Morgunblaðið - Sunnudagur - 16.11.2014, Qupperneq 64

SUNNUDAGUR 16. NÓVEMBER 2014
Mikill áhugi er fyrir landsleik Íslands
og Tékklands í knattspyrnu í Plzen á
sunnudagskvöldið og fjöldi Íslendinga
á leið utan. Þeirra á meðal eru fjórir
Kjalnesingar, bræðurnir Björgvin Þór
og Kristján Mar Þorsteinssynir og
mágar þeirra, Magnús Ingi Magn-
ússon og Arnar Grétarsson. Forsaga
málsins er sú að kapparnir voru á leið
til Berlínar ásamt spúsum sínum um
helgina og þegar þeir gerðu sér grein fyrir því að lands-
leikinn bar upp á sömu helgi höfðu þeir snör handtök og
breyttu flugmiðum sínum út. Fljúga með Gamanferðum
til Prag aðfaranótt sunnudags og taka þaðan rútu til
Plzen.
Magnús Ingi segir konur þeirra félaga hafa haft mis-
mikinn skilning á uppátækinu, sumar vildu helst koma
með en aðrar hristu bara höfuðið. „Það bjargar okkur
líklega að við tökum lest strax aðfaranótt mánudags og
verðum komnir til Berlínar snemma um morguninn, fá-
einum klukkutímum á eftir konunum. Það er að segja ef
áætlanir ganga upp,“ segir Magnús Ingi léttur í bragði.
Ferðin leggst vel í hann en hitað verður upp í Pilsner-
verksmiðjunni, þar sem söngolía verður borin á tálknin
fyrir leikinn. Spurður hvernig leikurinn fari kveðst hann
bjartsýnn. „Miðað við frammistöðuna gegn Hollend-
ingum og Belgum eigum við alveg möguleika. Eigum við
ekki að segja að Ísland vinni, 2:1.“
Spurður hvort hann hefði breytt ferðaplönum sínum
út af íslenska landsliðinu fyrir tveimur árum svarar hann
neitandi. „Hefðum við tapað fyrir Hollendingum hefði ég
líklega flogið beint til Berlínar. Það er gríðarleg stemn-
ing kringum liðið um þessar mundir og líklega aldrei
verið skemmtilegra að horfa á Ísland spila fótbolta.“
Tólfan, stuðningsklúbbur íslenska landsliðsins, mun án efa verða atkvæðamikil í Plzen í uppgjöri efstu liðanna í riðlinum.
Morgunblaðið/Ómar
KJALNESINGAR BREYTTU FERÐAPLÖNUM
Magnús Ingi
Magnússon
Öll vötn falla til Plzen
Steingrímur J. Sigfússon var nokk-
uð óvænt kjörinn varaformaður Al-
þýðubandalagsins á landsfundi
flokksins í nóvember 1989. Fyrir-
fram gerðu menn ekki ráð fyrir því
að breytingar yrðu gerðar á for-
ystusveit flokksins en á fundinum
kom skýrt fram að nokkur óánægja
kraumaði undir niðri með áherslur
forystunnar. Niðurstaðan varð sú
að Steingrímur bauð sig fram gegn
sitjandi varaformanni, Svanfríði
Jónasdóttur, og felldi hana.
Svanfríður, sem naut eindregins
stuðnings formannsins, Ólafs
Ragnars Grímssonar, tók ósigr-
inum illa og sagði í ræðu á fund-
inum að niðurstaðan birti ákveðna
sýn til þess hvernig verk þeirra
kvenna sem veldust í forystu
flokksins væru metin.
Steingrímur, sem kom úr öðrum
armi flokksins en formaðurinn,
kvaðst á hinn bóginn treysta því að
niðurstaðan myndi styrkja flokk-
inn. Hann hafnaði því alfarið að
hann hefði boðið sig fram til að ein-
angra Ólaf Ragnar á formannsstóli
og þaðan af síður til að gera upp við
Svanfríði vegna framboðsmála í
Norðurlandskjördæmi eystra. Þá
fullyrti hann að Alþýðubandalagið
væri ekki tveir flokkar.
GAMLA FRÉTTIN
Svanfríð-
ur felld
Svanfríður Jónasdóttir rýmir til fyrir Steingrími J. Sigfússyni haustið 1989.
Morgunblaðið/Bjarni
ÞRÍFARAR VIKUNNAR
Lou Lou Who
úr kvikmyndinni The Grinch
Páll Pálmar Daníelsson
leigubílstjóri
Gunnar Helgason
leikari og rithöfundur
Cognicore®
brokkolítöflurnar
Sölustaðir:
Heilsuverslanir og apótek um land allt
Fjarðarkaup, Hagkaup og Melabúðin
www.brokkoli.is
Eitt áhrifaríkasta
bætiefni veraldar!
Byggir á sérvirka kjarnaefninu sulforaphane úr
lífrænt ræktuðum brokkolí-spírum að viðbættu
túrmeric og selenium.
Virkjar hið mikilvæga varnarkerfi líkamans sem
verndar frumur okkar fyrir skaðlegum áhrifum
og stuðlar að endurnýjun þeirra.
Cognicore® getur þannig hægt á öldrun og
haft stórkostleg áhrif á heilsuna og útlitið.
Brokkolí áhrifin
Betri heilsa - Betra útlit