Morgunblaðið - 25.11.2014, Side 30

30 MENNING
MORGUNBLAÐIÐ ÞRIÐJUDAGUR 25. NÓVEMBER 2014
Það gladdi mig mikið aðheyra að JazzklúbburHafnarfjarðar stæði fyrirtónleikum með dönsku
djasssveitinni UDU og er klúbb-
urinn hluti Menningar- og lista-
félags Hafnafjarðar þar sem Kiddi
í Hljómalind ræður ríkjum. Það er
gaman að djassklúbbur sé starf-
andi í Hafnafirði, en þar var Jazz-
vakning stofnuð fyrir nærri 40 ár-
um.
Tónleikarnir á föstudagskvöld
voru listviðburður, en því miður
heldur illa kynntir og aðsókn í
samræmi við það. Danski bassa-
leikarinn Richard Andersson, sem
hér hefur búið um tíma, leikið með
ýmsum djasssveitum og staðið fyr-
ir djammsessjónum á Hressó, var
hér mættur með kvartett sinn
UDU, sem auk hans skipa þrír úr
hópi helstu djassleikara Dana:
Jesper Zauthen altisti og Kasper
Tranberg trompetleikari, sem hér
léku á RúRek djasshátíðinni 1997
í boði Jazzvakningar með Frum-
skógasveit Pierre Dørge og
trommarinn Peter Bruun, sem lék
í Parkertríói breska píanistans
Django Bates á Jazzhátíð Reykja-
víkur 2010.
Tónleikarnir voru tvískiptir án
hlés og var fyrri hlutinn verk af
skífu kvartettsins, öll eftir Rich-
ard, römmuð inn í hið fyrsta „This
is not an elevator“ sem var með
hljómi frá Austurlöndum nær, og
hið síðasta „Fest i elvehøj“ þar
sem grúf Richards og Peters var
sterkt undir samstiga blæstri Ka-
spers og Jespers. Þar á milli brá
fyrir laglínum af ætt Ornette Co-
lemans, balkanskotnum línum og
sálmastefjum, en fyrst og fremst
ríkti hinn sterki spuni Jespers
Zauten öðru ofar. Hann er töfra-
maður á hljóðfæri sitt og tónn
hans afar persónulegur þó að
hann leiti fanga víða. Kaper er
einnig sterkur blásari með þrótt-
mikinn tón, málmkenndan og
breiðan. Hann leitar á mið ýmissa
forvera sinna en tekst að bræða
þau áhrif í sinn eigin stíl, sem er
heitur og expressjónískur. Rich-
ard er einnig sterkur sólisti hvort
sem hann pikkar línurnar eða
bregður fyrir sig hljómum og Pet-
er Bruun – þar er heil hrynsveit í
gangi bak við trommusettið.
Seinni hluti tónleikanna sam-
anstóð af nýjum lögum, sem vænt-
anlega verða hljóðrituð innan
skamms. „Baby Blues“ var fyrst á
dagskrá, enda Richard nýbúinn að
eignast sitt þriðja barn. Klass-
ískur blús í klassískum frjálsdjass-
stíl. Verður það betra? Kannski
var þó bragurinn um bassastól
Richards, sem brotnaði nýlega,
eftirminnilegastur: „To the
bridge“. Þar fannst mér ég stadd-
ur í neworleanískri jarðarför og
tónn Jespers magnaður. Titurmik-
ill, voldugur og urrandi eins og
hjá Sidney Bechet. Svo lauk þessu
á stuttum ópus Jespers „Wo bist
du?“
Ljósmynd/Zuzia Prusinska
UDU Richard Andersson, Kasper Tranberg, Jesper Zauthen og Peter Bruun.
Frá New Orleans
til frjálsspuna
Bæjarbíó í Hafnafirði
UDUbbbbm
Richard Andersson, bassa, höfundur
tónlistar og hljómsveitastjóri, Kasper
Tranberg trompet, Jesper Zauthen altó-
saxófón og Peter Bruun, trommur.
Föstudagskvöldið 21. nóvember 2014 kl.
21.00.
VERNHARÐUR
LINNET
TÓNLIST
Þór Magnússon, fyrrverandi þjóðminjavörður,
mun halda fyrirlestur um íslenska silfursmiði í
hádegisfyrirlestri Þjóðminjasafnsins í dag,
þriðjudag, og hefst hann kl. 12.05.
Á 150 ára afmælisári Þjóðminjasafnsins í
fyrra gaf safnið út ritið Íslenzk silfursmíð í
tveimur bindum. Verkið er afrakstur áratuga
rannsókna Þórs um silfursmíð og silfursmiði
hér á landi í gegnum aldirnar. Í bókinni fjallar
hann meðal annars um aðferðir við gull- og silf-
ursmíði og íslenska hagleiksmenn sem margir
voru sjálflærðir. Í öðru bindi bókarinnar er
gullsmiðatal þar sem gerð er grein fyrir ís-
lenskum gullsmiðum allt frá miðöldum til 20.
aldar. Í samtali við Morgunblaðið sagði Þór að
því miður væru ekki varðveittri gripir frá mið-
öldum sem hægt væri að eigna íslenskum smið-
um en á síðari öldum fjölgar mikið heimildum
um smiði. „Það er einkennilegt hve margir fóru
að læra gullsmíði, því sjálfsagt var meiri þörf
fyrir tré-, járn- og bátasmiði,“ sagði hann.
Fyrirlesturinn er öllum opinn.
Þór fjallar um íslenska silfursmíði
Morgunblaðið/Einar Falur
Fræðimaðurinn Þór Magn-
ússon virðir fyrir sér kaleika
í Þjóðminjasafninu.
Silja Björk Huldudóttir
silja@mbl.is
„Þetta eru ekki jólatónleikar, enda
er aðventan ekki enn gengin í garð.
Sjálf er ég hlynnt því að allt eigi
sinn tíma og við flytjum jólatónlist-
ina þegar nær dregur jólum,“ segir
Þorgerður Ingólfsdóttir sem stjórn-
ar Hamrahlíðarkórnum á tónleikum
í Háteigskirkju í kvöld kl. 20. Á efn-
isskránni, sem ber yfirskriftina
Stuttir eru morgnar, er eingöngu
íslensk tónlist.
„Aðgangur er ókeypis, því okkur
finnst mikilvægt að allir hafi tæki-
færi til að mæta og kynnast þessum
yndislegu verkum og sterka ís-
lenska skáldskap,“ segir Þorgerður.
Á tónleikunum verða frumflutt tvö
ný verk, annars vegar Rímna-
stælingar fyrir kór og 3 klarinetta
eftir Atla Heimi Sveinsson og hins
vegar Kaprísa fyrir fiðlu og kór eft-
ir Örnólf Eldon Þórsson auk þess
sem frumflutt verður endurskoðuð
raddsetning Hafliða Hallgríms-
sonar á þjóðlögunum Móðir mín í
kví kví og Bí, bí og blaka.
Afburða klarínettuleikarar
„Rímnastælingar Atla Heimis er
skemmtiverk byggt á einu af Jón-
asarlögum hans, Buxur, vesti, brók
og skó við texta Jónasar Hallgríms-
sonar. Atli Heimir samdi verkið á
liðnu vori, en það hittist svo
skemmtilega á að það eru þrír ung-
ir afburða klarínettuleikarar í námi
sem syngja með kórnum um þessar
mundir,“ segir Þorgerður, en ein-
leikarar verksins eru þau Hilma
Kristín Sveinsdóttir, Hildur Elísa
Jónsdóttir og Símon Karl Sigurð-
arson Melsteð.
„Örnólfur Eldon, sem fæddur er
1992, er í námi í tónsmíðum við
Listaháskóla Íslands en staddur í
skiptinámi í Tallinn í Eistlandi um
þessar mundir. Hlutverk fiðlunnar
er mjög stórt í þessu verki,“ segir
Þorgerður, en einleikari er Sólveig
Vaka Eyþórsdóttir.
„Á efnisskránni eru einnig verk
eftir fleiri af stórmeisturum okkar,“
segir Þorgerður og nefnir í því
samhengi verkið Stuttir eru morgn-
ar í Möðrudal eftir Jón Nordal.
„Þetta er fyrsta kórverk Jóns, en
hann samdi þetta ungur maður árið
1955 fyrir karlakór. Fyrir hálfu
öðru ári umskrifaði hann tvo þætti
úr verkinu fyrir blandaðan kór með
okkur í huga. Þessi útgáfa hefur
ekki fengið opinbera kynningu þó
að við höfum flutt þetta einu sinni
áður. Mér finnst afskaplega mikils
virði að koma því á framfæri, þarna
er á ferðinni frábært tónverk.“
Af öðrum verkum nefnir Þor-
gerður Klukku Íslands eftir Huga
Guðmundsson við ljóð Þorsteins
Valdimarssonar sem tileinkað er
Halldóri Laxness. „Við frumfluttum
verkið í Þýskalandi en það hefur
aldrei verið flutt hérlendis áður,“
segir Þorgerður og bendir á að
verkið sé fyrir kór, tvo crotales
diska og litlar bjöllur, en um einleik
á crotales eða málmdiska sér Sölvi
Rögnvaldsson.
„Önnur verk á efnisskránni eru
verk sem hafa ef til vill ekki fengið
mikla kynningu en sem okkur lang-
ar til að koma á framfæri, því
margt af því sem samið hefur verið
fyrir okkur í áranna rás hefur orðið
almenningseign,“ segir Þorgerður.
Af öðrum tónskáldum sem verk
eiga á tónleikum kvöldsins eru Þor-
kell Sigurbjörnsson, Kolbeinn
Bjarnason og Snorri Sigfús Birg-
isson auk þess sem flutt verður út-
setning eftir Ríkarð Örn Pálsson
við Vera mátt góður, en einleikari í
því verki er Hildur Elísa Jónsdóttir
á klarinett og aðrir hljóðfæraleik-
arar eru Steinar Logi Helgason á
klukkuspil, Sylvía Spilliaert á bassa
sem og Ólafur Sverrir Stephensen
og Þorgrímur Þorsteinsson á slag-
verk.
Stöðug endurnýjun
Aðspurð segir Þorgerður alls 53
ungmenni í Hamrahlíðarkórnum, en
þau eru á aldrinum 18 til 25 ára.
„Það er allnokkur áskorun að reyna
að halda sama hljómnum, því söng-
hópurinn er í stöðugri endurnýjun
og nánast alltaf einhverjar manna-
breytingar milli tónleika enda þessi
tími í lífi ungs fólks tími mikilla
breytinga,“ segir Þorgerður og
bendir á að ellefu ungmenni séu í
kvöld að syngja sína fyrstu tónleika
með kórnum. „En þessar öru breyt-
ingar halda starfinu lifandi og
fersku,“ segir Þorgerður að lokum.
„Frábært tónverk“
 Hamrahlíðarkórinn syngur í Háteigskirkju í kvöld kl. 20
Morgunblaðið/Golli
Hæfileikarík Þorgerður Ingólfsdóttir ásamt Hamrahlíðarkórnum á æfingu.
Vagnhöfða 11 - 110 Reykjavík - www.ofnasmidja.is - sími 577 5177
hafðu það notalegt
vottun reynsla
ára
ábyrgð
gæði
miðstöðvarofnar