundur bendir
ennfremur á að ef staðið hefði verið
við samkomulagið þá væri staðan allt
önnur þar sem meðal annars væri
risin ný flugstöð á Reykjavík-
urflugvelli og að öll aðstaða fyrir flug
hefði þá batnað til muna, sem allir
vita að er ekki raunin.
Máli sínu til stuðnings lagði hátt-
virtur borgarstjóri fram hinar ýmsu
samþykktir, bókanir og úttektir sem
undirrituð fór upp í ræðustól til þess
að fara yfir og færa rök fyrir af
hverju þær hefðu ekki gildi í um-
ræðunni eða stöðunni eins og hún er í
dag. Undirrituð hlaut samúð hátt-
virts borgarstjóra fyrir og lét hann
þau orð falla að þetta væri álit áhuga-
manna á málinu. Ekki vissi und-
irrituð að herra Ögmundur Jónasson,
fyrrverandi innanríkisráðherra, sem
undirritaði áðurnefnt samkomulag
væri áhugamaður. Samúðarkveðj-
unum til stuðnings kaus háttvirtur
borgarstjóri að túlka orð mín sem svo
að ég væri að ófrægja og ómerkja
alla þá ágætu menn sem að sam-
komulaginu hafa staðið en ekki að
færa rök fyrir gildi þess sem að sjálf-
sögðu var ekki mín ætlun né voru
mín orð. Slíkan útúrsnúning telur
undirrituð eingöngu til þess fallinn að
sýna fram á hversu mikill og einlæg-
ur vilji borgarstjórans er til þess að
koma Reykjavíkurflugvelli úr Vatns-
mýrinni.
Eitt af stuðningsgögnunum sem
háttvirtur borgarstjóri lagði fram
máli sínu til stuðnings var „Sam-
komulag um skipulag og uppbygg-
ingu á landi ríkisins við Skerjafjörð“,
dagsett 1. mars árið 2013, vegna fyr-
irhugaðrar sölu ríkisins á svæði á
suðvesturhluta flugvallarsvæðisins.
Taldi undirrituð ekki að samkomu-
lagið hefði gildi lengur og er ástæðan
sú að Alþingi tók afgerandi afstöðu til
málsins með því að taka alla heimild
til sölu lands ríkisins undir flugvell-
inum af fjárlögum í lok árs 2013. Hins
vegar benti háttvirtur borgarstjóri á
í umræðunni að samningurinn hefði
verið undirritaður fyrir þann tíma
sem að sjálfsögðu er alveg rétt og
minntist hann einnig á að formaður
fjárlaganefndar væri þeirrar skoð-
unar að afsalsheimildir þyrftu að
koma til. En það sem mestu máli
skiptir er að Alþingi fer með fjárveit-
ingarvaldið. Það er algengt að ráð-
herrar undirriti samninga. Þingið
verður samt alltaf að staðfesta slíka
samninga með samþykki sínu ef um
er að ræða fjárútlát eða sölu á eign-
um ríkisins. Ef þingið gerir það ekki
þá fellur samningurinn niður dauður.
Svo einfalt er það. Að sögn formanns
umhverfis- og samgöngunefndar,
Höskulds Þórhallssonar, þarf heimild
til sölunnar að vera inni í fjárlögum
þar til skilyrði samningsins eru að
fullu uppgerð og frágengin.
Gerum bara samkomulag!
Eftir Grétu Björgu
Egilsdóttur
Gréta Björg Egilsdóttir
» Samúðarkveðjunum
til stuðnings kaus
háttvirtur borgarstjóri
að túlka orð mín sem
svo að ég væri að
ófrægja og ómerkja
alla þá ágætu menn
sem að samkomulaginu
hafa staðið.
Höfundur er 1. varaborgarfulltrúi
Framsóknar og flugvallarvina.